المحتويات
حذف حساب الفيس بوك نهائيا ممكن سواء من الكومبيوتر العادي أو من الموبايل بخطوات بسيطة لو عايز تلغي تواجدك الإلكتروني عليه، وفيه طريقة ممكن تساعدك تخفي ظهور إنك أونلاين عليه لو عايز تتصفحه بدون الرد على رسائل ومكالمات الآخرين إلا في أوقات محددة.
خطوات حذف حساب الفيس بوك نهائيًا على الموبايل
- اضغط على الـ3 شرط الموجودين تحت أو فوق حسب نوع موبايلك واختار الإعدادات والخصوصية/ Settings&Privacy
- اختار الإعدادات Settings ومنها افتح Personal and Account Information
- حدد ملكية الحساب والتحكم فيه Account Owner and Control واضغط على إلغاء التنشيط والحذف/ Deactivation and Deletion
- اختار حذف الحساب/ Delete Account لو عايز تمسح حسابك على فيس بوك بلا رجعة
- أو اختار متابعة إلى إلغاء تنشيط الحساب/ Continue to Account Deactivation لو عايز تمسح الحساب لمدة مؤقتة (أقصاها 30 يوم) وبعدها هيتقفل حسابك نهائيًا
- هيطلب منك تدخل الباسوورد بعدها اضغط متابعة Continue وهتظهرلك رسالة إن خلال 30 يوم لو مادخلتش على الحساب هيتحذف بشكل نهائي
طريقة حذف حساب فيس بوك نهائيًا على الكومبيوتر
- اضغط على السهم اللي جنب رمز الإشعارات/ Notifications وافتح إعدادات وخصوصية/ Settings and Privacy
- اختار Settings ومن صفحة الإعدادات ادخل على معلوماتك على فيس بوك/ Your Facebook Information
- هتظهر قائمة في نهايتها حدد إلغاء التنشيط والحذف/ Deactivation and Deletion
- وبعدها هتكمّل الخطوات نفسها اللي هتعملها لو فاتح فيس بوك من الموبايل عشان تفعّل حذف حساب الفيس بوك نهائيا
كيفية إلغاء ظهور علامة الأونلاين على فيس بوك
الكمبيوتر
- اضغط على التاب اللي جنب الشات في الجزء اليمين أسفل الصفحة واضغط على حالة النشاط (Active Status)
- اختار حالة الإيقاف لكل الجهات (Turn off status for all contacts)
- أو ممكن تحدد الأشخاص اللي ممكن يشوفوا إنك أونلاين من الاختيار التاني واختار (Ok)
الموبايل
- اضغط على الـ 3 خطوط فوق بعض واختار الإعدادات والخصوصية (Settings and Privacy)
- وبعدها اختار الإعدادات (Settings) ودوس على حالة النشاط (Active Status)
- الغيها عن طريق تحريك الزرار وبعدين اضغط على إلغاء (Turn Off)
- عشان الخاصية دي تشتغل لازم تلغيها من كل الوسايل التانية اللي بتستخدم عليها فيس بوك
