الرضاعة الطبيعية: فوائدها للأم والرضيع وأفضل الأوضاع لها

الرضاعة الطبيعية ممكن تكون صعبة في البداية، لكن مع التجهيز المناسب ليها قبلها ومعرفة فوائدها وأهم النصائح لممارستها هتكون خطوة سهلة وتنفيذها بسيط.

فوائد الرضاعة الطبيعية

ليها فوائد جسدية ونفسية للأم والطفل زي:

 للطفل من الناحية الجسدية

• بتقوي جهاز المناعة
• بتخلي الطفل أقل عرضة للإصابة بالإسهال والإمساك وغازات البطن والارتجاع المريئي
• أقل عرضة للإصابة بنزلات البرد وعدوى الجهاز التنفسي والكحة وعدوى الأذن
• نظره بيكون أفضل وحالة العين بتكون صحية أكتر
•  الحليب الطبيعي فيه كل العناصر الغذائية والإنزيمات اللي الطفل بيحتاجها في أول 6 شهور من عمره
• فيه أجسام مضادة بتساعد الجسم على محاربة الفيروسات والبكتيريا واللي بتساعد على قلة الإصابة بالأمراض التحسسية
• بتقلل فرص الإصابة بداء السكري وسرطان الدم والتهاب المعدة والأمعاء
• بتقلل فرص الطفل للإصابة بالسمنة المفرطة في الطفولة المبكرة
• حليب الثدي غني بهرمون اللبتين المسؤول عن التحكم في الشهية وتخزين الدهون
• بيساعد على نمو البكتيريا النافعة في المعدة

للطفل من ناحية النمو

• الدراسات أثبتت إن الرضاعة بتساعد على نمو المهارات السمعية والبصرية والحميمية للطفل
• بتساعد على معدل ذكاء أعلى ونمو العقل بشكل سوي على المدى البعيد
• بتقلل فرص الإصابة بالتهاب المفاصل الروماتويدي في المراهقة وأمراض القلب

  للأم من الناحية العاطفية

• بتحفز إنتاج هرمونات الأوكسايتوسين والبروكلاتين في الجسم اللي بيساعدوا على تقليل التوتر
• بتزود الثقة بالنفس واستقرار الحالة النفسية بعد الولادة
• بتساعد على التواصل الجسدي بين الأم والطفل وبالتالي تكوين علاقة عاطفية مستقرة
• تقليل المشاكل الاجتماعية والسلوكية عند الطفل في المراحل اللي بعد كده
• بتساعد على فهم حركات وتعبيرات الطفل أسرع
• بتقلل فرص الإصابة باكتئاب ما بعد الولادة

للأم من الناحية الجسدية

• بتساعد على خسارة بمعدل 300-500 سعر حراري يوميا
• بتساعد على إعادة الرحم لحجمه الطبيعي
• بتقلل فرص الإصابة بالأنيميا
• ممكن تقلل فرص الإصابة بسرطان الثدي والتهاب المفاصل الروماتويدي وداء السكري وهشاشة العظام وارتفاع ضغط الدم وأمراض القلب

نصائح عن أول مرة للرضاعة الطبيعية

• القراءة عن الرضاعة الطبيعية قبل الولادة شيء مفيد وهيجهزك نفسيا ولكن التجربة الأولى شيء مختلف
• اطلبي من شخص متخصص زي الممرضة أو الدكتور يساعدك في ضبط وضعية جسمك ووضعية الطفل أثناء حمله
• ابدئي بإنك تاخدي وضع مريح ليكي واسندي جسمك كويس
• احملي الطفل على كوعك وقربيه من الثدي وتجنبي الانحناء عشان تقربي منه
• قربي الطفل ليكي عشان تمارسي أكبر قدر من التلامس الجلدي بينك وبينه
• اسندي رأس طفلك بإيد وادعمي الثدي بالإيد التانية
• حركي حلمة الثدي على الشفة السفلية للطفل عشان تشجعيه يفتح فمه
• الطفل هيلتقط الحلمة تدريجيا ولسانه هيكون أسفل الثدي
• راقبي صوت الطفل أثناء الرضاعة مع نمط التنفس وصوت بلعه للحليب
• في حالة الرغبة في إبعاد الطفل عن الثدي.. أوقفي المص الأول من خلال إدخال إصبعك جنب فم الطفل

نصائح عامة عن الرضاعة الطبيعية

 الطفل هيحدد وتيرة الرضاعة

في الأسابيع الأولى القليلة.. الطفل بيرضع مرة كل 2-3 ساعات

راقبي علامات الطفل اللي بتعبر عن جوعه زي:

