المحتويات
العادة السرية هي حالة الاستثارة الجنسية اللي بتحصل وقت لمس أو تدليك الشخص لأعضائه التناسلية، سواء بالإيد، أو عن طريق ألعاب جنسية بتساعد على الوصول للمتعة، والنشوة الجنسية الكاملة سواء عند الرجل أو المرأة، وحواليها جدل كبير بسبب تضارب الآراء حوالين تأثيرها على الصحة، ولكن ده الأمر اللي حسمه العلم، ونفى خرافات كتير منتشرة عنها زي تسببها في سرعة القذف وضعف الانتصاب عند الرجل، لكن الإفراط فيها ممكن يسبب إدمان صعب التخلص منّه.
علاقة العادة السرية بصحة البروستاتا عند الرجال
- مفيش دليل علي إنها بتزود فرص الإصابة بسرطان البروستاتا، بل بالعكس بعض الدراسات ربطت بين ممارستها باعتدال وقلة الإصابة بيه
- نتايج الدراسات متناقضة في الموضوع ده لأن بعضها ربط بين الإفراط في العادة السرية وبين زيادة بسيطة في فرص الإصابة بسرطان البروستاتا
- لكن لسه العلماء بيحاولوا يوصلوا لسبب انخفاض/ ارتفاع نسب الإصابة بسرطان البروستاتا مع ممارستها
- بعض الخبراء بيأكدوا إن تأثير العادة السرية على صحة البروستاتا مش زي الممارسة الجنسية
- تركيب السائل المنوي مختلف وقت الممارسة الجنسية، وبيحتوي على حيوانات منوية أعلى ومواد كيميائية مفيدة للصحة
- الإصابة بأمراض البروستاتا ليها عوامل كتير زي الوراثة، ونمط الحياة الصحي والأكل، والبيئة المحيطة
فوائد العادة السرية
- إفراز هرمونات السعادة وتقليل التوتر
- تقليل تقلصات العضلات، والإحساس بالألم، وأعراض البرد والإنفلونزا
- تحسين كفاءة النوم وتقليل الإحساس بالإجهاد
- تخفيف تشنجات الدورة الشهرية عند السيدات
- تحسين الأداء وقت الممارسة الجنسية
- مالهاش آثار جانبية طالما ممارستها بتحصل بشكل صحي وعلى فترات متباعدة وبدون إدمان
تأثير العادة السرية على صحة السيدات
- بتساعد على تدفق الدم لكل أعضاء الجسم، وبتزوّد إنتاج الأندروفين وهو هرمون السعادة
- بتزوّد الإحساس بالنشوة خصوصًا وقت الممارسة الجنسية
- بتزوّد إحساس المرأة بالثقة في النفس والرضا وبتخفف من شدة الاحتياج الجنسي
- ممارستها باستمرار على فترات متباعدة مفيدة للسيدات في فترة انقطاع الطمث
- بتخفف مشاكل الأنسجة والرطوبة وبتساعد على حل مشاكل جفاف وضيق المهبل
- بعض الخبراء بينصحوا بقضاء مدة أطول وقت ممارستها، وتجنّب العنف والتعجل وقت ممارستها
تأثيرها على الرجال
- الموضوع مش مرتبط بعدد مرات ممارستها في اليوم أو الأسبوع لكن بتأثير عدد المرات عليك
- مثلً لو بتمارسها أكتر من مرة في يوم واحد، لكن بحس بالتقصير في شغلك، وبتزوّد إحساسك بالنوم يبقى الأحسن تقلل وقت ممارستها
- لو بتساعدك على تخفيف الضغوط والتركيز القوي فممكن تعملها لكن مهم تتجنب الإفراط فيها
- في بعض الحالات الناردة بيحصل تمزق للأوعية الدموية في القضيب، وبيصاب الشخص بحالة اسمها كسر القضيب
- بتزيد فرص حدوثها وقت مسك العضو الذكري أثناء الاستمناء بعنف والضغط عليه بشدة ومع الوقت ممكن يزيد الضرر
- الإفراط فيها بيزوّد فرص تورّم القضيب وتراكم السوايل المحتبسة فيه، أو ظهور قرح على العضو التناسلي
- الخبراء بينصحوا بضرورة ممارستها بأشكال مختلفة مش بنمط واحد عشان تزوّد الحساسية والاستجابة أثناء الممارسة الجنسية
أعراض إدمان العادة السرية
- بيميل بعض الأشخاص لممارستها بشكل مزمن وعدم السيطرة على الرغبة في ممارستها
- بيوصل أحيانًا إلى إنهم ممكن يمارسوها في الشارع، أو الشغل، وبيعرضوا نفسهم لتهديد وخطر كبير
- بتزيد عندهم أعراض زي:
- تفضيل الوحدة والاستمتاع بممارستها عن الخروج مع الأصدقاء في حفلة
- الإفراط في ممارستها أثناء الشغل وعدم السيطرة على الرغبة في ممارستها
- ممارستها رغم عدم وجود رغبة جنسية لمجرد الاختلاء بالنفس ووجود الفرصة
- الإحساس بالذنب الشديد والندم المستمر بعدها
- التفكير في ممارستها طول الوقت وربطها بأي نشاط تاني
أسباب إدمانها
- الاكتئاب والوحدة وعدم وجود هدف في الحياة
- وجود استعداد وراثي بيخلي الروابط العصبية في المخ فيها استعداد أكبر لإدمان سلوك بعينه (سواء العادة السرية أو إدمان المخدرات أو حتى الكحوليات)
- الإحساس بانعدام التقدير والحرمان العاطفي من وجود شريك
علاج إدمان العادة السرية
- ركز مع نفسك وافهم السبب الحقيقي اللي بيخليك تمارسها طول الوقت بدون توقف
- حاول تحل المشكلة بزيارة طبيب نفسي متخصص يساعدك تتخلص من الأزمة النفسية اللي في حياتك
- خلي يومك مليان أنشطة وبلاش تقضي وقت فراغ طويل لوحدك
- حدد هدف لنفسك ومدة معينة تحققه فيها، وخلي أهدافك متنوعة سواء قصيرة أو طويلة المدى
- قلل تعرضك لأي محتوي جنسي سواء فيديوهات أو صور بتزود الاستثارة الجنسية عندك
- خصص وقت معين لأنشطة بتحبها بعد وقت الشغل أو الدراسة والمذاكرة عشان توازن بين الحياة الشخصية والعملية
- العب رياضة باستمرار (مش أقل من 3 مرات في الأسبوع)، وابذل فيها مجهود كبير قدر المستطاع
- ابحث عن مجموعات لناس شبهك بيحاولوا يتخلصوا من إدمانها عشان تشجعوا بعض
