المحتويات
طريقة عمل شاورما الفراخ زي المطاعم بمذاقها المميز والشهي وكمان بخطوات سهلة، تقدر تعملها لوجبة الغداء أو العشاء، وتقدمها مع بطاطس محمرة، مع الإضافات زي البصل والخيار المخلل والتومية، ممكن كمان تستغل بواقي الفراخ المسلوقة أو المشوية.
طريقة عمل شاورما الفراخ السوري
المكونات
- كيلو فراخ مخلية (صدور مع أوراك)
- بصلتين كبار مقطعين شرايح
- معلقتين كبار دبس رمان
- معلقة صغيرة سماق
- ملح وفلفل أسود (حسب الرغبة)
- معلقة صغيرة بابريكا
- علبة زبادي
- معلقة صغيرة كبابة صيني
- نص كوباية عصير ليمون
- معلقة صغيرة جنزبيل
- خيار مخلل
- بقدونس مفروم
- تومية
- عيش شامي أو صاج
الطريقة
- افرم البصل وتبل الفراخ
- اخلط التوابل وضيفها على الفراخ وسيبها في التلاجة ليلة كاملة
- وزع الفراخ أو اللحمة في الصينية
- اشويها في الفرن لمدة 30 لـ45 دقيقة أو على صاج على النار عشان تديها نكهة الشوي
- افرد كمية من التومية على العيش ووزع كمية من الشاورما
- ضيف الخيار المخلل والبقدونس والبصل ولف العيش
- سيبه على الصاج أو الصينية على النار عشان تحمص العيش
- ممكن تقدمها مع بطاطس محمرة
طريقة عمل شاورما الفراخ التركي
المكونات
- نص كيلو صدور فراخ مخلية
- كوباية زبادي
- فصين توم مفروم
- نص معلقة حبهان مطحون
- ملح وفلفل أسود (حسب الرغبة)
- ربع كوباية خل
- معلقة صغيرة بهارات
- عصير حبة ليمونة
- 8 عيش صاج
- شرايح خيار وطماطم وبصل (حسب الرغبة)
- معلقة صغيرة سماق
- كوباية بقدونس مفروم
للطحينة
- كوباية طحينة
- فصين توم مفرومين
- نص كوباية عصير ليمون
- معلقتين كبار زبادي
الطريقة
- قطع صدور الفراخ لشرايح رفيعة
- اخلط الزبادي مع الخل والتوم والحبهان والبهارات وقلب كويس
- تبل الخليط بالملح والفلفل الأسود وضيف الفراخ
- ضيف معلقة كبيرة زيت زيتون لو حسيت الخليط جاف
- غطي الفراخ بالأستريتش وسيبها في الثلاجة لمدة 8 ساعات
- سخن طاسة تيفال وشوح الفراخ لحد ما تستوي
- اخلط الطحينة مع عصير الليمون والزبادي والتوم وتبلها بالملح والفلفل الأسود (ممكن تضيف نص معلقة كمون)
- في بولة عميقة.. تبل الخيار والطماطم والبصل بالسماق والملح
- وزع كمية من الفراخ على كل شريحة عيش صاج وضيف عليها الطحينة
- وزع كمية مناسبة من الخيار والبصل والطماطم والبقدونس
- لف العيش وقدمه مع تومية وبطاطس محمرة
