جبسون بورد الحوائط والأسقف: تركيبه ومميزاته وعيوبه

جبسون بورد هو اسم بيطلق على الأسقف اللي بتتركب أسفل السقف الخرساني أو بتبقى نوع معيّن من الحوائط بيقسّم غرفة كبيرة لغرفتين منفصلتين عن بعضهم، وبيتصنع عن طريق خلطة الجبس مع بعض الألياف اللي بتسهّل بنائه وبيتعدد استخدامه لأغراض حيوية في إعادة تقسيم البيت أو المكتب أو لإضافة مظهر جمالي مميز ومختلف.

تعريف الجبسون بورد

• من أدوات البناء المكوّنة من ألواح فيها طبقات كتير زي صخور جبسية محصورة بين طبقات ورق
• عن طريق تقنيات معيّنة بيغطي بيها الجبس الرطب أي صخور جبسية عشان يظهر الشكل المتماسك اللي بنشوفه
• الخبراء بيأكدوا إن بعض الأنواع منّه بتوفّر حماية ضد الحرايق، لأنه بيحتوي على مياه بتتبخر وقت التعرض للحرايق
• بتزوّد حماية الخشب من الحرايق حتى لو استمرّت لمدة طويلة لأنه بيستهلك كل كمية المياه اللي فيه
• الجبس بيستخدم كمادة بناء من آلاف السنين من وقت قدماء المصريين والآشوريين والإغريق
• بيحتوي كل جزيء على مياه (H2O) وكبريتات الكالسيوم (CaSO4)
• الجبس في أوقات كتير بيبقى أبيض لكن أحيانًا وقت اختلاطه بمواد تانية بيتحول للون رمادي أو أسود أو وردي

طريقة تصنيع ألواح جبسون بورد 

• بتتكسر صخور الجبس وبتتطحن وبتتعرّض لدرجة حرارة عالية
• بتستخدم أنواع معيّنة من الورق شديدة الامتصاص عشان تتحمل الثبات على قشرة الجبس بعد التثبيت
• مصانع تانية بتستخدم الورق المُعاد تدويره
• التصنيع بيتم بشكل أساسي عن طريق وضع الجبس بين طبقتين ورق وتجفيفهم
• بعد عملية طحن الجبس في حالته الأصلية بتضاف مواد تانية زي الطين والفيرميكوليت والنشا
• بتضاف كميات مناسبة من المياه لحد ما يبقى القوام في شكل عجينة وبيتضاف عليه مستحلب الأسفلت
• بيتحبس الهواء داخل العجينة الكبيرة عشان يبقى وزن الهواء فيها حوالي 50٪ من وزنها وبالتالي يبقى سهل تقطعيها وتركيب المسامير فيها
• باستخدام آلة لوحة طويلة بتضاف الكمية المناسبة من الجبس على الألواح الخشبية حسب درجة السمك المطلوبة
• في مرحلة تانية من نفس الآلة بتضغط ألواح خشبية تانية على الجبس وبتعمل الآلة بنظام البكراتذ
• بتتقطع الألواح اللي الجبس أصبح بينهم حسب الطول المرغوب وحسب الحواف سواء كانت مستديرة أو مشطوفة أو تقليدية أو أي شكل تاني حسب الرغبة
• بتتجمع ألواح الجبسون بورد في أفران التجفيف وبتتعرض داخل الفرن لدرجات حرارة متناقضة بين الارتفاع والانخفاض الشديد عشان تبقى جاهزة للاستعمال

أنواع أسقف الجبسون بورد 

• المستوى الواحد بيعتبر من أرخص الأنواع وبيستخدم لإخفاء عيوب الأسقف
• المستويين بيستخدم لخلق إضاءة مخفية (غالبًا بتبقى في شكل كشافات)
• الـ 3 مستويات بيحتاج مساحة كبيرة زي الموجودة في الفيلات والقصور واسخدامه لعمل منظر جمالي مميز وديكورات مبهرة لكنه مكلّف

خطوات التركيب

• بتتثبت قطع ألومنيوم في السقف أو الخرسانة عشان تقدر تتحمل وزن الألواح
• بتتركب عليها الألواح وبتتوصل ببعضها عن طريق مسامير التثبيت
• بيتعمل معجون لسد الفجوات بين الفصلات وبعدها بتفتح أماكن لتمرير أي أسلاك كهربائية سواء من الحائط أو بين الغرف لو كانت حائط

المميزات 

• سعرها اقتصادي وبتاخد وقت قليل نسبيًا في التركيب لأن مكونّاتها مصنوعة مسبقًا
• السطح الناعم بيسهّل مهمة تغيير اللون باستمرار على النقّاش
• بتسهّل وجود أفكار ديكور جديدة في المنزل أو المكتب

العيوب

• بتتأثر بالرطوبة خصوصًا لو المكان قرّيب من الحمامات أو على مسافة قريبة من البحر أو أي مسطح مائي
• صعب تعليق عليها أي شيء ثقيل لأن أقصى سمك ليها هو 12 مللي
• تجاهل وجود أسلاك أو فتحات التكييف خصوصًا في الأسقف الجبسون بورد بيقلل فرص صيانتها وقت أي تلف
• مهم تفتكر دايمًا ضرورة وجودة فتحات مناسبة داخل الجدار أو السقف لتسهيل أي عملية صيانة