صحة نفسيةعلاقات

فوائد وأنواع الضحك وأضرار الإفراط فيه

إزاي بنضحك؟

ضحك الكبار والأطفال ضروري للحفاظ على صحتهم الجسدية والنفسية بجانب إنه من أقدم الاستجابات الشعورية في التاريخ، وله أهمية كبيرة لدرجة إنه مع الوقت ومع دراسة العلماء العميقة له ظهر علم الضحك أو (الجيليتولوجي)، وبالتالي مهم تعرف معلومات أكتر عن طريقة تكوين إشاراته في المخ وفوائده وأنواعه وإزاي بيعتبر معدي بين الناس وبعضها.

طريقة تكوين الضحك في الدماغ

  • بيرتبط الضحك بالأجزاء المسؤولة عن المشاعر في المخ وبالتحديد الفص الجبهي أو الـ frontal lobe
  • العلماء درسوا النشاط الكهربي للمخ واكتشفوا إنه بيصدر موجات كهربائية منتظمة
  • لو المعلومات دي ليها وقع محبب على الشخص بتستثار عواطفه من خلال الفص الجبهي
  • بينشط وبتتولّد مشاعر أساسية في ضحك شخص على شيء معين 
  • المخ بيخلق تيار أو نشاط كهربي بيوصل عند الفص القذالي وهو الجزء المخصص لمعالجة المعلومات البصرية الحسية
  • أجزاء تانية في المخ بترتبط بالضحك زي الجهاز الحوفي (limbic system)
  • بيتحكم في السلوكيات والمشاعر خصوصًا من خلال منطقة اللوزة الدماغية والحصين 
  • الضحك الهيستيري له تفسير مختلف وهو بسبب إعاقة للمناطق المرتبطة بصنع القرارات والتحكم في السلوك
  • الإعاقة بتستمر مدة محددة بنفضل خلالها مش عارفين نبطل ضحك
  • أما عن المثيرات اللي بتعتبر سبب ضحك فبتختلف حسب الموقف
  • فرويد بيقول إنه بيتولد بشكل أساسي كتفريغ طاقة بعد طرح موضوع شائك أو متعارض مع قيم المجتمع
  •  التفسير الأقوى بيميل لأن التناقض هو السبب الأهم للضحك زي لما تشوف حد بينصح بحاجة معينة ويعمل عكسها
  • بجانب أسباب تانية زي الضحك على المأساة أو الألم والضحك في المواقف العصيبة أو الضحك على معاناة الآخرين

أسباب الضحك وقت الزغزغة

  •  أحيانًا مش بتفسر سبب استجابتك ليها بالضحك رغم رفضك ليها وإحساسك بالألم بسببها
  •  الدراسات بتأكد إنها بتحفّز مناطق في المخ مسؤولة عن الاستجابة العاطفية للألم والرغبة في الهروب
  •  بتحس بالتهديد وده بيفسر حركة جسمك وقتها اللي بتدافع بيها عن نفسك
  •  علماء كتير فسروا بطرق مختلفة سبب الضحك وقت الزغزغة
  •  نظرية بتقول إن اللاوعي في مخك بيستخدمه كحيلة دفاعية لإبعاد الشخص مصدر التهديد
  •  بتحسسه إنه حقق غرضه من إضحاكك عشان يبعد عنك ويتوقف عن فعله
  •  خصوصًا إن أكتر الأماكن اللي بتحس فيها بالزغزغة هي البطن والإبط والقدم والرقبة ودول أكتر المناطق الضعيفة في الجسم
  •  نظرية تانية بتقول إن الضحك مجرد استجابة اجتماعية بين المقرّبين
  •  لأنها بتحصل بين اتنين قريبين من بعض خصوصًا الآباء وأطفالهم
  •  عشان تقلل ضحكك المستمر وقتها فكّر باستمرار بإنها مش هتسببلك أذى أو ضرر
  •  حط إيدك فوق إيد الشخص اللي بيزغزغك عشان تتوقع حركته وبالتالي هتعرف الحركات اللي هيعملها وهيقل إحساسك بيها

فوائد الضحك

  • بيزود الخلايا المناعية اللي بتحارب الأمراض وبيزود إفراز الإندورفين اللي بيقلل الإحساس بالألم وبيحسن المزاج
  • بالإضافة لتحسين وظايف القلب والأوعية الدموية والتنفس وتدريب العضلات خصوصًا عضلات الوجه
  • بيقلل هرمونات التوتر وبالتالي بيقلل غضبنا وقت مواجهة المواقف الصعبة
  •  وبيريح عضلات الجسم كلها لمدة بتوصل ل45 دقيقة
  • وبعض التجارب أثبتت إنه بيستخدم كعلاج فعال في أمراض الاكتئاب عن طريق تدريب المرضى على مواجهة المشكلات والأزمات عن طريقه  
  • بيساعد على تنشيط الدورة الدموية وتوصيل الأكسجين لأعضاء الجسم وده بيساعد على السيطرة على ضغط الدم
  • بيحسن الأداء العقلي والذاكرة ومفيد لمرضى الربو لأنه بيساهم في تحسين تدفق الدم والأكسجين للجهاز التنفسي وبالتالي بيساعد الرئة تعمل بكفاءة أكبر

