تكليف الصيادلة بيعتبر ضمن تكليف خريجي الكليات الطبية سواء كليات الطب وطب الأسنان وصيدلة أو كليات ومعاهد التمريض والفنيين الصحيين للعمل في المؤسسات الطبية التابعة لوزارة الصحة المصرية بعد التخرج بفترة وبتستمر حسب احتياج المؤسسات الطبية ليهم
مدة تكليف الصيادلة
- سنتين قابلين للتجديد حسب طلب الجهة الإدارية
خطوات التقديم على تكليف الصيادلة
- بتدخل على الرابط ده اللي بيشتغل خلال المدة المقررة لفتح باب التسجيل لترتيب الرغبات للحصول على التكليف
- بتختار تسجيل البيانات وبعد الانتهاء منها بتضغط على تسجيل الرغبات
- وقتها بيطلّب منك بعض البيانات عشان تملاها ومنها:
- رقم الخريج (بتحصل عليه من خلال خانة فوق الطلب بتقدر تكتب فيها اسمك وبيظهرلك الرقم) وبتكتب بعدها رقمك القومي ورقم تأكيدي
- بتفتح صفحة جديدة بتظهر فيها بياناتك اللي سجلتها قبل كده
- لو لقيت أي خطأ في بياناتك ارجع تاني للصفحة الرئيسية وبعدها ادخل على تسجيل البيانات لتعديلها
- بلاش تدخل على جملة تعديل البيانات في صفحة الرغبات لأنها مش هتشتغل معاك
- بعد كتابة كل البيانات الناقصة بترجع تاني لتسجيل الرغبات وبعدها بتختار تسجيل التكليف للجهات الأساسية
- بتدخل على صفحة مشابهة لصفحة رغبات الثانوية العامة
- بتختار من الخانة اللي في اليمين المحافظة ومن الخانة اللي جنبها بتختار كل مديرية صحية حسب رغبتك وبعدها بتضغط على إضافة
- ضروري تضغط على حفظ ف النهاية عشان تتأكد من حفظ كل الرغبات في النهاية بنفس الترتيب اللي اجتهدت في تنظيمه
- اعرف إنك ممكن تلاحظ اختفاء رغباتك بعد فترة قصيرة نتيجة تعديلات على الموقع لكن اعرف إنها موجودة في قاعدة البيانات الرئيسية
رقم الاستفسار للدعم الفني
- اتصل على رقم 19468 التابع لوزارة التعليم العالي عشان تسأل لو واجهتك أي مشكلة في التسجيل
