المحتويات
كثرة التبول مشكلة بتواجه ناس كتير وممكن يكون عرض للإصابة بمرض معين زي مشاكل المسالك البولية أو فرط نشاط المثانة، وبتسبب القلق أو الإحراج للشخص المصاب بيه خاصة في الأماكن العامة.
أسباب كثرة التبول عند السيدات
عدوى المسالك البولية
من الأسباب الأساسية للإصابة بيه وبيحصل لما البكتيريا بتدخل المثانة من خلال مجرى البول
في عوامل بتزود خطر الإصابة بعدوى المسالك البولية زي:
- عدم رطوبة المكان
- حبس البول لفترات طويلة
- التهاب المهبل
- المسح غير الصحيح من الخلف للأمام بعد استعمال الحمام
- تغييرات الجهاز البولي زي الحمل والإصابة بداء السكري
فرط نشاط المثانة
هو عبارة عن مجموعة من الأعراض التي بتسبب كثرة التبول نتيجة لفرط نشاط عضلات المثانة وبتظهر الأعراض في الرغبة المفاجئة في التبول الليلي وكثرة التبول في اليوم أكثر من 8 مرات
أسباب تانية
- حصوة المثانة
- مرض السكري
- التهاب المثانة
- ضعف عضلات الحوض
- الإفراط في تناول الكافيين والمحليات الصناعية
أعراض كثرة التبول عند السيدات
أعراض التهاب المسالك البولية
- الحاجة للتبول بشكل متكرر
- ألم وحرقان عند التبول
- رائحة نفاذة للبول
- ألم أسفل البطن
- وجود دم في البول
- الحمى
- فقدان السيطرة على التبول
- الغثيان
- القشعريرة
أعراض فرط نشاط المثانة
- عدم القدرة على تأجيل التبول
- تشرب البول
- التبول الليلي
أسباب كثرة التبول عند الرجال
تتراوح الأسباب بين الإصابة بمشاكل في الكلى أو شرب كمية كبيرة من السوايل، وتشمل:
- شرب كمية كبيرة من السوايل خاصة اللي فيها كافيين أو كحول
- اضطرابات القلق
- تناول مدرات البول
- المواد الغذائية والمشروبات اللي بتعمل زي مدرات البول زي الشعير
- التهاب المسالك البولية
- ورم أو وجود كتلة في منطقة الحوض
- التهاب المثانة الخلالي وهو نوع من أنواع التهاب جدار المثانة
- متلازمة فرط نشاط المثانة
- حصوات المثانة أو الكلى
- سرطان المثانة
- عدوى منقولة جنسيا زي الكلاميديا
- سلس البول
- مشكلات البروستاتا
- عدوى في الكلى
تشخيص كثرة التبول
- الدكتور عادة بيسأل أسئلة عن بداية الأعراض ومدتها وعدد مرات التبول والأعراض اللي بتعاني منها
- هيطلب عينة للبول للتأكد من عدم الإصابة بأي التهابات أو عدوى
- هيعمل فحص للبطن والحوض للتأكد من سلامة الأماكن دي
- فحص المثانة اللي بيتم عن طريق الموجات فوق الصوتية بعد التبول لمعرفة كمية البول الباقية
- منظار المثانة واللي بيتم من خلال أداة مضاءة داخل المثانة وأخد عينات من الأنسجة
- اختبار البول للتأكد من جودة عمل الجهاز البولي
علاج كثرة التبول
لو الحالة سببها الإصابة بمرض أو مشكلة تانية زي داء السكري، فالدكتور هيساعدك على حلها من خلال تناول الأدوية اللازمة لحلها
أما لو لو الحالة سببها المثانة نفسها، فالدكتور هينصحك بالعلاج السلوكي اللي هيستهدف تغيير روتين حياتك ونظامك الغذائي زي:
- إعادة تدريب المثانة عن طريق زيادة الفترات بين التبول تدريجيا عشان تستعيد قدرتك على الاحتفاظ بالبول
- تعديل النظام الغذائي عن طريق توازن الأطعمة والمشروبات المدرة للبول واللي فيها كمية مياه كبيرة زي الكافيين والبطيخ والخيار والخس
- الابتعاد عن شرب السوايل قبل النوم بحوالي ساعتين لتجنب التبول الليلي
- ممارسة تمارين كيجل وهي تمارين لأسفل الحوض اللي بتعمل على تقوية العضلات حوالين المثانة لتحسين التحكم فيها
- تشخيص الأدوية المناسبة لمساعدتك على التحكم في المثانة