المحتويات
علاج ضعف الانتصاب اللي بيعتبر من المشكلات اللي بتواجه بعض الرجال، وبتسببلهم حرج شديد، وبيترتب عليها قلة فرص حدوث جماع، أو حمل للزوجة، وبيحصل بسبب عوامل نفسية، أسباب طبية، أو نتيجة لتناول بعض الأدوية، وعلى حسب الحالة ممكن يتعالج سواء عن طريق الأدوية، أو بالتدخل الجراحي لو الحالة صعبة، وكمان فيه طرق طبيعية بتساعد على الوقاية منّه.
أسباب ضعف الانتصاب
- الضغط النفسي والتوتر، والتفكير المفرط نتيجة خلافات في العلاقة العاطفية، أو حتى بسبب مشاكل في الشغل
- أمراض زي السكر، وارتفاع ضغط الدم، وتصلّب الشرايين، لأن كلها بيأثر على تدفق الدم للقضيب
- بعض اضطرابات الاكتئاب، والقلق وبيعتبر من أعراضها ضعف الانتصاب
- وفي نفس الوقت من الآثار الجانبية لأغلب أدويتها هو ضعف الانتصاب (خصوصًا الأدوية اللي بتحتوي على مثبطات إعادة امتصاص السيروتونين)
- بعض أدوية علاج الصرع والذهان وعلاج السرطان
- السمنة وتراكم الدهون حول البطن
- ارتفاع نسبة الكوليسترول
- الإصابة بمرض التصلب المتعدد
- انخفاض هرمون التستوستيرون
- علاجات سرطان البروستاتا
- إجراء جراحات بتأثر على الحوض والحبل النخاعي
- اضطرابات النوم
- تكوّن نسيج ندبي داخل القضيب
- اضطرابات الجهاز العصبي زي مرض باركنسون
- الإفراط في التدخين وشرب الكحوليات
الدراجات الهوائية وضعف الانتصاب
- دراسة في جامعة بوسطن بتقول إن ركوب الدراجات الهوائية ممكن يسبب تلف في أعصاب وضغط في شرايين القضيب
- الخطر بيبقي أكبر على الرجال اللي بيركبوا دراجات أكتر من 3 ساعات يوميًا
- نتيجة لضغط المقعد على منطقة العجان اللي بين العضو الذكري وتحديدًا كيس الصفن وبين الشرج
- بيبطء تدفق الدم للقضيب وبيزيد الضغط على الأعصاب اللي بتسبب ألم
- مع الاستمرار لمدة طويلة ممكن يتسبب في ضعف الانتصاب
- دراسة نشرت في مجلة صحة الرجال بتقول إن التأثير مش كبير
- عن طريق الكشف على بعض الرجال اللي بيركبوا دراجات لساعات طويلة لقت إن أدائهم الجنسي طبيعي مش بيتأثر
- دراسة تانية بتأكد إن الموضوع مرتبط بعوامل زي شكل المقعد وارتفاعه عن الأرض ونوع الدراجة
- مقاعد الدراجات الضيقة على شكل V بتقلل نسبة الأكسجين وتدفق الدم للقضيب بنسبة بتوصل لـ82.4%
طريقة ركوب الدراجات لتفادي خطر ضعف الانتصاب
- ضروري المقعد يكون واسع ومريح ومبطن لتقليل الأضرار
- اتأكد إن ارتفاع المقعد أقل من الجزء اللي بتتحكم فيه بالعجلة، لأن الارتفاع الزايد بيزود الضغط اللي بيقلل تدفق الدم
- اختار نوع الدراجات اللي بيخلي ضهرك مايل أكتر من الدراجات اللي بتخليه مستقيم، لأنها بتقلل الضغط اللي بيسبب مشاكل بس خد في اعتبارك صحة ضهرك وعمودك الفقري
- لو حسيت بأي ألم في القضيب وإنت بتركب عجل.. توقف عنها مؤقتًا واستشير طبيب متخصص فورًا
المضاعفات
- قلة تقدير الذات
- عدم القدرة على الإنجاب
- الإصابة بعجز جنسي
- مشكلات في العلاقة الزوجية ممكن توصل للانفصال
أعراض ضعف الانتصاب
- مشاكل في الوصول لانتصاب كامل
- ضعف بقاء الانتصاب لمدة طويلة
- قلة الرغبة الجنسية
- الدراسات بتقول إن 75% من الرجال اللي بيعانوا من ضعف الانتصاب جدًا ومدته بتبقى قصيرة، مش بيحسّوا بتدفق الدم الكامل للقضيب
علاج ضعف الانتصاب
- أدوية كتير بتساعد على علاجه زي:
- سيلدنافيل (Sildenafil)
- ليفيترا ( Levitra )
- سياليس (Cialis)
- افانافيل (Avanafil)
- أغلب الأدوية دي بتزوّد تدفق أكسيد النيتريك اللي بيزوّد تدفق الدورة الدموية للجسم، وخصوصًا للقضيب، وبيحافظ على حدوث انتصاب قوي بسبب تدفق الدم للقضيب بكمية كبية
- الخبراء بيأكدوا إن التحفيز الجنسي ضروري لبدء عمل الأدوية دي، والانتصاب في أوقات كتير مش بيحصل تلقائيًا بمجرد تناولها
- الأدوية اللي بتحتوي على نيتروجليسرين (Nitroglycerin) الموصوف لعلاج آلام الصدر بتوسْع الأوعية الدموية
جراحات علاج ضعف الانتصاب
- تركيب مضخة علاج القضيب (جهاز في شكل أنبوب) بيتركب على القضيب، وبيستخدم مضخة لامتصاص الهواء داخل الأنبوب
- الفراغ بين الأنبوب وبين القضيب بيزوّد تدفق الدم ليها
- زراعات القضيب بس بتتجرب بعد فشل المحاولات العلاجية بالأدوية أو تركيب المضخة
- بتحتوي على أجهزة بتتحكم في قوة الانتصاب ومدته
الوقاية
- اوقف التدخين فورًا، لأنه بيأثر على نسبة الأكسجين في الدم، وده بينعكس على قوة الانتصاب
- ابعد عن شرب الكحوليات لأن الإفراط فيها بيسبب مشاكل صحية خطيرة على المدى البعيد، ومنها ضعف الانتصاب
- التزم بنظام حياة صحي بتتناول فيه أكلات غنية بالألياف، والبروتين بنسبة معقولة، وقلل النشويات، والسكريات قدر المستطاع
- الدراسات بتأكد إن الحفاظ على الوزن بيقلل تفاقم أعراض مرض السكر، وبيقلل فرص الإصابة بضعف الانتصاب
- الخبراء بيقولوا إن التثاؤب كعملية بتحصل في الجسم بناء على إشارات من المخ زي الانتصاب بالظبط
- مادة أكسيد النيتريك الكيميائية بتفرز من المخ وهي المسؤولة عن التثاؤب وعن الانتصاب
- أحيانًا التثاؤب بيبقى إشارة لبداية تغذية المادة الكيميائية دي للدم، ووصولها للقضيب، وبالتالي بلاش تمنعه
- استشير طبيب نفسي متخصص لو عندك أي مشكلة بتواجهك أو حاسس إنك بتمر بأزمة نفسية
أطعمة بتساعد على العلاج
- الخضروات الورقية زي السبانخ والبنجر
- المكسرات خصوصًا الفستق وعين الجمل
- الأسماك خصوصًا التونة والسلمون
- البطيخ والجريب فروت والطماطم فيهم مركبات بتنشط الدورة الدموية وبتقلل الانتصاب
- القهوة والشوكولاتة الداكنة
