المحتويات
صبغة الشعر من أكتر الأشياء المستخدمة للسيدات والرجال خاصة مع التقدم في العمر، وهنقدملك أنواعها والطريقة الصحيحة لاستخدامها وأضرارها على الشعر وفروة الرأس.
أنواع صبغة الشعر
هي مادة بتستخدم لتلوين الشعر وطبقا لمكوناتها بيتحدد نوعها، فهي منقسمة لـ3 أنواع هم:
- مؤقتة: لأنها بتغطي الجزء الخارجي بس من الشعر
- شبه دائمة: بتستمر بعض الأيام وبعدين بتروح
- الدائمة: اللون بيستمر لعدة أسابيع حسب عدد مرات غسل الشعر
مكونات الصبغة
- بيروكسيد الهيدروجين (المعروف بإسم المطور أو العامل المؤكسد) وبيساعد على تكوين لون يستمر لفترة طويلة
- كلما زادت كمية بيروكسيد الهيدروجين المستخدمة زاد فقدان عنصر الكبريت المكون لبصيلات الشعر ويتسبب فقدان الكبريت في تساقط الشعر وعشان كده معظم صبغات الشعر كمية بيروكسيد الهيدروجين 30٪ أو أقل
- الأمونيا: بتسمح للصبغة باختراق بصيلات الشعر
- الصبغة فيها أنواع مختلفة من الكحول واللي بيحافظ على مكونات الصبغة متجانسة وممكن يسبب جفاف الشعر
خطوات صبغ الشعر
- اغسل شعرك قبل وضع الصبغة بحوالى 24 إلى 48 ساعة وتجنب استخدام البلسم عند غسل شعرك
- غطي أي سطح حواليك وحط ورق جرايد على الأرض لحمايتها من أى لون ممكن يقع
- ضع فوطة حول كتفك وسرح شعرك كويس وتأكد من عدم وجود أى تشابك فيه
- استخدم المشط لفصل شعرك إلى أجزاء صغيرة
- كلما كان شعرك تقيل، كلما هيحتاج تقسمه لأجزاء أصغر حتى عشان تقدر توزع الصبغة صح
- حط فازلين أو مرطب على أذنيك ورقبتك عشان تقدر تشيل الصبغة اللي هتقع عليهم بسهولة بدون ما تسيب أثر
- البس جوانتي واستخدم فرشاة لتوزيع الصبغه على كل جزء من شعرك ووزعها كويس
- ضع بونيه بلاستيك أو كيس بلاستيك على شعرك وشيل أي صبغة من على الشعر أو الوجه
- سيب الصبغة على الشعر واتأكد من المدة المناسبة ليها عليه من على العلبة عشان تعمل مفعول
- اغسل شعرك جيدا بمياه دافية لحد ما أي لون يبطل يظهر تماما
- استنى ساعة على الأقل قبل غسل شعرك بالشامبو وبعدين جفف شعرك وصففه بالطريقة العادية
أضرار صبغة الشعر
- المواد الكيميائية اللي فيها (خاصة الأمونيا) بتتعمق في الشعر عشان تلونه وبتسبب ضعفه وسهولة تكسيره وتساقطه
- ردود أفعال تحسسية خاصة للأشخاص المصابة بمشاكل جلدية زي الإكزيما وبتسبب أعراض زي الاحمرار والحكة وتورم أماكن في فروة الرأس والرقبة والوجه
- بعض الأشخاص بتصاب بضيق التنفس وأعراض أزمة الربو عند استخدام الصبغة بسبب المكونات الكيمياشية اللي فيها
تطبيقات لتجربة قصات ولون الشعر
في بعض التطبيقات بتساعدك على اختيار لون وقصة شعر مناسبة لوجهك قبل تنفيذها زي:
(Hair Zapp)
- عليه أكتر من 500 قصة لتجربتها
- في جزء تاني فيه خصائص أكتر لكن بفلوس
- بيساعدك تختاري قصة الشعر المناسبة ليكي قبل قصه
(Hairstyle Makeover)
- بيساعدك تحدد القصة المناسبة لشكلك وحجم وجهك
- تقدر من خلاله تحدد الطول/ الكثافة/ شكل الشعر المناسب
- عليه أشكال وقصات شعر للجنسين
- عليه أشكال مختلفة للشنب والدقن
(Hairstyle Try On)
- الجزء المجاني منه عليه 15 شكل وقصة مختلفة
- عليه أشكال الشعر الكيرلي والـ(Straight)
(ModiFace Hair Colour)
- عليه أكتر من 50 درجات ألوان مختلفة للشعر
- تقدر تخلي الصورة (3D) من خلاله عشان تحدد درجة مناسبة مع شكلك أكتر
5- (L’Oreal Style My Hair):
-عليه ألوان وأشكال وقصات شعر مختلفة
6- تطبيق (Hair Colour Studio):
-عليه أكتر من 20 لون وشكل مختلف
-ممكن تعمل لون مخصص من خلاله وتجربه عليك
