المحتويات
طريقة عمل كيكة البرتقال من أسهل وأشهى أنواع الكيك، لأن البرتقال بيضيف نكهة مميزة وكمان له فوايد صحية، لأنه غني بفيتامين سي ومعادن تانية مهمة للجسم.
طريقة عمل كيكة البرتقال
المكونات
- كوبايتين ونص دقيق
- معلقتين صغيرين ونص بيكنج بودر
- 4 بيضات
- كوباية ونص لبن حليب
- قشر 3 أو 4 ثمرات برتقال مبشور
- كوباية وربع عصير برتقال فريش
- معلقة صغيرة فانيليا
- كوباية زيت
الطريقة
- اخلط الدقيق مع البيكنج بودر
- اخفق البيض مع السكر لمدة 5 دقايق بالمضرب الكهربائي على سرعة عالية
- قلل سرعة المضرب.. وضيف الزيت وعصير البرتقال والفانيليا وقشر البرتقال واللبن
- ضيف خليط الدقيق بالتدريج
- وزع خليط الكيك في قالب مدهون زبدة ودخله الفرن لمدة 45 دقيقة على درجة حرارة 180
طريقة عمل كيكة البرتقال مع الشوكولاتة
المكونات
- كوباية وتلت أربع دقيق
- معلقتين صغيرين بيكنج بودر
- ربع معلقة صغيرة بيكربونات الصوديوم
- رشة ملح
- نص كوباية لبن حليب
- كوباية وربع سكر
- 2 بيضة
- نص كوباية عصير برتقال
- معلقة كبيرة قشر برتقال مبشور
- ربع كوباية زبدة
- 120 جرام شوكولاتة سايحة
- معلقة صغيرة فانيليا
- تلت كوباية زيت
الطريقة
- اخلط الدقيق والبيكنج بودر وبيكربونات الصوديوم والملح
- اخفق البيض والسكر مع اللبن وعصير وقشر البرتقال والزبدة السايحة والزيت والفانيليا
- ضيف الدقيق بالتدريج على خليط البيض وقلب كويس
- قسم الخليط لجزئين وضيف الشوكولاتة لجزء منهم وقلب لحد ما يتجانس تماما
- في صينية مدهونة بالزبدة.. وزع خليط الكيك بالبرتقال والشوكولاتة بالتناوب
- استخدم طرف السكينة أو خلة أسنان وحرك الخليط بلطف
- دخل الصينية لمدة 45 دقيقة على درجة حرارة 180