• عض أو مص الشفايف
• تحريك الفم أو الرأس أو الفك لاتجاه الثدي
• وضع إيده في فمه
• الشعور بالضيقة
• مص الأشياء زي أصابعه

 سيبيه يرضع من ثدي واحد بشكل كامل عشان يكون لين أكتر والرضعة التالية تكون من الثدي التاني

تجنبي استخدام اللهاية في وقت مبكر لأن طريقة مصها مختلفة عن طريقة المص في الرضاعة الطبيعية ولازم يتعود على الرضاعة الطبيعية بشكل كامل واللي ممكن ياخد من 3-4 أسابيع بعد الولادة

مص اللهاية أثناء النوم ممكن يقلل فرص التعرض لمتلازمة موت الرضع المفاجيء

عند نجاح المرة الأولى للرضاعة الطبيعية هتحسي بإحساس سحب خفيف في الثدي ومختلف عن إحساس الضغط عليه أو عضه

علامات رضاعة الطفل بكمية كافية

• الطفل هيكون بيرضع بكمية كافية في حالة:
• عدم خسارة أكتر من 7% من وزن الولادة في الأيام الأولى بعد ولادته
• الشعور بالشبع لمدة 1-3 ساعات بين الرضعات
• استهلاك 6 حفاضات على الأقل يوميا في سن 7-10 أيام
• براز الطفل يكون أصفر ولين

طرق العناية بحلمات الثديين أثناء الرضاعة

نظافة الحلمات

• حافظي على نظافتها أول بأول
• اغسلي حلمات الثدي قبل وبعد كل رضعة
• غيري حمالات الصدر يوميا لتجنب إصابة الثدي بأي التهاب
• لو الثدي بيسرب حليب بين الرضعات.. استخدمي وسائد خاصة لمنعه لكن غيريها أول ما تتملي
• اختاري الأنواع القطنية لتجنب تحسس الجلد أو التهاب حلمات الثدي
• امسحي الحلمات يوميا بقطنة فيها مياه ورد عشان ريحتها تكون حلوة

تدليك الثدي

•  دلكي الثدي يوميا بزيت طبيعي لتجنب تشقق الجلد أو ترهله وللحفاظ على نضارته
• دلكيه باتجاه الحلمتين من الأعلى للأسفل لتحفيز إدرار الحليب
• تجنبي لبس حمالات الثدي اللي فيها قطعة حديدية أو بلاستيكية صلبة
• البسي حمالات الثدي القطنية لأنها مريحة وغير ضاغطة على الأوعية الدموية
• لو الحلمة ثابتة في الداخل.. ادعكيها بفرشة ناعمة وكحول وحركيها من الداخل للخارج عشان الطفل يرضع بألم أقل
• ادهني كريم مخصص لالتهاب حلمات الثدي أول بأول لتجنب تشققها

تمارين الثدي

• بيحتاج لتمارين مستمرة لشده وحمايته من الترهل
• التمرين الأول.. نامي على سطح مسطح وارفعي دراعاتك للأعلى مع حمل الأوزان
• نزليهم لحد ما يقربوا من جانبي صدرك
• كرريه 10 مرات
• التمرين التاني.. تمرين الضغط
• اسندي جسمك على إيدك وقدميك لكن خلي قدميك متقاربة
• لازم جسمك يكون على شكل خط مستقيم
• انزلي بجسمك في اتجاه الأرض بدون ما تلمسيها وبعدين اطلعي تاني
• كرريه 10 مرات

