المحتويات
فوائد الخس متنوعة خصوصًا إنه من أشهر الخضروات الورقية اللي بتدخل في أغلب الأكلات سواء السلطة أو حتى سندوتشات الوجبات الجاهزة وبالتالي تقدر تستفيد من عناصره الغذائية اللي بتحسن صحة الجسم والبشرة والشعر.
العناصر الغذائية في الخس
- الخس من الخضروات الورقية الغنية بالألياف والفيتامينات ومضادات الأكسدة وكل 100 جرام من الخس فيهم:
- 14 سعر حراري
- 2.92 جرام نشويات
- 1.13 جرام بروتين
- 0.14 جرام دهون
- 1.2 جرام ألياف غذائية
- 198 ميكروجرام فيتامين أ
- 6 مليجرام فيتامين ج
- 34 ميكروجرام فوليت
- 75.2 ميكروجرام فيتامين ك
- 19 مليجرام صوديوم
- 168 مليجرام بوتاسيوم
- 27 مليجرام كالسيوم
فوائد الخس لخسارة الوزن
- الخس من أكتر الخضروات الورقية الغنية بالألياف وقليلة الدهون (0.14 جرام دهون)
- بيزوّد إحساس الشبع وبيقلل كمية الأكل اللي بيتناولها الشخص وبالتالي بيساعد على تقليل الوزن وعدم الإفراط في النشويات والسكريات اللي بتتخزن في الجسم على شكل دهون
- بيعتبر غذاء مثالي لمرضى السكر وبيحسن حركة الأمعاء وبيقلل فرص الإصابة بالانتفاخ والإمساك وبالتالي بيسهل خروج الفضلات من الجسم
الخس وتحسين صحة القلب
- بيقلل الخس الكوليسترول الضار وبيحسن مستويات الكوليسترول الجيد وبالتالي بيحمي القلب من الإصابة بالأمراض وبيقلل فرص الإصابة بضيق الشرايين اللي مع الوقت بيسبب جلطات خطيرة
- الخس من مصادر الأحماض الدهنية غير المشبعة زي الأوميجا 3 اللي بيحسن صحة القلب والشرايين
- بجانب إنه غني بمضادات الأكسدة ومواد زي البيتا كاروتين وفيتامين ج وكلها عناصر وفيتامينات بتحمي الجسم من خطر الالتهابات اللي بتأثر على القلب
فوائد الخس لتنقية الجسم من السموم
- بيحافظ الخس على بيئة الجسم القاعدية والقلوية وبالتالي بيساعد على حماية الجسم من السموم وتنقية الدم منها ولو بنسبة بسيطة
الخس لعلاج النوم
- الدراسات اكتشفت مادة سائلة في الخس اسمها اللاكتوكاريوم بتحسن جودة النوم وبتعالج الأرق وبتزوّد فرص الاسترخاء
فوائد الخس لتقوية المناعة
- الخس غني بمضادات أكسدة وفيتامينات ومعادن بتحمي الخلايا وبتنشط كرات الدم البيضاء وبتقوي الجلد اللي بيعتبر خط الدفاع الأول للجسم ضد أي مرض
- الخبراء بيأكدوا إن الخس بيساعد على امتصاص المعادن والفيتامينات في الأطعمة وبالتالي بيستفيد الجسم أكتر وبتقل فرص الإصابة بفيروسات الجهاز التنفسي والإنفلونزا
الخس والوقاية من السرطان
- صبغة الكلوروفيل في الخس بتقلل فرص الإصابة ببعض السرطانات ومنها سرطان القولون والرئة والجلد والمبيض والثدي
- مضادات الأكسدة بتحمي خلايا الجسم والحمض النووي من التشوهات
فوائد الخس لتقوية العظام
- تقارير كتير بتأكد إن الخس غني بالكالسيوم وفيتامين ك اللي دورهم أساسي في تقوية كثافة العظام وسرعة التئام الجروح والكدمات
أهمية الخس للحوامل
- الدراسات بتقول إن الخس فوائده متنوعة للحوامل لأنه غني بفيتامين ب٩ وهو ضروري لحماية الجنين من التشوهات الخلقية ونمو الجهاز العصبي بطريقة طبيعية
- بيحمي الحامل من الإمساك لأنه غني بفيتامين ك
- البوتاسيوم الموجود في الخس بيقلل التوتر والقلق خلال الحمل واللي دورهم أساسي في عدم استقرار الحمل واضطراب هرمونات الحامل وبالتالي بيعتبر عامل ضروري للحفاظ على استقرارها النفسي
تأثير الخس على البشرة والشعر
- فيتامين أ الموجود في الخس بيحمي البشرة من ظهور علامات التقدم في السن أو ظهور الخطوط الرفيعة على الوجه
- فيتامين ج في الخس بينشّط الكولاجين اللي بيزوّد نضارة الجلد وبيساعد على التئام الجروح وبيحمي البشرة من أشعة الشمس فوق البنفسجية
- مضادات الأكسدة وفيتامينات ب المركبة بتحتوي على مضادات التهاب بتقلل فرص ظهور حبوب الشباب
- بيحتوي الخس على معادن زي الفوسفور والسيليكون والكبريت اللي بيساعدوا على نمو الشعر في أحسن شكل ممكن
- تجارب كتير أكدت إن تناول عصير الخس كل يومين بيزوّد طول الشعر بطريقة ملحوظة
- خبراء تانيين بيقترحوا عصير مزيج بين الخس والسبانخ والجزر والبرتقال للحصول على أفضل استفادة ممكنة
تحذيرات قبل تناول الخس
- اغسل الخس كويس قبل أكله لأنه من أكتر النباتات اللي بتلتقط الملوثات من التربة والأسمدة والميكروبات
