المحتويات
علاج الامساك من أكتر الحاجات اللي الناس بتسأل عنها لما يصابوا بيه، خصوصا إنه بيعتبر في حد ذاته مش مرض ولكن من أعراض أمراض تانية ومع الوقت ممكن يسبب مجهود كبير وقت التبرز يتعارض مع ممارسة المهام اليومية وحالات الإمساك المزمن بتتوصف وقت توقف الشخص عن التبرز لمدة طويلة بتوصل لـ 3 مرات في الأسبوع.
أعراض الإمساك
- براز صلب ومتكتل
- صعوبة في التبرز
- إحساس بانسداد فتحة الشرج
- الحاجة للضغط على البطن لنزول التبرز
- الإحساس إن التبرز ناقص ومش كامل (وجود بعض البراز داخل المستقيم)
أسباب الإمساك
- بتتحرك الفضلات والبراز ببطء في الجهاز الهضمي وعدم القدرة على التخلص منها والنزول في المستقيم
- بيحصل أحيانًا إمساك بسبب انسداد المستقيم أو القولون اللي بيظهر لأسباب كتير منها:
- شقوق فتحة الشرج
- انسداد الأمعاء
- سرطان المستقيم أو القولون
- أنواع مختلفة من السرطانات بتضغط على القولون
- مشكلات الأعصاب المحيطة بالقولون واللي بتتأثر بأمراض زي التصلب المتعدد وإصابات الحبل النخاعي
- ضعف عضلات الحوض المسؤولة عن حركة الأمعاء (صعوبة انقباض وانبساط العضلات)
- خلل الهرمونات بسبب أمراض السكر واضطراب في أنشطة الغدة الدرقية والحمل
- بعض الدراسات بتقول إن التوتر والاكتئاب والضيق الشديد بيزوّدوا فرص الإصابة باضطرابات الجهاز الهضمي ومنها الإمساك
أكلات بتزوّد الإمساك
- الموز الأخضر (مش مستوي) لأنه بيحتوي على مادة (Tannins) بتبطأ مرور الأكل في الأمعاء وفيه نسبة عالية من النشا المقاوم صعب الهضم
- اللبن ومنتجاته لأن بعض الأشخاص وخاصة لأطفال بيعانوا حساسية تجاه البروتين البقري
- اللحوم الحمراء لأنها بتحتوي كمية ألياف قليلة وكمية أكبر من الدهون اللي بتاخد وقت طويل لهضمها
- البطاطس لأنها خالية من الألياف وفيها نشويات بكميات كبيرة
- الكافيين زي القهوة والشاي والمشروبات الغازية والشوكولاتة لأن الكافيين من مدرات للبول ونقص المياه بيسبب عسر الهضم وحدوث الإمساك
- الحبوب زي القمح والشعير لأن فيهم الجلوتين بيسبب حساسية لبعض الأشخاص
- المقليات لأنها غنية بالدهون مع كمية ألياف قليلة وأملاح عالية بتقلل كمية المياه في الجسم
أسباب الإمساك عند الأطفال
- التدريب المبكر على استخدام الحمام
- تغيرات في النظام الغذائي
- تجاهل الأطفال حاجتهم للتبرز بسبب اللعب وتغييرات في الروتين زي الذهاب للحضانة والمدرسة
- الحساسية تجاه اللبن البقري أو بعض الأدوية
- التاريخ الوراثي بسبب جينات التحسس من مواد غذائية معينة بتسبب اضطرابات في الجهاز الهضمي
مضاعفات الإصابة بالإمساك
- المجهود الزايد وقت إخراج الفضلات ممكن يسبب تورم الأوردة حوالين فتحة الشرج وبيزوْد فرص الإصابة بالبواسير
- ظهور الشق الشرجي ومعناه وجود جلد ممزق عند فتحة الشرج وبيتضاعف التأثير لظهور تمزقات صغيرة
- انحشار البراز العالق في الأمعاء وبتزيد حدة الإمساك المزمن اللي بيحتاج مدة لعلاجه
- بروز الأمعاء من فتحة الشرج بسبب تمددها نتيجة الإجهاد وقت التبرز
علاج الامساك بالأكل
- الخوخ غني بالألياف اللي بتعزز حركة الأمعاء وسكريات الفركتان والسوربيتول اللي ليها تأثير الملين وفيه مركبات بتحفز البكتيريا النافعة في المعدة في حالة الانتظام على أكله
- التفاح من أغنى الفواكة بالألياف القابلة للذوبان خاصة في القشرة الخارجية اللي بتسهل عملية حركة الأمعاء
- حبة الكمترى المتوسطة فيها 5.5 جم ألياف (22% من احتياجك اليومي) وسكريات الفركتان والسوربيتول
- دراسة أثبتت إن أكل حبتين كيوي يوميا لمدة 4 أسابيع بيقلل الإمساك وبيحسن حركة الأمعاء
- التين العادي والمجفف بيساعد على تنشيط حركة الأمعاء وتسيير وظايف الجهاز الهضمي
- نخالة الشوفان أكتر صحية وفايدة من الشوفان سريع التحضير.. ممكن تستخدمها في العيش/ المافنز/ البسكوت/ الجرانولا
- بذور الكتان غنية بالألياف القابلة وغير القابلة للذوبان اللي بتسهل الهضم عشان كده ممكن تاكلها مع الزبادي أو الكيك أو المافنز
- كل 28 جم بذور شيا فيها حوالي 11 جم ألياف وبالتالي مهم إنك تزودها على الزبادي الشوفان أوحبوب الإفطار أو السلطة أو مع أي عصير
- الفاصوليا والبسلة والعدس والبطاطا من أغنى الأكلات بالألياف
- الخرشوف بيحفز نمو وانتظام البكتيريا النافعة في المعدة وحمايتها من البكتيريا الضارة
- الفواكة الحمضية زي البرتقال والجريب فروت والماندرين غنية بالبكتين وهو نوع من الألياف اللي بتحسن الجهاز الهضمي
- السبانخ والخضار الأخضر غني بالألياف وفيتامين سي وحمض الفوليك
أدوية علاج الامساك
- بعض الأدوية والمكملات الغذائية بتساعد على علاج الإمساك ومنها:
- ميتاموسيل (Metamucil)
- كونسيل (Konsyl)
- إكوالاكتين (Equalactin)
- سيتروسيل (Citrucel)
- دوكولاكس (Dulcolax)
- سينوكوت (Senokot)
- كولاس (Colace)
- أجيولاكس (Agiolax)
- بس المهم تستشير طبيب متخصص قبل تناولهم وتعرف سبب الإمساك كويّس لأنه ممكن يبقى مؤشر للإصابة بمرض خطير
- الخبراء بيقولوا إن فيه تمارين يوجا بتساعد على علاج الامساك بسرعة وبسهولة
محاولة علاج الامساك عند الرضع
- دلك بطنه أكتر من مرة وحرك رجله كأنه راكب عجلة عشان تنشط حركة الأمعاء
- الدراسات بتقول إن الحمام الدافي بيساعد على استرخاء عضلات البطن
- لازم الأم تنظم مواعيد الرضاعة لو بيرضع بشكل طبيعي، ولو بياكل لازم يبقى كل الأكل مهروس كويّس
- خلي وجباته فيها تفاح مسلوق من غير قشر أو بروكلي أو جزر أو خوخ وكلهم مهروسين
