المحتويات
كب كيك القرفة وخبز الزنجبيل من الأطعمة المهمة للاحتفال بالكريماس ورأس السنة، وممكن تعملهم بخطوات سهلة وبسيطة في البيت بمشاركة الأطفال.
مكونات كب كيك القرفة
المكونات
الكميات دي كافية لعمل من 24-30 كب كيك
- 5 بياض بيض
- 3/4 لبن رايب
- كوب و3/4 كوب سكر
- 3/4 كوب زبدة
- كوبين ونص دقيق
- معلقة كبيرة بيكنج باودر
- نص معلقة
- صغيرة ملح
- معلقة ونص صغيرة قرفة
- معلقة صغيرة جوزة الطيب
- نفس الكمية من الزنجبيل مطحون
للتزيين:
- كوب زبدة غير مملحة سايحة
- 4 أكواب سكر بودرة
- معلقة صغيرة قرفة
- ربع كوب حليب
- نص كوب رقائق قرفة للتزيين (اختياري)
الطريقة
- سخن الفرن على درجة حرارة 180 واملا صينية الكب الكيك بالورق المخصص ليها
- اخلط السكر والزبدة لحد لما القوام يكون كريمي
- ضيف السكر البودرة والدقيق والبيكنج باودر والملح والقرفة وجوزة الطيب والزنجبيل المطحون للخليط
- زود بياض البيض واللبن الرايب تدريجيا للخليط مع التقليب المستمر
- اتأكد من عدم تكتل أي مكونات على جوانب صينية الخلط وبعدين وزع الخليط في صينية الكبك الكيك
- املى كل ورقة لحد 2/3 الكمية
- دخل الكبك الكيك الفرن وسيبها من 16-18 دقيقة
- عشان تتأكد إنها استوت.. دخل فيها خلة أسنان ولو طلعت نضيفة.. تبقى استوت
- خرجهم على صينية فرن عشان تبرد
- للتزيين.. اخلط الزبدة بدون نار لحد ما لونها يكون أصفر
- في وعاء تاني.. اخلط المكونات الجافة
- ضيف للمكونات الجافة الزبدة وبعدين الحليب
- قلب الخليط لحد ما قوامه يكون غني وكريمي
- حط الخليط في كيس تزيين وارسم الشكل اللي تحبه على كل كبك كيك
- ممكن تضيف رقائق القرفة أو الشوكولاتة للتزيين (اختياري)
طريقة عمل خبز الزنجبيل Gingerbread
المكونات
- 3/4 كوب زبدة
- معلقة ونص صغيرة قرفة
- معلقتين صغيرين زنجبيل مطحون
- ربع كوب عسل أسود
- بيضة
- نص معلقة صغيرة بيكنج صودا
- معلقة صغيرة بيكنج باودر
- 3/4 كوب سكر بني
- 3 أكواب ونص دقيق منخول
- نص معلقة صغيرة ملح
- معلقة صغيرة فانيليا
الطريقة
- اخلط كل المكونات السايلة مع بعض لحد ما تتجانس كويس
- ضيف المكونات الجافة لحد ما القوام يتحول لعجينة متماسكة
- لفها ببلاستيك تغليف الطعام وسيبها في التلاجة نص ساعة
- خرجها وقسمها لأكتر من جزء وافرد كل جزء بالنشابة
- شكلها بقطاعات أشكالها مختلفة
- وزع الأشكال على صينية فيها ورقة زبدة ودخلها فرن متسخن مسبقا من تحت وفوق على درجة حرارة 180
- سيبها 10 دقايق وبعدين خرجها وخليها تهدى تماما من الحرارة قبل الأكل
