المحتويات
التفاح من أكتر الفواكه الغنية بالألياف اللي بتطول فترة الشبع وبتحسن صحة المعدة، والطرق المختلفة لعمله هتساعدك تنتظم على أكله أكتر وتستفيد من الفيتامينات اللي فيه، ده غير إن قشره ليه استخدامات متعددة للأكل وفي البيت.
طرق مختلفة لأكل التفاح
مقبلات التفاح
- قطعه لشرايح رفيعة
- ممكن تاكلها مع زبدة الفول السوداني أو زبدة اللوز أو زبدة الشوكولاتة
- تناولها مع زبدة المكسرات مناسب للدايت كوجبة خفيفة
- سعراتها الحرارية قليلة
ساندويتش التفاح
- قطع التفاحة لنصفين وشيل الجزء الداخلي منها
- اخلط الجرانولا مع زبدة المكسرات وافردها بين النصين
- وجبة مناسبة للدايت لأن سعراتها قليلة
سموزي التفاح
- اخلط موزة مع تفاحة ومعلقة زبدة فول السوداني
- الخليط ده مناسب كوجبة فطار لأنه هيزود طاقتك
- مناسب كوجبة خفيفة
سوتيه التفاح
- قشر 5 ثمرات منه وقطعهم شرايح رفيعة
- في حلة كبيرة أو طاسة عميقة غير قابلة للصق.. سخن ربع كوب زبدة على نار متوسطة
- ضيف عليها الشرايح وسيبه دقيقة
- ضيف ربع كوب مياه وخليها تغلي وبعدين ضيف نص كوب سكر ونص معلقة قرفة مطحونة
- وطي النار وغطي الحلة وسيبها من 10- 12 دقيقة مع التقليب كل شوية لحد ما التفاح يبقى طري
التفاح المحمص
- قطع 6 ثمرات لأربع قطع
- سخن الفرن على درجة حرارة متوسطة
- اخلط ربع كوب سكر ونص معلقة قرفة مطحونة
- افرد القطع على صينية عليها ورقة زبدة وادهنها بخليط السكر والقرفة
- دخلها الفرن لمدة نص ساعة واقلب كل قطعة على الناحية التانية بعد نص الوقت
- خرجها لما تكون طرية ومقرمشة من بره
زبدة التفاح
- في حلة كبيرة.. حط قطع التفاح الرفيعة متقشرة
- ضيف نص كوب سكر عادي ونص كوب سكر بني وقلبهم
- زود نص معلقة قرفة وربع معلقة صغيرة ملح ومعلقة كبيرة فانيليا
- قلبهم كويس وسيبهم على نار هادية لمدة 6 ساعات مع التقليب مرة كل ساعتين
- لازم لونها يبقى بني وقوامها سميك
- ممكن تخلطها أكتر باستخدام البلندر لو عايزها ناعمة
- حطها في برطمان بغطاء محكم
- ممكن تاكلها مع التوست/ الخبز العادي/ البسكويت/ المافنز
طرق مختلفة لاستخدام قشر التفاح
مقرمشات صحية
- وزع قشر حبتين أو 3 تفاحات على صينية ورش عليه سكر وقرفة
- دخله الفرن على درجة حرارة متوسطة لحد ما ينشف وحجمه يقل
شاي التفاح
- بيساعد على الاسترخاء وتهدئة الأعصاب
- اغلي كمية من القشر مع عود قرفة ومعلقة صغيرة عسل وكوباية مياه لمدة 5 دقايق
جيلي التفاح
- اغلي كمية من القشر مع مياه كافية لمدة 10 دقايق
- صفي القشر وضيف نص كوباية سكر ومعلقة كبيرة عصير ليمون ومعلقتين كبار جيلاتين بودر
- ارفع الخليط على النار وقلب لمدة 5 دقايق لحد ما السكر والجيلاتين يدوب
- وزع الخليط في بولات ودخله التلاجة
معطر للهواء
اغلي كمية مع عود قرفة على نار هادية لحد ما تظهر وتنتشر ريحة التفاح
لتنظيف الأواني الألومنيوم
- ضيف كمية من القشر في حلة أو طاسة متسخة مع مياه وارفعهم على نار هادية لمدة 30 دقيقة
- الحمض الموجود فيه هيساعد في إزالة البقع والدهون الملتصقة
لتزيين السلطات
قطع القشر شرايح رفيعة وضيفه للمكونات هتساعد في إضافة قيمة غذائية وتعزز الشبع وصحة الجهاز الهضمي بسبب نسبة الألياف فيها
ترطيب البشرة
- لأنه بيحتوي على فيتامين E وبيساعد في ترطيب والحفاظ على نضارة البشرة
- افردي كمية منه على بشرتك لمدة 20 دقيقة
