طريقة تحويل الصور لـ Word والعكس وخطوات إضافة الصور داخل الملف

تحويل الصور إلى Word بخطوات سهلة وبسيطة تقدر تعملها باستخدام Google Drive وبالتالي ضروري قبل البدء في تحويل أي صورة لـ Word هي عمل حساب على الـ Gmail للتمكن من الدخول على جوجل درايف.

طريقة تحويل الصور إلى Word

• ارفع الصورة اللي عايز تحوّلها لـ Word على جوجل درايف
• اضغط بزر الفأرة اليمين/ Right Click واختار الفتح بواسطة مستندات جوجل
• من شريط الأدوات/ Tools Bar اختار ملف/ File  ومنها هتظهر كلمة تنزيل/ Download واختار التحميل بصيغة Microsoft Word 
• وقتها تقدر بسهولة تغيّر في صياغة الكلام المكتوب في الصورة

تحويل ملف الـ Word لصورة 

• مواقع كتير بتساعدك على تحويل أي ملف Word أو PDF لصورة زي موقع SmallPDF أو موقع IlovePDF

إضافة صورة داخل الـ Word 

الويندوز

• حدد المكان اللي عايز تضيف ليه الصورة ودوس على (Insert) واختار (Pictures)
• لو (Word) 2019 حدد المكان اللي الصورة فيه واختار (This Device) لو على الكمبيوتر
• اختار (Stock Images) لو محتاج صورة من (Microsoft Collections) أو اختار (Online Pictures) لاستخدام (Binge’s Image search) لإضافة الصورة
• لو وورد 2016 حدد مكانها على الكمبيوتر لكن لو أونلاين.. اختار (Online Pictures) جنب (Pictures) واختار من فيسبوك/ (Binge Image Search)
• دوس على الصورة لإضافتها ولو بتختار أكتر من صورة على الكمبيوتر دوس على (Ctrl) مع الدوس عليهم واختار (Insert) أسفل الشاشة
• دوس عليها مرة واحدة وحرك الأطراف للداخل أو للخارج لو عايز تغير حجمها أو ممكن تدوس مرتين عليها عشان يظهر لك جدول المقاسات وتحدد من خلاله
• اضغط  على السهم المايل أعلى الصورة للفها يمين أو شمال
•  دوس على الصورة مرتين لإعدادات تانية زي الـ(Crop)/ طريقة وضعها بين الكلام/ تأثيرات الألوان/ إضافة حدود ليها من خلال (Picture Styles)

الماك 

• خلي الـ(Cursor) عند المكان اللي عايز تضيف فيه الصورة واضغط على (Insert) واختار (Pictures)
• اختار (Photo Browser) أو (Picture From File) عشان تختار الصورة اللي عايزها من الصور اللي على الكمبيوتر كلها أو من فايل محدد واختار (Insert)
• اضغط على الصورة عشان تقدر تحرك أطرافها لتغيير حجمها واضغط على (Shift) أثناء تحريك الأطراف للحفاظ على تناسق وأبعاد الصورة
• وعشان تحافظ على منتصف الصورة أثناء تغيير حجمها اضغط على (Option) أثناء تحريك أطرافها
• أو ممكن تضغط عليها مرتين لضبط المقاسات من خلال جدول واضغط السهم المايل أعلى الصور للفها يمين أو شمال
•  اضغط على الصورة مرتين لإعدادات تانية زي ضبط الألوان/ من خلال (Corrections)
• خيارات كتير ممكن تعملها زي إضافة فلتر من خلال (Artistic Effects) أو تغيير درجة الوضوح فيها من (Transparency) أو تحدد مكانها بين الكلام من خلال (Wrap Text) أو اختار حدود للصورة/ ظلال/ اختيارات تانية من (Quick Styles)