تذكرتي أول موقع بيصدر بطاقة لمشجعي الرياضات المختلفة، وباستخدامه يمكنهم شراء التذاكر وحضور المباريات، وبيوفر الموقع تذاكر لأنواع مختلفة من الفعاليات الرياضية والترفيهية، كمان بينظم فعاليات مختلفة في جميع أنحاء جمهورية مصر العربية.
مميزات موقع تذكرتي
- سهل التصفح
- متوفر بـ3 لغات العربية والإنجليزية والفرنسية
- ضمان شراء تذاكر غير قابلة للتزوير
- تسهيل عملية دخول الجمهور لأي حدث رياضي أو ترفيهي
- طرق دفع أونلاين ومن خلال شركات الدفع الإلكتروني
شروط التسجيل على موقع تذكرتي
- المشترك يكون أكبر من 16 سنة
- وجود بطاقة رقم قومي سارية
- إرفاق صورة شخصية بخلفية بيضاء عشان تطبع على بطاقة المشجع
- شهادة تطعيم لقاح كورونا
- يكون عنده رقم موبايل
- بطاقة المشجع مش هتستلمها إلا بعد شراء تذكرتك الأولى من أي منفذ معتمد
طريقة التسجيل
- ادخل على الموقع واضغط على كلمة (تسجيل) أعلى يمين الصفحة الرئيسية للموقع، وحدد جنسيتك
- اكتب رقم موبايلك عشان توصلك رسالة بكود تشغيل التسجيل، وتدخله في الخانة الظاهرة على الشاشة
- حدد نوع التذكرة (حساب ترفيهي) وهيتم التفعيل الفوري للحساب
- لكن لو اختارت (حساب رياضي وترفيهي)، هتنتقل لخطوات تانية.. فاضغط (استكمال)
- كمل كتابة بياناتك الشخصية زي بطاقة الرقم القومي واسم الأم زي ما هو مسجل في شهادة الميلاد ثلاثي (ده كضمان عدم استخدام بياناتك من قبل شخص تاني)
- بعد استكمال كل البيانات..هتحتاج تكتب الـPin Code المدون على شهادة تطعيم لقاح كورونا
- هتوصلك رسالة نصية على الموبايل أو إيميل، بيتضمن الرقم الخاص ببطاقة المشجع (Fan ID) وكلمة المرور، وده معناه إنه تم التسجيل بنجاح
- في حالة رفض الطلب لسبب ما، بيتم إرسال رقم الطلب حتى يمكنك تعديل الطلب وإعادة إرساله مرة تانية، وفي حالة رفض الطلب 3 مرات، بيتم حظر رقمك القومي أو رقم جواز السفر
- بعد التسجيل.. بتختار المبارة اللي عايز تحجز تذكرة لها، وتختار الدرجة ومكان جلوسك للتشيجع، وتدفع تمن التذكرة إلكترونيا
