المحتويات
اعراض الحمل من الحاجات اللي دايمًا بتشغل البال خصوصًا بعد تأخر الدورة الشهرية عن معادها، اللي أحيانًا بيحصل بسبب الحمل، أو بسبب ظروف صحية تانية، ومع الوقت بتزيد الرغبة في معرفة إذا كان الحمل حصل فعلًا ولا لأ، وده اللي بيتأكد عن طريق أعراض مثبتة علميًا، أو عن طريق اختبار الحمل.
علامات الحمل المبكرة
- تأخر الدورة الشهرية عن معادها لأكتر من أسبوع
- ألم شديد في الثديين بسبب التغيرات الهرمونية، وبيقل بعد مرور الأسابيع الأولى
- الغثيان خصوصًا في الصباح أو خلال أي وقت في اليوم (بيحصل بنسب متفاوتة من سيدة للتانية)
- الحاجة المستمرة للتبول بسبب زيادة كمية الدم في الجسم، وده بينشط الكلى لإنتاج سوايل بكمية أكبر
- زيادة إنتاج هرمون البروجسترون بيحافظ على بطانة الرحم وبيمنع تلقيح بويضات تانية خلال الحمل، وبيقوي عضلات الحوض
- بس من أعراضه الجانبية الإحساس المستمر بالإرهاق والنعاس، واللي بيعتبر عامل مشترك بين أغلب الحوامل خصوصًا في الأشهر الأولى
- الإحساس بطعم معدني في الفم من أعراض الحمل
- التغيرات في الشهية سواء بتناول الطعام زيادة عن اللزوم أو عدم الرغبة في تناول أي أطعمة
- ظهور بعض التغيرات في حلمة الثدي زي درجة لون أغمق ليها، أو ظهور بعض النتوءات الصغيرة عند بعض السيدات فيها
- التقلصات خصوصًا لو في مكان واحد، ووقتها لازم تستشيري طبيب متخصص فورًا، لأنه ممكن يكون حصل حمل بس خارج الرحم
اعراض الحمل الأقل انتشارًا
- الإمساك بيحصل بسبب تغيرات هرمونية بتأثر على الجهاز الهضمي
- تشنجات في الرحم خلال الـ 3 شهور الأولى من الحمل
- زيادة كمية الدم في الجسم وتدفق الهرمونات ممكن يسبب احتقان في الجيوب الأنفية نتيجة تورّم الأغشية المخاطية
- نزيف الدم المهبلي الخفيف (الانغراس) اللي بيحصل بعد مدة بسيطة من الحمل (من 10 لـ 14 يوم)، أو قبل الدورة الشهرية بأسبوع
- إحساس بالانتفاخ مشابه للي بيحصل وقت بداية الدورة الشهرية
- كره روايح معينة كانت محببة ليكي وممكن يستمر طول فترة الحمل
- الإصابة بمتلازمة بيكا وهي الميل لأكل حاجات معينة خالية من القيمة الغذائية أو خطر زي التلج/ الطين/ الشعر، وبالتالي ضروري استشارة دكتور
اختبار الحمل المنزلي
- بتظهر أعراض الحمل ولكن أحيانًا بتبقى أعراض لأمراض تانية، وعشان تتأكدي إذا كنتي حامل فعلًا ولا لأ
- لازم تعملي اختبار الحمل وده بيحصل عن طريق جهاز منزلي مستطيل بيقيس نسبة تركيز هرمون الحمل (Beta – hCG)
- أجهزة اختبار الحمل المنزلي بتتقسم لنوعين:
- أداة اختبار في شكل شريط بتحطيه في وعاء بيحتوي على عينة البول، وبتظهر نتيجة الفحص في تغير لون الشريط
- أو عن طريق شريط فيه مكان مخصص لوضع عينة البول (في شكل قطرات بسيطة) وبتظهر نتيجة الاختبار
- لو ظهر خط واحد معناه إن النتيجة سلبية، لكن لو خطين تبقى النتيجة إيجابية وفيه حمل
- مهم تعملي الاختبار ده قبل يوم أو يومين من معاد الدورة الشهرية المتوقع عشان النتيجة تبقى دقيقة
- الخبراء بيأكدوا إن الأحسن يبقى من أول بول بعد الاستيقاظ من النوم صباحًا، وتستني 5 دقايق قبل ظهور النتيجة
- لو النتيجة سلبية كرري الاختبار تاني بعدها بيومين
- لازم تعملي فحص الدم لقياس نسبة الهرمون والتأكد من دقة نسبته لو النتيجة إيحابية
- الحد الأدنى لقياس نسبة الهرمون في الدم هو 10mIU/ml
متلازمة التوأم المتلاشي
- بعض الدراسات اتكلمت عن حالة اسمها العلمي (متلازمة التوأم المتلاشي)
- بتحس المرأة بالأعراض اللي بتأكد حملها سواء بالتحاليل أو الموجات الصوتية لمتابعة الحمل
- لكن بعدها بيختفي الحمل فجأة
- أول حالة تم تسجيلها كانت سنة 1945 في أمريكا
- بتعتبر نوع من الإجهاض لجنين ويمتصه الجنين التاني أو الأم أو المشيمة
- بيحصل امتصاص من المشيمة لخلايا الجنين أو امتصاص جسم الأم له والتخلص منه
- اختفاء التوأم بيحصل عادةً قبل الفحص بالموجات فوق الصوتية في الأسبوع الـ12
- ده سبب إن معظم الحالات مش بيعرفها الأم أو الدكتور
- بيصاب بها 30% من حالات ولادات التوأم في العالم
- بتظهر أعراض زي تشنجات الرحم والنزيف وآلام في الحوض
- وبيحصل مضاعفات للجنين الحي زي الولادة المبكرة والإصابة بالشلل الدماغي وزيادة الوزن عند الولادة
الفرق بين الدورة الشهرية والحمل
أعراض الدورة الشهرية مشابهة لأعراض الحمل بس سهل تفرقي بينهم لأن من أعراض الدورة الشهرية:
- تورم وألم الثديين قد يصاحبه بعض الإفرازات وبتنتهي آثارها بعد انتهائها مباشرة
- كثافة الدم العادية اللي بتستمر لحد أسبوع
- التقلبات المزاجية والشعور بعدم الارتياح والميل للبكاء وبتنتهي بانتهائها
- قلة الطاقة أو الرغبة في التحرك والشعور بالصداع النصفي
- صعوبة النوم والشعور بالتعب قبلها وبينتهوا مع بدايتها
- الشعور بالغثيان وعدم ارتياح المعدة والهضم
- زيادة الشهية بنسبة كبيرة والميل للسكريات/ النشويات/ الموالح
- الشعور بالتقلصات قبلها بيوم أو يومين وبتقل مع بدايتها تدريجيا لحد انتهائها
