المحتويات
شوربة الطماطم من أفيد أنواع الشوربات لأنها غنية بالعناصر الغذائية وقليلة السعرات الحرارية، وسهل تعملها بأكتر من طريقة حسب الطريقة الأنسب ليك.
طريقة عمل شوربة الطماطم البسيطة
المكونات
حبتين جزر متقشرين
كرفس مفروم
بصلتين متقشرين ومتقطعين مكعبات
فصين توم مفرومين
معلقتين كبار زيت زيتون
ستة أكواب مياه مغلية
3 حبات طماطم
400 جم صلصلة طماطم
ريحان طازة
نض معلقة صغيرة ملح
نفس الكمية من الفلفل الأسود
بهارات شوربة
الطريقة
- حط زيت الزيتون في حلة وضيف الخضار المتقطع وقلبهم كويس
- سيبها على النار ربع ساعة مع التقليب المستمر لحد ما الخضار يدوب ولونه يتغير
- حط المياه المغلية في وعاء تاني وضيف بهارات الشوربة
- ضيف لها الطماطم والصلصة والملح والفلفل الأسود والريحان مع التقليب المستمر لمدة 10 دقايق
- ضيف الخضار للخليط وبعدين اضربهم في الخلاط أو باستخدام البلندر اليدوي
- قدم الشوربة مع قطع التوست المحمص
طريقة عمل شوربة الطماطم مع الكريمة
المكونات
3 حبات طماطم كبيرة
بصلة مفرومة
معلقة كبيرة كرفس
حبة جزر متقطعة
فص توم مهروس
معلقتين كبار زيت
مكعب مرقة دجاج
معلقنين كبار دقيق
معلقة كبيرة صلصة
3 أكواب مياه
نص كوب كريمة
نص معلقة صغيرة ملح
نفس الكمية سكر
نص معلقة صغيرة أوريجانو
ربع معلقة صغيرة فلفل أسود
طريقة عمل شوربة الطماطم بالكريمة
- في وعاء على النار فيه مياه ضيف الطماطم لمدة 5 دقايق وبعدين سيبها تبرد
- سخن الزيت في وعاء تاني وشوح فيه البصل والكرفس والتوم وبعدين ضيف الدقيق وقلب دقيقة
- زود خليط الطماطم وبعدين ضيف البهارات ومرق الدجاج والصلصة وسيبها على النار 20 دقيقة
- اضرب الخليط في الخلاط أو باستخدام البلندر اليدوي وبعدين رجع الخليط تاني في وعاء على النار
- ضيف الكريمة وقدمه مع الخبز المحمص بالجبنة
شوربة الطماطم التركية
المكونات
حبتين من الطماطم المهروسة
معلقتين صغيرين صلصة
نص كوب شعرية
3 معالق كبار زيت زيتون
5 كوبايات شوربة دجاج
ملح وفلفل أسود
رشة فلفل أحمر حار
الطريقة
- ضيف الزيت في وعاء وبعدين الصلصة وحبات الطماطم
- زود الشوربة تدريجيا مع التقليب مستمر
- ضيف الملح والفلفل الأسود والفلفل الحار وبعدين الشعرية
- قلب لحد ما الشعرية تستوي وبعدين قدمها
