المحتويات
صابونة الكبريت من أنواع الصابون اللي بتستخدم في الفترة الأخيرة كغسول للوجه والجسم بسبب فوائدها المتنوعة على الجلد، خصوصًا إن ليها دور في العناية بالجلد وتقليل ظهور حب الشباب وإزالة الرؤوس البيضاء.
تعريف صابونة الكبريت
- بيتصنع بنسبة 10% من مادة الكبريت اللي بتدمج مع مكوّنات عطرية تانية تقلل تأثير رائحة الكبريت المزعجة
- بيتباع في الصيدليات لفوائده المتعددة على صحة الجلد والبشرة
- الخبراء بينصحوا أصحاب البشرة الدهنية والبشرة الحساسة باستخدامه عشان يتمتعوا بفوائده خصوصًا إن مركب الكبريت دوره أساسي في تجفيف الجلد وحمايته من الجراثيم والبكتيريا
- الدراسات بتأكد إن مادة الكبريت دورها كبير في التخلص من خلايا الجلد الميتة والحفاظ على نضارة الجلد وصحّته على الرغم من تأثيرها عليه في زيادة نسبة جفافه
فوائد صابونة الكبريت
- من أهم مميزاتها قدرتها على تقشير الجلد وتجفيفه وبالتالي زيادة فرص علاج حب الشباب وتخفيف أعراض الإحمرار والجفاف المصاحبة للحبوب
- بتعالج التهابات الجلد الناتجة عن الجرب اللي بيحصل بعد وصول طفيليات الجلد اللي بتسبب حكة مزعجة ضروري تعالجها في أسرع وقت
- بيحافظ على مسامات الجلد نضيفة وخالية من البكتيريا الضارة وبيمنع انغلاقها وده بيقلل فرص ظهور الرؤوس البيضاء
- بيخفف حالات احمرار الجلد الناتج عن التهاب معيّن أو مرض الوردية المزمن اللي بيسبب احمرار في مساحات واسعة من الجلد
- بيخفف حدة الفطريات الموجودة على الجلد اللي ممكن تسبب عدوى خطيرة مع الوقت زي التهاب الجلد المثي
- الخبراء بينصحوا إن استخدام صابونة الكبريت إجراء وقائي ومش بديل لزيارة الطبيب وعلاج أي أعراض بتظهر على جلدك في أسرع وقت ممكن
أضرار الإفراط في استخدامها
- بعض الأشخاص بيصابوا برد فعل تحسسي نتيجة لاستخدامها
- بتسبب جفاف شديد في الجلد وأحيانًا ممكن يبقى ملمسه غير مريح
- بتسبب أحيانًا رائحة كريهة مع قوة تركيز مركب الكبريت
- بعض الحالات سجّلت إن لون الجلد اتغير وبقى افتح أو أغمق بعد استخدامه لفترة طويلة
طريقة الاستخدام الآمنة
- استشير طبيب متخصص قبل استخدامه لأن طبيبك هو اللي هيقدر يحدد نوع جلدك
- استخدم كمّية بسيطة منّه على مكان غير ظاهر في جلدك عشان تعرف لو هيحصل رد فعل تحسسي منّه ولا لأ
- تجنّب الإفراط فيه وخليه مرتين في الأسبوع كحد أقصى أو حسب إرشادات طبيبك المتخصص
- استخدمه بالتدريج وبلاش تقرّبه من عينك أول مرتين على الأقل
