كويز: جاوب على الأسئلة واعرف بتتصرف صح بعد التمرين في الجيم ولا لأ؟

لازم تشرب سوايل كتير فورًا  لما تحس إن جسمك ارتاح من التمرين عشان تعوّض السوايل اللي فقدتها عن طريق العرق، وممكن كمان تشرب مياه جوز الهند، أو الشاي الأخضر لو متاح وقتها

الدراسات بتقول إنك لازم تاكل نشويات وبروتينات بكميات محدودة بعد التمرين عشان تساعد في بناء العضلات، وتوصّل مادة الجليكوجين للعضلات عشان تزوّد نشاطك، وابعد عن السكريات والدهون لأنهم بيزوّدوا إحساس العطش وبيضيعوا المجهود اللي عملته

لازم تحرّك جسمك بعد التمرين عشان تزوّد نشاط الدورة الدموية، وتنّقي جسمك ومجرى الدم من أي مواد سامة

عشان توصل لهدفك مهما كان لازم تتناول وجبات بتجمع كل العناصر الغذائية، وممكن يختلف تركيز كل عنصر عن التاني حسب الهدف ولكن مهم توازن بينهم عشان تحافظ على صحتك، ومناعتك من أي ضرر

ضروري تلعب آخر تمرين بنفس جودة التمارين التانية، وبلاش تضغط على نفسك وافتكر إن أوقات الراحة في نفس أهمية التمرين، وابعد عن الكسل عشان تحقق منّه أكبر استفادة

الدراسات بتأكد إن الاستحمام بمياه باردة بيساعد على ارتياح العضلات، بس مهم ترتاح شوية قبل الاستحمام عشان تخلي درجة حرارة جسمك في معدّلاتها الطبيعية

لازم تسيب مسافة 3 ساعات على الأقل بين التمرين وبين النوم، لأن الجسم بيفرز وقتها هرمون الأدرينالين، وبتزيد فرص إصابتك باضطرابات النوم، والأرق

لازم تختار أوزان مناسبة  حسب الهدف اللي عايز تحققه بمساعدة مدرب رياضي متخصص ينصحك، وحاول تخليها في نص التمرين مش في نهايته عشان تقدر تلعب براحتك، وتزوّد فترات الراحة لأن أغلب الناس بيلعبوا آخر تمرين بسرعة وبدون تأنّي