 نصائح عامة لتحسين الرضاعة الطبيعية

•  النوم بشكل كافي لأن قله النوم والإرهاق ممكن تقلل اللبن عند الأم
•  لازم تسترخي وابعدي عن التوتر
•  شرب سوايل كتير عشان بتحافظ على الجسم رطب
•  قللي المشروبات اللي فيها كافيين
•  ابعدي عن التدخين لأنه بيقلل اللبن وبيغير طعمه
•  دراسة أثبتت إن وضع شرايح الكرنب الباردة على الثدي 20 دقيقة بيقلل آلام الرضاعة
• نامي على جنبك أثناء الرضاعة عشان تتجنبي اختناق طفلك وتقللي آلام ما بعد الولادة
• اعملي سيرش قبل الولادة بفترة عشان تعرفي المعلومات المهمة عنها وتجهزي نفسيا
• حمل الطفل بعد الولادة على طول بيقلل توترك وبيمهد شعور الرضاعة بشكل طبيعي وتدريجي
• لو الطفل منزعج أو غير قادر على الرضاعة.. التلامس الجلدي هيساعده يهدى ويقرب منك ويكتشفها تدريجيا
• لأنه بيحفز هرمون الأوكسيتوسين اللي بيزود المشاعر المختلفة زي الترابط بينكم وتدفق اللبن
•  ركزي مع إشارات الطفل المختلفة اللي بيعبر بيها عن جوعه أو شبعه أو استيائه لأن استجابتك الفورية ليها هتعلمه يعملها أكتر
• تضخم وجمود ودفء الثدي تغير طبيعي وبيستمر فترة بسيطة فاعرضي على الطفل الرضاعة كل 3 ساعات
• اتفقي مع شريكك على تقسيم الأعمال المنزلية والاهتمام بالطفل بينكم عشان يكون عندك وقت للاستراحة والنوم
• جربي مع الطفل أوضاع الرضاعة المختلفة زي النوم على الصدر أو على دراعك أو على الجنب
• جهزي للأكل في أوقات فراغك عشان تسهلي على نفسك أكلهم وقت انشغالك مع الطفل
• اشتري الملابس المناسبة اللي بتسهل الرضاعة وبتقلل الاحتكاك مع الثدي زي حمالات الصدر القطن
•  ألم الرضاعة وتشقق الحلمات شيء طبيعي فتجنبي تأجيل الرضاعة لما تحسي بيهم واستشيري الطبيب في كريم مناسب
• لو هتستخدمي وسادات الرضاعة اللي بمتنع تسرب اللبن للملابس.. غيريها باستمرار لتجنب التهاب الثدي
• بدلي بين الثديين في الرضعة الواحدة
• استخدمي مضخات اللبن عشان تسهلي على شريكك المشاركة في الرضاعة ويكون عندك وقت لنفسك

التغذية الصحيحة للرضاعة الطبيعية

•  بتحتاج الأم المرضعة حوالي 500 سعر حراري في اليوم أكتر من غير المرضعة 
•  النظام الغذائي المتوازن هيمد جسمك بالطاقة اللازمة والعناصر الغذائية المهمة ليكي ولطفلك
•  الأطعمة المختلفة بتغير نكهة لبن الأم وبتساعد الطفل يتعرف على الأذواق المختلفة ويتقبلها بعد الفطام
• اهتمي بالبروتين لأنه بيساعد على زيادة إنتاج لبن الأم زي اللحوم والفراخ والحبوب الكاملة والبقوليات 
•  البيض ومنتجات الألبان هتمد الجسم بالكالسيوم اللي محتاجه الطفل عشان بناء العظام
•  مهم تاكلي حصص مختلفة من الخضراوات والفاكهة لأن فيها فيتامينات ومعادن زي الحديد والمغنسيوم والزنك
•  فيتامين سي في الجوافة والفواكه الحمضية هيساعد في امتصاص الحديد
• تجنبي شرب أكثر من 2 لـ 3 كوبايات كافيين يوميًا لأنه ممكن يأثر على نوم الطفل
• تجنبي الأطعمة زي التونا والماكريل لأن فيها كمية عالية من الزئبق اللي بيأثر على النمو العصبي للطفل
• انتظمي على تناول البقوليات والحبوب الكاملة

أوضاع الرضاعة الطبيعية

الأوضاع المخصصة للطفل الواحد بتختلف عن الأوضاع للتوأم

 وضع المهد

• اقعدي على كرسي مريح وليه مسند
• احملي الطفل على دراعك الأيمن لو هترضعيه من الثدي الأيمن والعكس 
• حطي مخدة تحت الإيد الحاملة للطفل عشان تريحيها وتسهلي الرضاعة عليه
• امسكي الثدي من المنطقة الداكنة حوالين الحلمة ووجهيها نحو فم الطفل في اتجاه الأنف

 وضع المهد المعكوس

• مناسب للأمهات الجديدة
• اقعدي على كرسي مريح وليه مسند
• احمليه على الدراع الأيمن لو هترضعيه من الثدي الأيسر أوالعكس
• ثبتي راسه كويس بكف إيدك اللي شايلاه بيه
• بالإيد التانية.. ثبتي ثديك ووجهيه نحو فم طفلك
• تجنبي تنحني للطفل.. ارفعيه هو عشان يوصلك

 وضع الكرة

• مناسب لحالات الولادة القيصرية أو حجم الثدي الكبير
• احملي الطفل بالدراع الأنسب ليكي تجاه الثدي نفس الناحية
•  فمثلا احمليه بالدراع الأيمن مع الثدي الأيمن والأيسر مع الثدي الأيسر
• واسندي راسه بإيدك مع تني كوعك ووجهيه للثدي مع وضع مخدة تحت إيدك

وضع الاستلقاء جانبا

• مناسب ليكي لو تعبانة أو للرضاعة في نص الليل
• نامي على أحد الجانبين ووجهي فم الطفل ناحية الثدي بإيدك واسندي ضهره بالإيد التانية