طريقة ممارسة يوجا الضحك وأهميتها 

  •  دراسات كتير بتقول إن فوايده كتير على الصحة النفسية والجسدية
  •  بيقلل فرص الإصابة بأمراض القلب والأوعية الدموية وبيزود تدفق الدم في الجسم
  • بيقوي المناعة وبيقلل الإحساس بالألم وبيحسن مزاجك وبيحميك من القلق والاكتئاب
  • خبراء بيأكدوا إن تأثيره واحد سواء مصطنع أو طبيعي
  • التقارير بتقول إن فيه أكتر من 8 آلاف نادي للنوع ده من اليوجا في العالم
  • بيزيد التأثر به في مجموعة وبيتدرب المشتركين على الضحك لأطول فترة ممكنة أثناء النظر لبعضهم
  • بتبدأ بإحماء الجسم والتصفيق وتحريك العضلات وتمارين التنفس للاستعداد للمهمة الأساسية
  • بيتفرق المشتركين في الجلسة بطريقة عشوائية مش في دايرة واحدة
  • مهم إن مدته المتواصلة تبقى من 10 لـ 15 دقيقة وممكن تزيد حسب قدرة المشتركين
  • وبعدها بيركز المشتركين على تمارين التنفس من جديد وفي النهاية بتزيد الحاجة للتأمل
  • بعض المدربين بيقولوا إن كتير من المشتركين بتسيطر عليهم رغبة في الراحة والنوم بعد الجلسة
  • بينصحوا بضرورة ممارستها مرة في الأسبوع على الأقل لفوايدها الكتير على الصحة
  • بتزود إفراز الإندروفين في الجسم بنسبة 25% وبيزيد الإحساس بالبهجة
  • بتسمح بدخول الأكسجين بكميات كبيرة في الجسم وتحديدًا العضلات والمخ وبتزيد الطاقة والقدرة على العمل
  • بتساعدك تتخطى المواقف المؤلمة والضغوط النفسية وبتقلل تأثيرها عليك

أهميته بين الأزواج

  • دراسة أمريكية قالت إن الأزواج اللي بيمتلكوا روح الدعابة علاقتهم بتبقى فترة أطول مقارنة بآخرين
  • وباحثين أكدوا إن الهزار والضحك ركن أساسي للعلاقة القوية والتفاهم 
  • أكتر من 150 ألف مشارك.. أكدوا إن الفكاهة والمزاح الداخلي (inside joke) بيساعد على خلق ذكريات مشتركة وترابط وتقارب فريد 
  • بعد سنوات من الزواج الروتين بيقتل أي شغف أو مشاعر ويحولها للبرود والضحك العفوي بيساعد على كسر الملل والشعور بالسعادة 
  • خلال العلاقة الحميمة بيقلل الإحساس بالتوتر والضغط مع إضافة لحظات رومانسية فريدة 
  • لكن حذر الباحثين من تخطي الخطوط الحمراء في المزح والدعابات زي السخرية والتقليل من الطرف التاني أو دخول الأهل في الحديث
  • لأنه ممكن يسبب المشاكل والخلافات الكبيرة

 الضحك وحرق السعرات الحرارية 

  •  دراسات كتير بحثت في فوايده على صحة الإنسان الجسدية والنفسية
  • دراسة في جامعة فاندربيلت الأمريكية بتقول إن الجسم بيستهلك 20% أكتر من الطاقة وقت الضحك
  • التجربة قارنت بين مستويات الطاقة في الجسم وقت الهدوء أو أثناء مشاهدة فيلم مضحك
  • النتايج أكدت إن 15 دقيقة منه ممكن تحرق 40 سعر حراري
  • بيزود تقلص عضلات الجسم خصوصًا البطن والساقين
  • آلام عضلات البطن بعد نوبة قوية تأثيرها مطابق لتأثير التمرينات الرياضية
  • بيقل ثبات عضلات الجسم وده بيفسر سبب عدم القدرة على الوقوف بثبات وقته أو بعده مباشرة
  • دراسة بريطانية بتقول إنه بيزود كمية الأكسجين في الدم وبالتالي بيساعد على حرق سعرات حرارية أكتر
  • بيزيد تدفق الدم للقلب والأوعية الدموية والجسم كله وبالتالي بيزيد استهلاك الطاقة

