التخلص من البق ضروري عن طريق غسل مفروشات السرير بانتظام لأن وجوده المستمر بيسبب إحساس بالرغبة في الحكة، وبالتالي ضروري تعرف مصدره وعلامات وجوده في بيتك وطرق مختلفة للتخلص منه.
تعريف البق
- هي حشرات صغيرة بيضاوية لونها بني داكن غذائها الرئيسي الدم سواء الحيوانات أو البشر ولكنها بتفضل دم البشر أكتر
- وهو مصطلح بيطلق على الحشرات نصفيات الأجنحة ومتباينات الأجنحة والأنواع دي كتيرة جدًا وبيوصل عددها لـ 35 ألف نوع
- بيتحرك بسرعة جدًا على الرغم من إنه مش بيمتلك أجنحة وعدده كبير لأن أنثى البق بتضع كمية بيض كبيرة بتوصل للمئات
- كل بيضة حجمها في شكل حبة الغبار وبيعيش في أماكن للاختباء أهمها الأثاث القديم والمراتب وصناديق الأسرة أو الحقائب المخزّنة تحتها
- بتختار الأماكن القريبة من البشر عشان تقدر تمتص دمّهم للغذاء عليه وتقدر تصبر مدة طويلة بدون غذاء (ممكن توصل لسنة)
علامات وجود البق في المنزل
- وجود بقع حمراء على السرير أو الملابس أو وجود نقط سوداء على السرير لو ضغطت عليها هتموت وتسيب مكانها بقعة دم
- اكتشاف بقع صدأ على المرتبة أو ملاية السرير وهي في الواقع بقع بتظهر مع براز البق
- وجود بقع بيضاء أو شفافة اللون على الأخشاب وهي في الواقع قشور بيض القش
- بتظهر رائحة كريهة اسمها الفيرومونات وهي عبارة عن غدد موجودة في البق
- سهل الوصول إليهم مع استخدام كشّاف قوي وعدسة مكبّرة أو تفعيل خاصية الـ Zoom في الموبايل مع تشغيل الفلاش على أعلى مستوياته
طرق التخلص من البق
- نضّف الملايات وفرش السرير والأثاث باستمرار وسيبه يجف في الشمس أو في المجفف على أعلى درجة حرارة
- نضّف السرير ومحيطه وتحته بالمكنسة الكهربائية طول الوقت وبلاش تخزّن شنط سفر تحته
- غلّف المرتبة بقطعة قماش مخصصة لتغليفه بإحكام لمنع أي بق من التسرب ليك أو للملاية
- املا الشقوق بسرعة عشان تقلل وصول البق للأساس وصلّح أي مشكلة أو ثقب في ورق الحائط
- ركّب شريط لاصق مزدوج على أرجل السرير عشان تقلل فرص وصول الحشرات إليه
- اعرف إن مبيدات الحشرات ممكن تقتل البق لكنها مش بتساعدك تتخلص من مصدره الأساسي ومنع وصوله ليك مرة تانية
- رش صودا خبز في الزوايا والشقوق الصغيرة وسيبها أسبوع وبعدها نضف بالمكنسة الكهربائية عشان تتخلص من الحشرات الميتة
- اخلط شوية زيت شجرة الشاي مع كوباية مياه وحطهم في بخاخة ورجها كويس ورش بيها الزوايا أو اخلط شوية زيت نعناع مع مياه وحطهم في بخاخة ورشهم في الزوايا
- الخبراء بيقولوا إن مزج الفلفل الحار مع الجنزبيل بيقتل البق فورًا وقت ملامسته له
- رش قرنفل حوالين السرير وتحديدًا عند أماكن تمركز البق
- حط أكياس شاي أسود في الأركان والزوايا عشان تقلل تراكم البق في الفراش وعلى الأثاث
- اغسل المرتبة باستمرار عشان تمنع وصول البق للسرير
طريقة غسل المرتبة
- نضفها بالمكنسة الكهربائية عشان تتخلص من أي أتربة
- هات قطعة قماش مبللة لامتصاص أي بلل بسبب سائل لسه واقع عليها
- وبلاش تدعك أو تفرك السائل عشان هتزود فرص امتصاص المرتبة ليه وتكوين بقعة
- اخلط معلقتين مياه أكسجين مع معلقة صابون غسيل الصحون
- هات فرشة أسنان وادعك بيها مكان أي بقعة ناشفة
- رش بيكنج صودا على المرتبة كلها وسيبها لمدة 30 دقيقة
- استعمل المنظفات الإنزيمية لأنها بتساعد في إزالة البقع اللي لونها قوي
- المنظف الإنزيمي بيتعمل بمكونات سهلة موجودة في كل البيوت
- وبيفكك بقع الدم والبول والعرق والقيء والبقع الناتجة عن بق الفراش
- مكوناته 1/2 كوب سكر ومعلقة خميرة صغيرة ولتر مياه وكوبايتين قشر برتقال وليمون
- نضف قشر البرتقال والليمون كويس وقطعه مكعبات صغيرة وهات زجاجة صودا وحط فوقيها قُمع ونزّل فيها القشر
- وضيف عليه سكر وخميرة ولتر المياه وسيبه في مكان دافي يتخمر على الأقل أسبوعين
- افتح غطاء الزجاجة يوميًا لمنع تراكم الضغط وبعدها اقفله بإحكام ورج الزجاجة كويس
- بعد ما يتخمر صفيه من أي شوائب واحتفط بيه في عبوة محكمة الغلق
- تعريضه للأكسجين هيزود نمو البكتريا فيه وهيقلل فاعليته
- املا بخاخ التنضيف بالمياه وحط عليه ربع كوباية منه واملا 3/4 البخاخ بالمنظف الإنزيمي والربع الباقي بخل التفاح لمفعول أقوي ورش منه على قطعة قماش وادعك بيها البقعة وبلاش ترشه على المرتبة مباشرة
