طريقة إدراج بيانات الـ Excel في ملفات وورد وباوربوينت

Excel sheet أو شيت الإكسل ممكن تضطر إنه تنقله من مكانه الأساسي داخل برنامج إكسل لبرامج الوورد أو الباوربوينت، والربط ده ممكن يحصل عن طريق إدراج كامل للشيت عشان تقدر تفتح وقت الضغط عليه أو ممكن تحوّله لصورة لعرض المحتوى بس بدون ربطها بالملف الأصلي لشيت الإكسل.

طريقة تحويل شيت الـ Excel لصورة

•  دوس على  Save as واختار PDF من قايمة File Type  بعد ما يتحفظ كملف PDF  افتح الملف واضغط على File واختار Save as ودوس على JPG
• ارفع الملف على موقع smallpdf عشان تحول الملف لصورة بخطوة واحدة
• افتكر إنك لو عندك أكتر من شيت إكسل ممكن تدمجهم مع بعض في شيت واحد

إضافة محتوى الإكسل على الوورد 

•  افتح فايل الـ(Word) واختار (Insert) ودوس على (Table) وبعدين (Excel Spreadsheet) من القائمة المنسدلة
• هتظهرلك نافذة (Window) فيها أكتر من (Option)  للإكسيل وقتها اعمل الجدول اللي عايزه 
• اختار الصيغة والعمود والصف والخلايا المناسبين ليك
•  عشان تغير حجم وعدد الأعمدة والصفوف (Columns and Rows) حرك زوايا ونص جدول الإكسيل
• لما تكتب كل القيم المناسبة للجدول اضغط بالفأرة على أي مساحة خارج الجدول
• هيظهر بشكله الأصلي في الـ(Word)
• اضغط مرتين فوق لو عايز تعدل حاجة في الجدول الجدول عشان تظهر نافذة (Window) أوامر الإكسل

ربط شيت الـ Excel بالباوربوينت

• افتح Insert في الـPowerpoint واختار منها Object
• اختار Creat from File ودوس على Browse عشان تختار شيت الـ Excel اللي عايزه
• اضغط صح على الرابط عشان تربط بين الملفين
• افتح شيت الـ Excel واختار الأجزاء اللي عايزها من الشيت واعمل عليها Select وCopy
• ارجع تاني لملف الـ PowerPoint واقف عند الشريحة اللي هتكتب فيها ودوس على Home واختار Paste options ومنها Paste Special
• اختار Paste link عشان تقدر تنقل الجزء اللي اختارته من الشيت على الشريحة واعرف إن أي تغيير عملته في الشيت هيتغير تلقائيًا في الشريحة
• تقدر تتحكم في طريقة عرض البيانات داخل الشريحة
• من خلال Home واختيار Paste Options هتلاقي اختيارات كتير تقدر تشوف المناسب ليك منها

Use Destination Styles 

• بتحول البيانات لشكل مختلف مناسب لطريقة العرض 

Keep Source Formatting 

• بتحول البيانات لجدول على الـPowerpoint بنفس شكل شيت الـ Excel 

Embed  

• تقدر تحط منها نفس البيانات اللي تقدر تعدل فيها على الـ Excel في وقت تاني

 Picture 

• بتاخد البيانات في شكل صورة بس مش بتقدر تعدلها في الـ Excel