البابونج من الأعشاب الطبية اللي ذاع صيتها من عصور مختلفة عن فوايدها المتعددة في المساعدة على الشفاء والوقاية من بعض الأمراض، ولكن مهم تعرف أضرار الإفراط في تناولها أو ملامستها للعين بشكل مباشر.
فوائد البابونج
- بيعتبر جزء أساسي من الكتابات الطبية القديمة في مصر القديمة وروما واليونان
- يحتوي على مركبات التربينويد والفلافونويد اللي ليها فوايد طبية كبيرة منها تقليل أعراض الالتهابات خصوصًا الصدرية وبيساعد في علاجها
- تجارب كتير أكدت إن استنشاق البابونج مفيد في علاج نزلات البرد
- بيهدّي المعدة وبيريح عضلاتها وبيساعد في علاج مشاكل الجهاز الهضمي وبيمنع نمو البكتيريا اللي بتتسبب في قرح المعدة
- بيعتبر مهديء خفيف وبيساعد على الاسترخاء والنوم أسرع
- دراسة ألمانية بتقول إنه بيقلل اضطرابات القلق وبيحافظ على التوازن النفسي
- لأنه بيحتوي على مواد معينة ليها تأثير مباشر بمستقبلات الراحة في الدماغ
- بيقلل مستويات السكر في الدم وبيحافظ على الضغط وبيحمي من أمراض القلب والكوليسترول
- بجانب إنه بيساعد على زيادة تخزين الجلايكوجين في الكبد وبيقلل فرص الإصابة بمرض السكر
- الخبراء بينصحوا بتناول مشروب البابونج أو شاي البابونج قبل النوم بساعة عشان يساعد على الاسترخاء والنوم
أضرار الإفراط في تناوله
- مهم لأي حامل تستشير طبيبها المتخصص قبل تناول البابونج باستمرار لأن مفيش دراسات كتير عن مدى تأثيره على الحوامل
- بعض الخبراء بيأكدوا إن الإفراط في تناوله ممكن يزوّد ظهور أعراض الحساسية
- بتزيد التهابات الجلد عند بعض الناس وبتوصل لتهيج العينين
- الجرعات المبالغ فيها من البابونج ممكن تسبب شعور بالغثيان وزيادة سيولة الدم
- بيتفاعل مع دواء (cyclosporine) اللي بيستخدم لمنع رفض الجسم للأعضاء المزروعة حديثًا
- ومع بعض أدوية السيولة زي (warfarin)
- بعض الحالات النادرة سجلت رد فعل بيتضمن رد فعل تحسسي مهدد للحياة
تأثير تعرض العين المباشر للبابونج
- دراسة ألمانية بتأكد إن تعريض العين المباشر للبابونج أو شاي بيحتوي عليه ممكن يسبب مضاعفات خطيرة
- بيزوّد فرص دخول البكتيريا للعين وبالتالي بيزيد الالتهاب والإحمرار ومش بيتعالج بسهولة
- وبتأكد إن كمادات المياه الباردة هي الأساس لتقليل أي التهابات أو احمرار في العين
