المحتويات
- 1 الأعراض
- 2 الأعراض الأقل خطورة وأكتر انتشارا
- 3 الأعراض الأكتر خطورة
- 4 الأسباب
- 5 المضاعفات
- 6 الأنواع
- 7 التهاب المعدة التآكلي
- 8 غير التآكلي (التهاب المعدة المزمن)
- 9 التهاب غار المعدة
- 10 التهاب غدد قاع المعدة
- 11 التشخيص
- 12 الدكتور هيحدد اختبار واحد أو أكتر عشان يحدد بيها درجة التهاب المعدة، وهي:
- 13 العلاج
- 14 التغذية المناسبة
- 15 مأكولات تتجنبها لأنها هتخلي الأعراض أسوأ
- 16 مأكولات بتساعد على تقليل الأعراض
التهاب المعدة هو مصطلح عام بتوصف بيه مجموعة من الحالات بينهم شيء مشترك، وهو التهاب بطانة المعدة، والأسباب بتختلف بين وجود البكتيريا المسببة لقرح المعدة أو تناول المسكنات بشكل متكرر أو شرب الكحول.
الأعراض
الأعراض الأقل خطورة وأكتر انتشارا
- ألم البطن
- الغثيان والقيء
- الدوخة
- الشعور بالتعب معظم الوقت
- فقدان الشهية
- التجشؤ المستمر
- الشعور بالنخز أو ألم حارق في الجزء الأعلى من المعدة، وممكن يسوء أو يتحسن مع الأكل
- الشعور بالامتلاء في الجزء العلوي من بطنك بعد الأكل
الأعراض الأكتر خطورة
- قيء مع دم
- قيء أصفر أو أخضر
- براز دموي أو أسود
- ألم البطن مع ارتفاع درجة الحرارة
- تسارع نبضات القلب
- تعرق زائد
الأسباب
- التهاب الجدار الداخلي للمعدة بيسمح بوجود أي ضعف أو إصابة في الغشاء الداخلي للمعدة بسهولة، وفي عوامل بتساهم في زيادة خطر الإصابة بيه زي:
- العدوى البكتيرية: بالرغم من إن العدوى البكتيرية الملوية (جرثومة المعدة) الأكتر انتشارا في العالم، إلا إن عدد قليل من الأشخاص المصابة بيعاني من التهاب المعدة كنتيجة للإصابة بيها
- الاستخدام المنتظم للمسكنات: استخدامها بأنواعها زي الاسبرين والأيبوبروفين ممكن يسبب الإصابة بيه بأنواعه (الحاد والمزمن)، لأنها بتعمل على خفض المادة الوقائية من الأمراض في المعدة
- كبار السن: هم أكتر عرضة للإصابة بيه لأن بطانة المعدة بتكون أكتر رقة
- شرب الكحوليات: شربها بانتظام بيسبب تهيج بطانة المعدة وتآكلها، وده بيزود تأثر المعدة بالعصارات الهضمية، وبتزيد احتمالية الإصابة بيه
- الضغط النفسي: ممكن التوتر الشديد أو التفكير الزايد يسبب الإصابة بيه
- استئصال جزء من المعدة
- رد فعل تحسسي بيعلي خطر الإصابة بيه
- مهاجمة جسمك خلايا معدتك: الحالة دي اسمها التهاب المعدة المناعي الذاتي، وبتحصل لما جسمك يهاجم الخلايا المكونة للمعدة، وردة الفعل المناعية دي ممكم تسبب تآكل الحاجز الوقائي لمعدتك
- التهاب المعدة المناعي الذاتي أكتر انتشارا بين الأشخاص المصابة باضطرابات المناعة الذاتية التانية، زي داء هاشيموتو وداء السكري من نوع 1
- الإصابة بأمراض تانية: زي الإيدز وداء كرون والالتهابات الطفيلية أو في حالة الانتظام على أدوية مثبطة للمناعة
المضاعفات
في حالة تركه بدون علاج ممكن يسبب مضاعفات زي:
- النزيف
- قرح المعدة
- زيادة خطر الإصابة بسرطان المعدة
الأنواع
أنواعه بتختلف حسب الأسباب المسببة ليه وحدتها وبتنقسم لأكتر من نوع:
التهاب المعدة التآكلي
- النوع ده بيكون فيه تقرحات على غشاء المعدة، وضرر غشاء المعدة في الحالات دي سطحي ولا يخترق الطبقة العضلية في المعدة
- أسباب الإصابة بيه في الأغلب هي الانتظام على تناول المسكنات ومضادات الالتهاب أو تناول المشروبات الكحولية أو الضغط النفسي الشديد
غير التآكلي (التهاب المعدة المزمن)
هو عبارة عن تغيرات مجهرية بتظهر في فحص عينة الغشاء الداخلي للمعدة
التهاب غار المعدة
- هو الشكل الأكتر انتشارا من التهاب المعدة، وتسببه الإصابة بجرثومة المعدة
- لأن الالتهاب الناتج عنها ممكن يسبب ضمور في الغدد المخاطية المسؤولة عن إفراز الحمض، وبيسبب حالة اسمها التهاب المعدة الضموري
- وممكن يحصل بسبب عوامل بيئية أو وراثية أو للإصابة ببكتيريا المعدة الملوية
التهاب غدد قاع المعدة
- في الحالة دي الالتهاب بيصيب بشكل أساسي الغدد اللي بتفرز الأحماض وموجودة في قاع المعدة
- بتسبب ضمور شديد ممكن يسبب التوقف عن إفراز حمض المعدة
- وده بيسبب خلل في امتصاص فيتامين ب12 بسبب فقد حمض المعدة
التشخيص
الدكتور هيحدد اختبار واحد أو أكتر عشان يحدد بيها درجة التهاب المعدة، وهي:
- اختبار العدوى البكتيرية: من خلال تحاليل الدم أو البراز
- التنظير الداخلي: من خلال الفحص بالمنظار للتأكد من أماكن الالتهاب
- الخزعة: في حالة الاشتباه بوجود منطقة ملتهبة عن طريق أخذ عينة من الأنسجة
- التصوير بالأشعة السينية اللي بتلتقط صور للجزء العلوي من الجهاز الهضمي
العلاج
الدكتور هيحدد الأدوية المناسبة للعلاج زي:
- المضادات الحيوية للقضاء على البكتيريا
- الأدوية اللي بتمنع إنتاج الأحماض
- مضادات الحموضة اللي بتعادل حمضوضة المعدة كيميائيا وبتقلل الأعراض
- الأدوية اللي بتعمل على تقليل كمية أحماض المعدة واللي فيها مركبات تعمل كغطاء للمعدة للوقاية من التقرحات والالتهابات
التغذية المناسبة
بعض الأطعمة ممكن تساعدك في التعامل مع الأنواع المختلفة منه ولتقليل الأعراض
مأكولات تتجنبها لأنها هتخلي الأعراض أسوأ
- الأطعمة الحارة
- الأطعمة المقلية
- اللحوم المصنعة
- الأطعمة الحمضية زي الطماطم والبرتقال
- القهوة
- الكحول
مأكولات بتساعد على تقليل الأعراض
- الأطعمة الغنية بالألياف زي الفاصوليا والشوفان والخضار والفاكهة
- المأكولات قليلة الدهون زي اللحوم الخالية من الدهون والخضار والسمك
- الأطعمة قليلة الحموضة زي الفاصوليا والخضار
- المشروبات الخالية من الكافيين
- الأطعمة الغنية بالبكتيريا النافعة زي الزبادي والمخلل الصحي والأطعمة المخمرة
