المحتويات
السكتة الدماغية بتحصل مع انقطاع أو انخفاض مستويات الدم في المخ بكمية كبيرة وبتقل نسبة الأكسجين في المخ وبتدمر خلايا الدماغ بعدها بدقائق معدودة، وعشان كده مهم تعرف أعراضها المبكرة وأسبابها وطرق الوقاية منها.
أعراض السكتة الدماغية
- صعوبة الكلام
- تغيم الرؤية وفقدانها سواء في عين واحدة أو في الاتنين
- صداع شديد ومفاجيء ومعاه رغبة في القيء والدوار
- صعوبة في المشي وفقدان مفاجيء في التوازن
- شلل في الوجه أو الذراع أو الساق
- النسيان وفقدان الوعي
- ارتخاء الفم واللسان
أسبابها
- انسداد شريان في المخ نتيجة وجود رواسب دهنية فيها سواء كان انسداد تام أو جزئي أو ضيق الشريان
- انخفاض شديد في ضغط الدم
- حدوث نزيف داخل المخ اللي بيحصل لأسباب كتير منها:
- إصابة جسدية زي ارتطام الرأس بشيء حاد نتيجة السقوط من مرتفع أو حادث سير
- تراكم رواسب بروتينية في جدار الأوعية الدموية بيسبب ضعفها
عوامل بتزوّد الخطر
- السمنة وزيادة الوزن بنسبة كبيرة
- قلة الحركة
- الإفراط في شرب الكحول والتدخين
- الإصابة بالسكر والقلب
المضاعفات
- الخبراء بيأكدوا إن بعد النجاة من الموت منها أحيانًا بتزيد فرص الإصابة بمضاعفات بتستمر لمدة طويلة ومنها:
- صعوبة التحكم في عضلات الفم والفك وبالتالي صعوبة مهمة بلع الطعام أو الكلام
- العجز عن تحريك العضلات والشلل سواء في جزء منها أو كلها
- ضعف الذاكرة وقلة القدرة على الاستيعاب وفهم المصطلحات وفقدان السيطرة على الانفعالات وزيادة فرص التوتر والاكتئاب
الوقاية
- اعرف ضغطك وحاول تتحكم فيه.. الضغط المثالي 120/80
- إهمالك ليه بيزود فرص إصابتك من 4 لـ6 مرات
- ابعد عن ارتفاع الضغط المفاجئ لأنه المسبب الرئيسي
- قلل الملح في أكلك وابعد عن الأكل المليان كوليسترول ودهون مشبعة وكل فاكهة وخضروات بين الوجبات
- تجنب أي حاجة تزعلك أو توترك
- ابعد عن التدخين والمدخنين لأنه بيضاعف فرص إصابتك بيها خصوصًا إن النيكوتين بيعلي الضغط وأول أكسيد الكربون بيقلل كمية الأكسجين اللي الدم محتاجها
- العب رياضة حتى لو مدة بسيطة
- قلل وزنك وقلل السكريات والتزم بالدواء لو مريض سكر لأنه بيضاعف فرص الإصابة
- الرواسب الدهنية وتجلط الشرايين ممكن يمنع تدفق الدم للمخ
- استشير طبيبك لو بتشخّر كتير لأنه ممكن يبقى علامة مبكرة على زيادة فرص الإصابة بيها
طرق تجنب ارتفاع الضغط المفاجيء
- دراسة أثبتت قلة نسبة ارتفاع الضغط بين اللي بيمارسوا رياضة 40 دقيقة من 3-4 مرات أسبوعيا
- الرياضة ممكن تبقى جري أو أيروبيكس أو ركوب عجل أو المشي بدل السواقة أو الأعمال المنزلية
- خسارة الوزن من 5-10 كيلو لو إنت أعلى من وزنك الطبيعي
- الامتناع عن أكل السكر والكربوهيدرات المكررة زي السكر الأبيض والرز والمكرونة
- زيادة نسبة البوتاسيوم في أكلك زي الزبادي واللبن الطبيعي خالي الدسم والموز والأفوكادو والطماطم والسبانخ
- تقليل الملح في الأكل والحلويات واللحوم الحمرا والاعتماد على الفاكهة والخضار والحبوب الكاملة
- تقليل كمية الأكل المصنع زي الشوربات الجاهزة والأكل المعلب والبيتزا والبطاطس الجاهزة
- توقف التدخين لأنه بيتلف جدران الأوعية الدموية وبيعلى نسبة إصابة المحيطين بيك بالضغط العالي
- تقليل التوتر بطرق زي اليوجا وتمارين الاسترخاء والقراية
- الخبراء بيأكدوا إن أكل مكعبين شوكولاتة غامقة بنسبة كاكاو 60 -70% يوميا بتوطي الضغط
- دراسة في (Sleep Heart Health Study) أثبتت إن النوم أقل من 5 ساعات يوميا بيعلي نسبة الإصابة بيه بشكل مزمن
- الانتظام على التوم بيساعد على تقليله خاصة لو ني
- أكل 100 جم بروتين يوميا زي البيض والسمك والبقوليات والحمص بيقلل نسبة الإصابة بـ40%
- اتأكد إن عندك فيتامينات (أوميجا 3- مغنيسيوم) بشكل كافي في جسمك لأنها بتقلله
