تكنولوجيا

زيادة سرعة التحميل من (uTorrent) على الأندرويد

إزاي تزود سرعة التحميل على الـ(uTorrent)؟

زيادة سرعة التحميل من (uTorrent) على الأندرويد بتختلف حسب الجهاز وسرعة الإنترنت، وممكن يكون أبطأ من المعدل الطبيعي، وعشان كده هنقدملك خطوات التحميل التورنت وطرق بسيطة تزود بيها سرعته على الأندرويد.

خطوات تحميل التورنت

  1. هتحتاج تثبت تطبيقات قادرة على تشغيل نوعية الملفات اللي حملتها من خلال ملف التورنت والتأكد من الإتصال بالواي فاي
  2. حدد الملفات اللي ممكن تحملها من التورنت وقابلة للعمل من خلال الأندرويد زي ملفات الفيديو بشرط وجود مشغل للوسائط المتعددة زي تطبيق VLC
  3. الملفات بامتداد APK قابلة للتثبيت على الأندرويد
  4. الملفات المضغوطة هتحتاج تطبيقات خاصة لفك عملية الضغط
  5. اتصل بالواي فاي لتجنب استهلاك باقة الإنرتنت على الموبايل خاصة في حالة تحميل الملفات الكبيرة
  6. ثبت تطبيق التورنت على الموبايل من جوجل ستور وأشهر لتطبيقات هي:
  7. uTorrent
  8. Flud
  9. BitTorrent
  10. tTorrent
  11. افتح التطبيق بعد الانتهاء من تحميله
  12. افتح قائمة الإعدادات Settings في التطبيق
  13. دور على قسم الباندويث أو النطاق الترددي أو Bandwidth واللي تقدر من خلاله تحدد السرعة المناسبة والتحميل فقط عند الإتصال بالواي فاي
  14. افتح قائمة التخزين أو Storage عشان تحدد مكان حفظ التحميلات على الجهاز
  15. دور على التورنت اللي عايز تحمله من خلال السيرش على جوجل وكتابة كلمة (Torrent) بعدها
  16. دوس على ملف التورنت اللي عايز تحمله وبعدين اختار تطبيق تورنت من التطبيقات اللي هتظهرلك
  17. اقرأ تعليقات الزوار قبل تحميل التورنت عشان تتأكد إنه غير حامل للفيروسات
  18. اختار دايما ملف التورنت صاحب التوزيع سيدرز أو Seeders لضمان عملية اتصال أفضل وسرعة تحميل أسرع
  19. لو ملف التورنت اتحمل بدون طلب تشغيله من خلال تطبيق التورنت، فالأفضل إنك تشغله يدويا من خلال فتح متصفح التطبيقات واختار التحميلات وافتح تطبيق مدير الملفات وبعدين مجلد التحميلات ودوس على ملف التورنت اللي عايزه واختار تطبيق التورنت من قائمة التطبيقات اللي هتظهرلك
  20. اختار مكان التحميل ودوس Allow عشان يبدأ في التحميل

خطوات تشغيل الملفات المحملة

التورنت هو وسيط بينقل أي نوع من أنواع الملفات والمجلدات ولكن لازم يكون في تطبيق مثبت على الأندرويد قادر على تشغيلها أو فكها، فلازم تحمل:

  • واحد من تطبيقات مدير الملفات عشان تقدر توصل وتتعامل مع الملفات المحملة بطريقة أسهل زي Root Explorer أو Cabinet
  • تطبيق قادر على التعامل مع الملفات المضغوطة بصيفة رار أو RAR
  • تحميل تطبيق قادر على تشغيل ملفات الفيديو بصيغة MKV أو الصيغ اللي شبهها زي تطبيق VLC أو MX Player
  • ضبط خيارات الأمان الخاصة بالجهاز لتثبيت ملفات بصيغة APK عشان تقدر تحملها من مصدر تاني غير جوجل ستور وده من خلال فتح الإعدادات Settings وبعدين الأمن والحماية Security ودوس على مربع السماح للمصادر غير الموثوقة Unknown Sources

خطوات زيادة سرعة التحميل من uTorrent 

زيادة سرعة تحميل من uTorrent على الأندرويد محتاجة خطوات بسيطة وسهلة وهي:

  1. افتح التطبيق ودوس على التلت خطوط فوق بعض يسار الشاشة
  2. اختار الإعدادات وبعدين (Download Limit)
  3. زود سرعة التحميل حسب رغبتك بتحريك الـ(Slider)
  4. دوس (Set)
  5. افتح (Incoming Port) من قائمة الإعدادات
  6. ده القسم المسؤول عن سرعة الـ(uTorrent) في الوصول للمعلومات اللي هيحملها وفي الأغلب بتكون (6881)
  7. غيرها وخليها (6882)
  8. دوس (Ok)

مقالات ذات صلة

زر الذهاب إلى الأعلى