للديك الرومي طرق متنوعة في تحضيره، من ضمنها اللانشون من الأشكال اللذيذة والمفضلة لدى الكثيرين وبيعتبر اختيار صحي لأنه غني بالفيتامينات والمعادن وممكن تناوله مع التوست الأسمر كوجبة فطار، بنقدم لك طريقة عمل اللانشون التركي المدخن في البيت بأمان.
المكونات
- صدر ديك رومي مقطع مكعبات
- 4 بيضات
- معلقة صغيرة بابريكا
- ٣ معالق كبيرة زيت
- ملح وفلفل أسود
- ربع معلقة صغيرة حبهان مطحون
- معلقة صغيرة بودرة توم
- فصين توم مهروسين
- معلقة صغيرة بودرة بصل
- مكعب مرقة فراخ
- 2 جبنة مثلثات
- معلقة كبيرة خل
- ٤ معالق كبيرة دقيق
- معلقتين أو تلاتة مياه ساقعة
طريقة عمل اللانشون التركي المدخن
- افرم مكعبات الديك الرومي ناعم في الكبة
- اخلط البيض مع التوم والخل والتوابل والجبنة ومرقة الفراخ في الخلاط
- ضيف الزيت وصدور الرومي وكمل فرم في الخلاط
- ضيف الدقيق والمياه الساقعة وقلب كويس
- حط الخليط في أكياس الفرن وفرغه من الهواء ولفه بشكل أسطواني
- لفه في ورق فويل مرتين
- في مياه مغلية.. سيب اللانشون لمدة ساعة
- في صينية متغطية بالفويل.. رش معلقتين صغيرين شاي ومعلقة صغيرة سكر ومعلقة صغيرة عسل أسود
- سخن الفرن وحط اللانشون على شبكة فوق خليط السكر والشاي عشان يدخن