أنواعه

ضحكة الإتيكيت

  • بيضحك الشخص على أشياء مش مضحكة أو مملة بالنسبة له
  • بيعتمد الناس على النوع ده من الضحك عشان يحققوا توافق مع الآخرين زي رئيس العمل أو في اجتماع مع زملاء أو في تجمع للأصحاب
  • في دراسة عن أنواع الضحك.. قال روبيرت بروفين عالم نفس أمريكي إن النوع ده بيعكس رغبة الشخص فإنه ينضم أو يوصل للآخرين

الضحكة المعدية

  • بيلاقي الشخص نفسه بيضحك بتلقائية لو الطرف التاني بيضحك حتى لو مايعرفش السبب وراه
  • في تجربة لبروفين.. قال إن نص عدد الطلاب استجابوا للضحك بشكل تلقائي رغم إنهم عارفين إنه ضحك اصطناعي

الضحكة العصبية

  • في أوقات القلق.. غالبًا بنضحك في محاولة لا شعورية لتقليل التوتر
  • لكن الضحك العصبي عادة بيزود الإحراج لأنه بيكون ملحوظ إنه مزيف

ضحكة البطن

  • أصدق أنواع الضحك  
  • هو الضحك الحقيقي على موقف ما وبيصاحبه تعبيرات ولغة جسد زي غلق العين أو ضيق النفس أو الإمساك بالبطن 

الضحكة الصامتة

  • النوع ده زي تمارين التنفس العميق وبيتم ممارسته في تمارين اليوجا 
  • في مستشفى للأطفال في كندا قالت سيدة بتشتغل مهرج إن تعليم الأطفال المرضى فن الضحك الصامت ساعدهم على النوم بعد الكوابيس وتهدئة قلقهم  

ضحكة تخفيف التوتر

  • بيساعد الضحك في تخفيف التوتر والقلق والشعور بالإرهاق والإجهاد 
  • بيقوم الشخص بشكل تلقائي بالانجذاب لشيء يضحكه ضحكة بسيطة

 الضحكة القاسية

  •  هو الضحك على مواقف قاسية وسلبية بتصيب الآخرين زي عقاب زميل في المدرسة أو على شخص تعرض لحادث أو سقوط شخص على الأرض 

الضحك الهستيري

  •  في مواقف محزنة أو جادة.. بيقوم الشخص بتذكر مواقف مضحكة والدخول في نوبة ضحك 
  • حلل علماء النفس النوع ده إنه غالبا بيكون دفاع عن النفس لمواجهة المواقف الصعبة أو رفض العقل لتقبل الصدمة والواقع 
  • بيكون الضحك وسيلة لتخفيف الضغط النفسي وعدم الإصابة بالانهيار العصبي أو الجنون

الضحكة المعلبة

  • ضحكة متوقعة وبتكون لها سبب زي مشاهدة فيلم كوميدي 
  • ممكن تسجيل النوع ده من الضحك واستخدامه في برامج التلفزيون 

تفسير انتشار عدوى الضحك في نفس المكان 

  •  دراسة فنلندية بتقول إن رؤيتك للضحك أو سماعك لصوته بيزود إفراز الإندروفين 
  •  بتنشط مناطق في المخ زي المهاد والنواة المذنبة وبيزيد إحساسك بالأمان 
  •  بيتعرض المخ لاستجابة كيميائية كأنه بيضحك زيهم خصوصًا لو حواليك مجموعة كبيرة بتضحك 
  •  دراسة في جامعة لندن بتقول إن الإنسان بطبعه بيسعى لتجنب المشاعر السلبية عن طريق تجربة أكدت إن عضلات الوجه بتميل للابتسام وقت سماع صوته
  •  حتى وقت المرور بأي تجربة أو موقف سلبي أو ذكرى حزينة
  •  دراسة أمريكية بتقول إن عدم تأثر شخص بيه ممكن يبقى دليل على إصابته بمرض نفسي
  •  بيقل إحساسه بالرغبة في الاندماج مع المحيطين وبتترجم لوحدة وعُزلة 
  •  الخبراء بيأكدوا إن وجودك وسط أشخاص بيضحكوا طول الوقت بينمي مشاعرك الإيجابية وبيقلل الضغط والتوتر

أضرار الإفراط فيه

  • لو عامل عملية جراحية فيها خياطة لأنه بيفك الغرز الطبية 
  • مؤلم للمصاب بالبواسير أو حالات الفتق السري أو التهاب الشعب الهوائية المزمنة   
  • بيشكل خطر على صحة المرأة الحامل والجنين في بعض الحالات
  • بيسرع التنفس فبيرفع ضغط الدم وبيأثر على مرضى القلب وأحيانًا بيسبب الصداع وسلس البول

مقالات ذات صلة

زر الذهاب إلى الأعلى