خلاف في الشات ممكن يحصل بين المقربين نتيجة اللجوء للتواصل أونلاين بالكتابة لو مفيش فرصة تكلم الطرف التاني في التليفون، وسببه الرئيسي غياب عناصر زي نبرة الصوت ولغة الجسد الأساسية في كفاءة التواصل بين الآخرين، خصوصًا لأن التواصل بالشات بيسمحلك تعبر عن مشاعرك بحرية من غير تفكير في عواقب الألفاظ، ولكن فيه طرق كتير تقدر من خلالها تقلل فرص حدوث الخلافات وحلّها:
- اقرا الرسالة أكتر من مرة عشان ممكن تعبير فيها يصدمك فتفهمها غلط أو تخرج بره إطار الموضوع
- استنى قبل ما ترد على رسالة محتواها صادم عشان تكون هادي فتختار تعبيراتك بعناية
- اعرف السبب اللي ضايقك أو اللي خلاك تزعل من الطرف التاني وحط نفسك مكانه
- الأفضل تستخدم الفويس نوت أو تكلمه على الموبايل عشان رسالتك تتفهم صح
- اشرح وجهة نظرك في الموضوع ككل من غير ما ترد على كل كلمة
- الأحسن تمسح الرسالة اللي ضايقتك لأن كل مرة هتقراها هتفكر ترد بالمثل
- ابعد عن البلوك أو تجاهل الشخص إلا في حالات التطاول والإهانة والسب لأن ده هيزود المشكلة زيادة
- تكرارك للنقط الأساسية اللي عايز توصلها هيهدي الطرف التاني وهيساعد في حل المشكلة
- الهزار للخروج من حدة الموقف مش أحسن طريقة لحل الخلاف في الشات أو حتى استعمال الاختصارات والإيموجيز اللي ممكن تتفهم غلط
- بيتفهم صح في التواصل المباشر لأن عوامل تانية بتساعد في تهدئة الجو زي نبرة الصوت ولغة الجسد
- عكس الهزار أونلاين اللي بيتفهم كأنك بتقلل من الطرف التاني
