انستجرام: مميزات خفية بالخطوات وكيفية زيادة التفاعل

انستجرام من أكتر التطبيقات المستخدمة، ومعرفة خطوات مميزاته المختلفة هتساعدك تستغلها بطريقة صحيحة وهنقدملك خطوات تزويد التفاعل عليه.

خطوات عمل مكالمة فيديو على انستجرام

• حمل أحدث إصدار من إنستجرام على أندرويد أو (IOS)
• افتح الرسايل الخاصة واختار المحادثة مع الشخص اللي عايز تكلمه
• دوس على علامة الكاميرا أعلى يمين الشاشة
• لو عايز تضيف أشخاص للمكالمة.. ممكن تضيف لحد 6 أشخاص
• ممكن تعمل (Thread) بالأشخاص اللي عايز تكلمهم مكالمة جماعية مرة واحدة
• لو إنت في مكالمة وعايز تضيف شخص.. دوس على (Add) أسفل الشاشة وضيفه
• لإضافة شخص لمكالمة جماعية..اضغط على الكاميرا اللي لونها هيتغير للأزرق 
• لو عايز تستخدم إنستجرام أثناء المكالمة.. اضغط على المربع المقسم أعلى شمال الشاشة لتصغير الشاشة
• لعمل شير لبوست في المكالمة.. اضغط على (Posts) أسفل يمين الشاشة

خطوات إلغاء الرسايل المجهولة على انستجرام

• افتح البروفايل ودوس على التلت خطوط فوق بعض أعلى يمين الشاشة
• اختار (Settings) ودوس على (Privacy)
• اختار (Messages)
• اضغط على (Others on Instagram) وبعدين (Don’t receive requests)

 لإلغاء نوتيفيكيشن الرسايل

• افتح الـ(Settings)
• دوس على (Notifications) واختار (Messages)
• أسفل اختيار (Messages Requests).. فعل اختيار (Off)

 خطوات تلاقي بيها إعلان شوفته على انستجرام

• افتح حسابك ودوس على التلت خطوط فوق بعض
• اختار (Settings) وبعدين (Ads)
• دوس على (Ads Activity)
• اعمل سيرش بتاريخ الـ(Browsing)

 لو فاكر مكان الإعلان

• افتح إنستجرام واعمل سيرش على الحساب
• دوس على التلت نقاط فوق بعض
•  اختار (About this account)
• دوس على (Active Ads).. هتلاقي تاريخ الإعلانات وتوقيت ظهورها

خطوات تزويد التفاعل على انستجرام

• درجة التفاعل الموجودة على حسابك بتتحسب من الـ(Likes)/ التعليقات/ الشير/ البوستات المحفوظة/ عدد المتابعين/ المنشن 
• درجة التفاعل بتختلف من حساب للتاني حسب هدفه لكن النسبة الجيدة المتوسطة هي 1-4%
• حدد الجمهور المستهدف عشان تقدر تحدد طريقة الكلام المناسبة ليه
• قدم محتوى أصلي وبيعبر عن حياتك الواقعية أو تفاصيل المنتج اللي بتقدمه زي إنك تنزل ستوريز عن كواليس المنتج واكتب كابشن مرح عن الأخطاء اللي حصلت أو تفاصيل حدث معين
• اعمل (Edit) للصور والفيديوهات عشان تكون بأعلى جودة ممكنة
• نزل (Carousels) وهو بوست بأكتر من صورة أو فيديو تقدر تشوفهم بشكل متتالي من خلال الـ(Swipe)
• خلي محتوى الفيديو أو الصور المتتالية في شكل فيديو أكتر من محتوى الصور لأنها بتاخد (Engagement) أعلى بحوالي 38%
• اكتب كابشن عميق وبيعبر عن قضية أو قصة معينة واستخدم فيه الـ(Hashtags) المتعلقة بيه
• اطلب من المتابعين يكتبوا قصص مشابهة للبوست أو رأيهم فيه
• اعمل محتوى الناس تهتم تعمله (Save) زي خطوات عمل حاجة معينة أو مجموعة نصايح أو وصفة
• اهتم بعمل (Live) عشان تقدر تتفاعل معاهم أكتر لأن الدراسات أثبتت إن 80% من الأشخاص هيهتموا يشوفوا فيديو عن قراءة البوست
• نوع بين المحتوى اللي بتقدمه زي الأسئلة والمسابقات ومشاركة المواقف
• اعمل شير لآراء ومنشن المتابعين عندك سواء في الستوريز أو البوستات
• اعمل فلتر أو ستيكر أو شكل اسم مخصص ليك وللحساب عشان الناس تستخدمه
• اهتم بالرد على الأسئلة والتعليقات لأن ده بيحسسهم بالتفاعل والاهتمام والتزم بجدول مواعيد معين لنشر المحتوى عشان تفضل متواجد
• اكتب الـ(Usernames) للحسابات التانية في الـ(Bio)
• استخدم عناوين جذابة ومختلفة قبل الستوريز عشان تشد الناس واهتم بنشرها أول بأول
• خصص طريقة للمناقشة أو معرفة آراء الناس في نهاية الستوري من خلال الـ(Questions)/ الـ(Poll)
• استغل الأحداث والتريند بطرق مختلفة زي الكلام عنها أو دعمها أو استخدام كلمة شهيرة منها
• رد على الرسايل واعمل محتوى في شكل (Reel) لأنه بيجذب الناس أكتر من الفيديوهات العادية

