المحتويات
الحزام الناري هو عدوى فيروسية بتصيب الجلد وبتزوّد إحساس الشخص بالألم، بينتشر في أي جزء من الجسم على شكل شريط أو حزام من البثور، والمهم علاجه بسرعة لأن إهماله بيزوّد التعرض لخطر التهابات الدماغ وشلل الوجه.
تعريف الحزام الناري
- هو عبارة عن عدوى فيروسية بتحصل بسبب الإصابة بفيروس اسمه الفيروس النطاقي الحماقي (Varicella zoster)، وهو نفس الفيروس المسبب للجدري المائي
- بعد إصابتك بالجدري (غالبًا في سن الطفولة) بيفضل الفيروس ده كامن ومش نشط في النسيج العصبي الموجود بين الحبل النخاعي، والدماغ
- بينشط عند البعض أحيانًا بعد سنوات من الإصابة بالجدري وبيسبب آلام شديدة
أعراض الحزام الناري
- بتركز أغلب الأعراض على جزء واحد بس من جسمك (بيختلف من شخص للتاني)
- ألم وإحساس بالحرقان
- الحساسية تجاه اللمس
- طفح جلدي أحمر بيظهر بعد بداية الألم من 3 لـ 9 أيام
- بثور مليانة سوايل وبتتفتح وبتتكون فوقها قشرة
- أعراض تانية بتظهر مع ظهور البثور بس انتشارها أقل زي:
- الإحساس بالإرهاق المستمر
- الحكة
- الصداع
- تورم البشرة
- ضعف العضلات
- الحساسية من الضوء
- أحيانًا بتزيد حدة الآلام وشدتها بدون ظهور أي أعراض تانية معاها
- بيصنفها بعض الأطباء في البداية على أنها مشاكل في القلب أو الرئة أو الكليتين حسب مكان الألم
- بتتكون البثور في شكل حزام مليان بالبثور متراصة على نفس الخط حوالين العينين
- ممكن يسبب مضاعفات في المكان اللي بيصيب فيه الإنسان
- العين بتزيد فيهم الالتهابات وبيظهر تورّم شديد
- الفم بيلتهب وبتزيد فرص فقدان التذوق، وآلام الأسنان، وصعوبة البلع
- فروة الرأس بتنتشر فيها البثور وبتزيد فرص الإصابة بالصلع
أسباب الحزام الناري
- السبب الرئيسي هو الفيروس النطاقي الحماقي (Varicella zoster)، اللي بيفضل موجود بين أنسجة الجهاز العصبي لسنوات حتى بعد التعافي من الجدري
- هو بيعتبر جزء من فيروسات الهربس اللي بعض الأنواع منها بتصيب الجهاز التناسلي
- ممكن ينشط بعد سنين بيخليه يتنقل في المسارات العصبية للجلد
- مش أي شخص اتصاب بالجدري المائي هيمر بتجربة الإصابة بالحزام الناري، لكن خمول الفيروس في الجسم بيزود فرص الإصابة
- السبب الرئيسي لظهور العدوى مش معروف لكن بعض العلماء بيقترحوا إنه نتيجة للتقدم في السن، وضعف المناعة تجاه العدوى
عوامل الخطر
- بيزيد الخطر مع التقدم في السن وإصابة أشخاص سنهم أكبر من 50 سنة بالمرض
- التعرض المستمر للعلاج الكيميائي والإشعاعي اللي بيقلل مقاومة الجسم للأمراض، وبيضعف المناعة
- أدوية زي بريدنيزون (Prednisone) اللي بيتناولها المرضى بعد زراعة الأعضاء لتجنب رفض الجسم للأعضاء المزروعة
مضاعفات الحزام الناري
- التهابات الدماغ والنخاع الشوكي، وبيزيد خطر الإصابة بالسكتات الدماغية والتهاب السحايا
- مشاكل الأعصاب نتيجة إرسال الألياف العصبية التالفة إشارات متضاربة للمخ
- ممكن تتطور لشلل في الوجه أو فقدان السمع
- الإصابة بيه في العين بدون علاج ممكن تتفاقم وتوصل لالتهابات شديدة بتسبب فقدان الرؤية
العلاج
- مفيش علاج صريح للحزام الناري، بس ممكن تقلل مضاعفاته وآثاره الجانبية ببعض الأدوية المضادة للفيروسات ومنها:
- زوفيراكس (Zovirax)
- فالاسيكلوفير (Valacyclovir)
- فامسيكلوفير (Famcyclover)
- أسيكلوفير (Acyclovir)
- بتزيد فاعليتها وقت تناولها بعد أيام قليلة من ظهور الأعراض، وبالتالي مهم تستشير طبيب متخصص فورًا لما تلاحظ أعراض الحزام الناري
- بعض المسكنات بتخفف الألم الناتج عن الطفح الجلدي، بس لازم تاخدها بعد استشارة طبيب
الوقاية
- لازم تاخد لقاح شينغريكس أو زوستافاكس اللي بتوصي بيهم إدارة الغذاء والدواء الأمريكية
- بيتاخد في صورة جرعتين الفاصل بينهم من شهرين لـ 6 شهور، وبيوفر حماية مدتها 5 سنين
- مش بيمنعوا إصابتك بالمرض بس على الأقل بيخففوا شدة الأعراض
- اللقاح له آثار جانبية منها احمرار الجلد، وتورمه، والشعور بالحكة، ونوبات صداع متكررة
- مهم تسأل طبيبك قبل تناوله وتعرف منه إذا كان متوفر في البلد اللي عايش فيها ولا لأ
لقاح كورونا والحزام الناري
- دراسات أكدت إن بعض الحالات النادرة أصيبت بالحزام الناري بعد تلقيها لقاح فايزر للوقاية من فيروس كورونا
- ظهرت بعض الحالات في بريطانيا بعد تلقيها اللقاح، وبمراجعة تاريخهم المرضي اكتشف الخبراء إن عندهم بعض أمراض المناعة الذاتية
- بتأكد إن فرص ظهوره بعد تلقي الجرعة التانية من لقاح فايزر أعلى 5 مرات من بعد تلقي الجرعة الأولى منّه
- بتوصي الدراسة إن المصابين بالأمراض المناعية خصوصًا الروماتيزم لازم ياخدوا لقاح الهربس قبل لقاح فايزر
