المحتويات
المكياج من العادات الأساسية للسيدات يوميا، وليه خطوات مختلفة ومتعددة حسب درجة التغطية اللي عايزاها، وفي حاجات بتحسن شكله وتثبيته على مدار اليوم زي ترطيب البشرة، والمكياج ليه أنواع فرش مختلفة وليها استخدامات متعددة وبالتالي معرفة خطوات وضعه هيسهل استخدامها لوضع المكياج في أحسن صورة.
ترتيب وضع المكياج
وضع المرطب
- في منه أنواع زي السيروم أو الكريم أو الزيت أو الـ(Face Mist) أو اللوشن
- خدي كمية بسيطة على أصابعك وابدئي من نصف وجهك وبعدين وزعيه لاتجاه الأعلى
- وزعي الباقي على الأنف والخدين في حركات دائرية برفق عشان تتأكدي إنه اتوزع صح
- استني 3 دقايق قبل الخطوة الجاية
البرايمر
- بيوحد لون وشكل البشرة وبينعمها وفي أنواع مخصصة للعين
- استخدمي كمية بسيطة في نصف وجهك ووزعيها للخارج على الخدين والجبهة
- في منه أنواع مختلفة زي السبراي أو المات أو البودرة.. اختاري النوع الأنسب لبشرتك
خطوة الفاونديشن في وضع المكياج
- اختاري نوع مكوناته مناسبة لبشرتك عشان شكله يكون طبيعي
- ابدأي في نصف وجهك ووزعيه للخارج
- ممكن توزعيه بفرشة أو بيوتي بلندر مبللة عشان يتوزع كويس
الكونسيلر
- استخدميه بعد الفاونديشن عشان تقدري تحددي الكمية المظبوطة منه
- النوع السايل مناسب للتغطية الخفيفة والنوع المضغوط أو الـ(Stick) مناسب للتغطية الكاملة في الأماكن الدقيقة من البشرة
- استخدمي لون مشابه لدرجة بشرتك وبعدين نوع درجته أفتح عشان تفتحي أماكن معينة من وجهك
- لو عايزة تستخدميه عشان تعملي (Highlight) لأماكن معينة.. حطيه على نصف جبهتك/ على الأنف/ أسفل الشفايف السفلية على الدقن/ أسفل العين
خطوات البرونزر والـ(Blush) والهايلايتر في المكياج
حطي الـ(Blush) على الخدين وبعدين حطي البرونزر على الجبهة وعلى خط الفكين لحد الدقن وعلى الخدين جنب الـ(Blush)
الهايلايتر ممكن تحطيه في أكتر من مكان لأنه بيبرزه وبيضيف لمعة ليه زي:
- على طول الأنف
- أعلى عظام الخدين
- الأجزاء الداخلية من العين
- الجزء الأعلى من الشفايف العلوية
- منتصف الجبهة والدقن
الآي شادو
- حطي اللون الأفتح على الجفن بالكامل
- لكن اللون الأغمق مناسب في الجزء الخارجي من العين وفوق خط الرموش وعلى منحنى الجفن وأسفل عضمة الحاجب
- استخدمي فرشة آي شادو نضيفة عشان تمزجي اللونين مع بعض
الآيلاينر والماسكارا
- الآيلاينر ليه أشكال وأنواع مختلفة.. اختاري النوع وطريقة الوضع الأنسب لحجم عينك
- ممكن تجهزي رموشك بالكيرلر قبل وضع الماسكارا وممكن تحطيها على طول
- حطي طبقتين ماسكارا بالطريقة الصحيحة وخلي طبقة منهم على الجزء العلوي من الرموش مش أسفلها
- ممكن تتقلي الحواجب لو محتاجة بالآي شادو أو قلم رسم الحواجب
الروج وملمع الشفايف
- اختاري لون مناسب لألوان الميكاب اللي استخدمتيها
- خلي ملمع الشفايف طبقة نهائية
الـ(Setting Spray) أو الـ(Setting Podwer)
- بيساعد على تثبيت المكياج مدة طويلة
- في منهم أنواع مختلفة.. اختاري النوع الأنسب لبشرتك
- غمضي عينك ورشيه على وجهك من على بعد 12 سم واستني دقيقة قبل فتحها
