طريقة انتقالات الشرايح من أهم عناصر نجاح أي عرض تقديمي لأنها بتزود عنصر الجذب في طريقة عرض المحتوى، وبالتالي لازم تهتم بشكل القوالب اللي بيتعرض فيها محتواك وصور المحتوى وألوانه ومن أهم عناصر الجذب الانتقالات اللي لازم تبقى سلسة ومريحة للعين، وعشان توصل لأحسن شكل لعرض الباوربوينت ككل هنقولك إزاي تضيفها:
- ثبّت علامة الفأرة على الشريحة اللي عايز تحط عليها الانتقالات / Transitions
- اضغط على انتقالات / Transitions عشان تظهرلك أشكال كتير تختار منهم
- افتح كل واحدة منهم وجرّب حركتها عشان تختار المناسبة ليك
- لما تختار الانتقال المناسب ليك حدد خيارات التأثير / Effect Options عشان تحدد اتجاه الانتقال
- اضغط على معاينة / Preview عشان تشوف مظهر الانتقالات النهائي
- لو عايز تلغيها حدد انتقالات / Transitions واختار بلا/ None
