المحتويات
استعادة ملف وورد في أوقات كتير بيبقى هدفك الرئيسي خصوصًا لو بتكتب موضوع واتمسح قرب نهايته، بسبب انقطاع الكهرباء أو قفلت ونسيت تعمل حفظ/Save، عشان تحقق الهدف ده هنقولك على طريقة تسترجع بيها ملفاتك على الوورد في أسرع وقت:
استعادة ملف وورد اتمسح على الكمبيوتر
- افتح Local Disk C اكتب في البحث asd وانتظر فترة
- هيظهرلك آخر ملفين اتمسحوا قبل حفظهم
- افتح File/ ملف واضغط على Info/ معلومات وبعدها Manage document/ إدارة المستند واختار منها Recover Unsaved Documents/ استرجاع المستندات غير المحفوظة
- لو جهازك عطل أو الكهرباء قطعت، بنسبة كبيرة لما ترجّع وتفتح ملف الوورد مرة تانية هيظهرلك مستطيل على الشمال
- اضغط عليه لاستعادة ملف الوورد اللي اتمسح
استعادة ملف وورد اتمسح عن طريق تطبيق
- حمل تطبيق Recoverit على جهازك
- حدد المكان اللي كان موجود عليه الملف قبل مسحه واختار ابدأ
- هيبحث التطبيق عن الملفات المحذوفة غير المحفوظة
- لما تلاقي الملف اللي بتبحث عنه اختار استعادة
- أحيانًا ممكن تمسح ملف وورد حتى بعد حفظه، وقتها ادخل على سلة المهملات/ Recycle bin لأنك بنسبة كبيرة هتلافي الملف هناك
تفعيل الحفظ التلقائي على الكومبيوتر
- افتح ملف/ File وحدد خيارات/ Options
- عند قايمة حفظ/ Save هتلاقي شريط فيه مدة الحفظ التلقائي/ Autosave
- حدد من خلاله المدة اللي عايزها عشان تتأكد إن المحتوى اللي بتكتبه بيتحفظ بشكل تلقائي
- الأحسن تختاره على أقل مدة عشان تحقق أكبر استفادة ولكن ده بيحتاج رامات قوية
- ممكن اختيارك لأقل مدة وتفعيل الحفظ التلقائي باستمرار يقلل سرعة جهازك لو راماتك ضعيفة
تفعيل الحفظ التلقائي على الوورد أونلاين
- اعمل حساب على OneDrive عشان تقدر تخزّن عليه كل ملفات الوورد اللي محتاجها
- افتح ملف/ File واضغط على حفظ باسم/ Save as
- حدد الحساب بتاعك اللي عايز تخزّن عليه ملف الوورد، واختار المجلد الفرعي اللي هتخزن فيه الملف
- عشان تتأكد إن الحفظ التقائي شغّال، اضغط على علامة OneDrive اللي موجودة في شريط المهام/ Task Bar أو في القائمة/ Menu
- اختار More/ المزيد، وبعدها إعدادات/ Settings وافتح Office
- حدد مربع استخدام تطبيقات أوفيس للملازمة/ Use Office applications to sync
- اختار تفعيل الحفظ التلقائي/ Autosave مرة تانية
