المحتويات
سيراميك البيت من الأساسيات اللي لازم تختارها بعناية واهتمام شديد، مش بس الذوق الشخصي لكن مهم حجم ولون السيراميك يكون مناسب مع مساحة الشقة وألوانه متناسقة مع ديكورات المنزل.
أنواع السيراميك
عالي الامتصاص للمياه
- مناسب لأرضيات الحمام والمطبخ لأنه بيحمي من الانزلاق
- سطحه أملس وغير لامع ومساماته مغلقة لمنع امتصاص الرطوبة
- عيبه عدم مقاومته لدرجات الحرارة الباردة
قليل الامتصاص للماء
- بتكون مسامات سطحه واسعة
- مناسب لأرضيات الغرف والممرات لأنه بيمنع انتقال الصوت من خلاله
اللامع أو المصقول
- أكتر نوع مفضل لأنه سهل التنظيف وغير قابل للخدش
- مظهره فخم وشيك ومناسب مع معظم أذواق وأنواع الأثاث سواء مودرن أو كلاسيك
- من عيوبه إنه سهل الانزلاق وبينصح تجنبه في المطبخ أو الحمامات
معتدل اللمعان
- من أفضل الأنواع لأنه سهل التنظيف وممكن تستخدمه في أي غرفه
السيراميك الخشن مع نقوش بارزة
- شكله أنيق لكن تنظيفه صعب لأن الدهون والغبار بتلزق في النقوش البارزة والنتؤات
مزايا وعيوب السيراميك
المزايا
- مقاومة الماء والرطوبة
- مقاومة الضغط والكسر
- سهل التركيب والاستخدام
- متوفر بألوان وأنماط وأشكال وزخارف مختلفة تناسب كل الأذواق
- سهل التنظيف
- أسعاره متفاوتة
- بيقاوم مسببات الحساسية زي الغبار وحبوب اللقاح
العيوب
- البرودة الشديدة في فصل الشتاء
- نعومة السطح بتسبب سهولة الانزلاق وخطر الإصابة
نصايح لاختيار سيراميك البيت
- اختار علامة تجارية موثوق فيها عشان تضمن خامة جيدة وقوة تحمل الضغط والاستخدام
- اختار الفرز الأول من أي نوع عشان تضمن جودته
- مهم تسأل عامل التركيب عن مقاسات الأرضيات عشان تقدر تختار قطعية بالحجم المناسب
- لو الأوضة كبيرة هيكون مقاس القطعة (60 × 60 سم) لكن الغرف الصغيرة اختار (40 × 40 سم)
- مقاس السيراميك لأرضيات وجدران الحمام والمطبخ بيكون بمقاس (25 × 25 سم) أو (25 × 30 سم)
- بسطح ناعم وأملس بيزود خطر الأنزلاق.. تجنب استخدامه في الحمام أو المطبخ لأن احتمالية بلل الأرضية بالمياه بتزيد مع غسل الأطباق أو الاستحمام
- اختار الخشن مانع الانزلاق في الحمام عشان المياه
- تجنب النقوشات البارزة في جدران المطبخ لأن سهل تتراكم عليها الدهون وصعب تنظيفها
- اشتري السيراميك المقطوع بتقنية الليزر عشان تضمن عدم وجود فوارق بين قطع السيراميك
- الألوان مهمة في التحكم بالمساحات.. الألوان الغامقة بتدي إحساس بالدفء أما الفاتحة والمحايدة بتعكس إحساس بالوسع
- تجنب النقوش الكبيرة والزحمة في الحمام عشان تبعد عن الإزعاج وعدم الراحة
- ممكن تستخدم السيراميك الباركيه في المطبخ عشان تعكس الأناقة بجانب إنه سهل التنضيف
- لو مساحة الشقة صغيرة يفضل توحيد السيراميك في معظم غرف الشقة ماعدا الحمام والمطبخ
- الأفضل تختار الأسعار المتوسطة بجودة عالية، وتجنب الأسعار الرخيصة والعروض المبالغ فيها لأن الأنواع الرخيصة في السعر غالبًا بتكون بجودة قليلة وسريعة الخدش والتلف
