المحتويات
جوجل شيت من أهم البرامج اللي بتوفر خدمة تنظيم البيانات في شكل جداول ومشاركتها مع أشخاص تانية للتعديل أو التغيير فيها، ومعرفة خطوات مميزاته المختلفة هيساعدك تستغله بالطريقة الصحيحة في العمل.
حماية جوجل شيت
ده هيسمح لك تحمي المعلومات من التغيير أو المسح في الصفوف والأعمدة خاصة لو أكتر من شخص بيستخدم الشيت من خلال:
- دوس (Click) يمين على (Tab) الشيت اللي فيها اسمها أسفل الشاشة
- اختار (Protect Sheet)
- أسفل اختيار (Sheet Option).. اتأكد إن اسم الشيت صحيح أو ممكن تغيره
- دوس على (Set Permissions)
- أسفل اختيار (Range editing permissions).. اختار (Only you)
- دوس (Done)
- أو ممكن تختار (Custom) بدل (Only you) وتضيف إيميلات الشخص اللي عايز تسمح لهم بالدخول
إضافة أكتر من صف (Row) في جوجل شيت
لو صف (Row) واحد
- اعمل (Click) يمين على الخلية (Cell)
- اختار إضافة صف (Insert Row) من القائمة اللي هتظهرلك
- الصف (Row) هتضاف فوق الخلية (Cell) اللي عملتلها (Select)
لو أكتر من (Row)
- اعمل (Click) على الرقم يسار الصف (Row) اللي عايز تضيف عندها صفوف (Rows) زيادة
- من غير ما تلغي الـ(Select).. نزل الـ(Cursor) للأسفل عشان تعمل (Highlight) على عدد الصفوف (Rows) اللي عايز تضيفهم
- فمثلا لو عايز تضيف 2 (Row).. اعمل (Highlight) للصفين (Rows) بعدد 2
- اعمل (Click) يمين على أي جزء من المكان الـ(Selected)
- اختار (Add Rows) من القائمة اللي هتظهرلك
- دوس على (Insert 2 above) لو عايز تضيفهم فوق
- أو (Insert 2 below) لو عايز تضيفهم للأسفل
تعديل مستند على جوجل شيت أوفلاين
- ادخل على المتصفح وسجل دخولك على حساب جوجل
- حمل (Google Docs Offline browser extension)
- لو من الكمبيوتر.. افتح جوجل كروم وبعدين افتح (http://drive.google.com/drive/settings)
- اضغط على (Offline) واعمل علامة جنب (..Create, open and edit your recent)
- اعمل (Reload) للصفحة لكل الـ(Files) اللي عايز تعدلها أوفلاين عشان توفر في المساحة.. افتح (http://drive.google.com/) ودور على المستند اللي عايزه
- دوس (Click) يمين عليه اعمل (Enable) لأوبشن (Available offline)
لو من الموبايل
- افتح تطبيق جوجل درايف
- دوس على التلت نقاط فوق بعض للمستند واختار (Make available offline)
- لما تفتح الدرايف.. اضغط على التلت خطوط فوق بعض واختار (Offline) عشان تلاقي كل الـ(Files) المتاحة أوفلاين
استعادة نسخة قديمة من جوجل شيت
- افتح الشيت ودوس على (File) أو ممكن تدوس (Control+Alt+Shift+H) كاختصار
- اختار (Version History) وبعدين (See Version History)
- أو دوس على كلمة (Last Edit) أعلى المستند
- هتظهرلك مجموعة التعديلات القديمة بتفاصيلها وتواريخها
- دوس على النسخة اللي عايزها عشان تشوف التعديلات بتفاصيل
- أو دوس على التلت نقاط جنب اسم النسخة عشان تظهرلك التعديلات بتفاصيلها
- اختار (Restore This Version) ودوس على (Restore) من القائمة اللي هتظهرلك