خطوات الحيل المختلفة على انستجرام

 لمنع الستوريز أو الصور أو الفيديوهات من حساب معين

• افتح الحساب ودوس على (Following)
• اختار (Mute) وبعدين حدد نوع المحتوى اللي عايز تمنعه

لإعادة ترتيب الفلترز

• لما تنزل صورة أو فيديو.. اختار (Filter)
• روح لآخر اختيار واختار (Manage)
• دوس على الـ3 خطوط جنب كل فلتر دوسة مطولة عشان تعيد ترتيبهم واعمل علامة على يمين كل فلتر عايز ترتبه
• الغي العلامة جنب الفلتر غير المستخدم
• دوس على (Done)

لمسح تاريخ السيرش

• افتح حسابك ودوس على الـ3 خطوط فوق بعض
• اختار الإعدادات (Settings) وبعدين الحماية (Security)
• اختار مسح تاريخ السيرش (Clear Search History)

لتفعيل خاصية إرسال نوتيفيكيشن من حساب معين

• افتح الحساب ودوس على (Following)
• اختار (Notifications) وبعدين نوع المحتوى اللي عايز يجيلك نوتيفيكيشن لما ينزل

لوضع البوستات القديمة في الأرشيف بدلا من مسحها

• اضغط على الـ3 نقط اللي جنب بعض فوق الصورة
• اختار (Archive)
• عشان تشوفها.. افتح حسابك واختار الـ3 خطوط فوق بعض
• اختار (Archive)
• لو عايز ترجعها تاني.. اختار (Show on Profile) وهتظهر في نفس مكانها تاني

لتحديد وقت استخدام انستجرام

• افتح حسابك واختار الـ3 خطوط فوق بعض
• اختار (Your Activity) وبعدين (Set Daily Reminder)
• حدد المدة اللي عايزها ودوس (Set Reminder)

 لاختيار صورة كوفر من الفيديو

• اعمل الصورة اللي عايزها على أي تطبيق ديزاين وحطها في أول أو آخر الفيديو
• اختار الفيديو اللي عايز تنزله
• دوس على (Cover) وبعدين اختار الصورة

 للكتابة بألوان قوس قزح في الستوري

• اكتب الكلام اللي عايز تنزله
• ظلل على الجزء اللي عايز تلونه
• اضغط بإصبعك الأيسر على مؤشر النهاية وبعدين اضغط ضغطة مطولة بإصبعك اليمين على اللون اللي عايز تنهي بيه
• حرك الإصبعين مع بعض في اتجاه اليمين