المحتويات
قشر الرمان المجفف ليه فوائد كتير للجسم، فهو بيساعد في القضاء على البكتيريا والتخلص من رائحة الفم الكريهة، وليه طرق مختلفة للاستخدام للاستفادة بيه.
الطريقة الصحيحة لاستخدام قشر الرمان
- اغسله وجففه كويس جدا في الشمس مع التقليب المستمر لحد ما ينشف تماما
- ممكن تطحنه وتستخدمه مع مواد تانية أو تخلطه مع مياه عشان قوامه يكون مشابه للعجين
- ممكن تستخدمه مجفف بدون طحن عن طريق غليه مع مياه وبعدين تصفيه
فوائد قشر الرمان
قشر الرمان للبشرة
- دراسات محدودة أثبتت ان استخدام عجين القشر المطحون مع المياه بيساعد في علاج البشرة من التصبغات وبيفتحها
- دراسة تانية أثبتت إنه بيساعد على التخلص من مشاكل البشرة زي الحبوب ومشاكل تانية من البشرة
- الدراسات في النقطة دي محدودة
فوائد قشر الرمان للأمراض المزمنة
- ممكن يقلل الأمراض المزمنة زي داء السكري وأمراض القلب
- دراسة محدودة أثبتت إن تناول 1000 مجم من مستخلص قشره بيحسن مستوى الكوليسترول والسكر في الدم بين الأشخاص اللي بيعانوا من السمنة
الوقاية من السرطان
- فيه كمية كبيرة من مادة الـ(Punicalagin) اللي فيها خصائص مضادة للسرطان
- بعض التجارب أثبتت إنه ليه دور في إبطاء نمو خلايا سرطان زي الثدي والفم والقولون
- لأنه غني بمضادات الأكسدة، الدراسات أثبتت إنه مفيد للوقاية من سرطان الكبد واضطرابات الكبد المختلفة
صحة الأسنان
- بسبب خصائص المضادة للبكتيريا.. بعض التجارب أثبتت إنه بيساعد في التخلص من تراكم البلاك على الأسنان والوقاية من تسوس الأسنان
- الدراسات في النقطة دي محدودة
الوقاية من التهاب المفاصل الروماتويدي
- هي حالة بتسبب التهاب المفاصل وبسبب خصائصه المضادة للأكسدة.. ممكن يساعد على تخفيف حدة المشكلة
- بيساعد على الوقاية من خسارة العظام وتجديد الأنسجة
