المحتويات
وزارة الشباب والرياضة بتفتح باب التطوع كل فترة أونلاين من خلال مبادرة youth leading youth أو شباب يدير شباب التابعة ليها وكمان باب التطوع مفتوح من خلال مقر الوزارة.
التطوع عن طريق زيارة مقر وزارة الشباب والرياضة
- مقر الوزارة في شارع 26 يوليو ميدان سفنكس المهندسين والخط الساخن ليها 19133
- تقدر تروح لمقر الوزارة في خلال ساعات العمل الرسمية بتملا فيهم استمارة وبتختار الإدارة اللي عايز تطوع فيها
- أحيانًا ممكن تتوزع حسب حاجة الإدارة
- افتكر إنك لازم يبقى معاك بطاقتك الشخصية قبل التوجه للوزارة وشهادة قيد من المدرسة أو الكلية اللي بتدرس فيها
- قبل قبولك كمتطوع بتدرب بشكل مكثف على تنظيم الأحداث الكبرى زي المؤتمرات والمنتديات الثقافية والعلمية
مبادرة شباب يدير شباب Youth leading youth
- بتستهدف المبادرة دمج الشباب بشكل فعّال في انشطة المجتمع
- وبتتيح الفرصة للشباب للمشاركة في فاعليات الوزارة
- كل فترة بتنشر عبر صفحتها على الفيس بوك استمارة تسجيل للتطوع
- املا كل البيانات المطلوبة في الاستمارة وخليك دقيق وقت كتابتها
- الأسئلة بتضمن معلومات شخصية عن دراستك ومهاراتك والإدارة اللي تحب تشتغل فيها سواء إدارة الموارد البشرية أو العلاقات العامة أو تنظيم الفاعليات
- بتفحص لجنة مختصة الاستمارات لاختيار الاستمارات الأفضل وإجراء مقابلات شخصية مع أصحابها واختيار الأفضل بينهم للتطوع
- خليك متابع الصفحة دائمًا لأن الاستمارة بتنزل في أوقات محددة وبتنتهي صلاحيتها بسرعة
فوائد التطوع
- الدراسات بتقول إن التطوع تأثيره كبير عليك جسديًا ونفسيًا
- بيحسن مهارات التفكير المنطقي وبتحمي من أمراض الخرف والزهايمر
- بيوسع دايرة معارفك واتصالك بناس من مختلف الطبقات الاجتماعية وده بيحسن مهارات التواصل عندك وبيقلل إحساس الوحدة والعزلة
- دراسة أمريكية بتقول إنه بيحسسك بالسعادة
- وبيزوّد ثقتك في نفسك ورضاك عن حياتك وإحساسك بالأمن والاستقرار وبيقلل تفاقم أعراض الاكتئاب والكسل
- دراسة كندية بتأكد إنه بيحافظ على مستويات ضغط الدم الطبيعية وبيحميك من الأزمات القلبية وأمراض الأوعية الدموية
