المحتويات
اعراض الفتق بتبدأ تظهر مع ضغط جزء من أعضاء الجسم الداخلية على عضلة أو نسيج بيعاني من الضعف، وعادة بيكون في المنطقة بين الصدر والفخدين، بعض الأشخاص ممكن مايظهرش عليهم أي أعراض أو تغييرات، وبتختلف بحسب نوع الفتق نفسه.
اعراض الفتق
- انتفاخ واضح في المنطقة المصابة (بين البطن والفخد على جانب الجسم أو على جانب منطقة العانة، أو تورم الخصيتين عند الرجال)
- وبيختفي في حالة الاستلقاء
- ثقل وعدم راحة في منطقة البطن أو الفخدين
- انتفاخ البطن بيصاحبه إمساك أو وجود دم في البراز
- حرقة في المعدة وألم في البطن (مع فتق الحجاب الحاجز)
- الغثيان والقيء
أنواع الفتق
الفتق الأربي (Inguinal hernias)
- بيحصل النوع ده نتيجة قيام نسيج دهني من الأمعاء بالضغط على الفخد أو الجزء العلوي من منطقة جوه الفخد
- من أكتر الأنواع المنتشرة بين الرجال (خاصة في منطقة الخصيتين)، في نوع تاني زيه بالظبط لكن بيصيب الناس اسمه الفتق الفخدي
- بيحصل بسبب التقدم في السن والضغط المتكرر على البطن
الفتق السرّي (Umbilical hernias)
- بيحصل نتيجة ضغط نسيج دهني أو جزء من الأمعاء على البطن في المنطقة القريبة من السرة
- وغالبا بيحصل للأطفال الرضع في حالة عدم انغلاق السرة تمامًا بعد قطع الحبل السري بشكل صحيح بعد الولادة
- وممكن يصيب البالغين نتيجة لضغط متكرر أو بذل جهد متكرر من أي نوع على منطقة البطن
فتق المعدة (Hiatus hernias)
- بترتفع المعدة لأعلى شوية وبتضغط على منطقة الصدر من خلال فتحة صغيرة في الحجاب الحاجز (العضلة الرقيقة اللي بتفصل بين منطقة الصدر والبطن)
- غالبا النوع ده مش بيصاحبه ظهور لأعراض، لكن في بعض الحالات بيسبب حرقة في المعدة
الفتق الجراحي
- في الحالة دي بيبرز نسيج من أنسجة الجسم الداخلية أو أجزائه لخارج الجسم من خلال شق جراحي ملتئمش
فتق الحجاب الحاجز
- بتتحرك بعض الأعضاء والأنسجة والأجزاء الداخلية في منطقة البطن لترتفع من خلال فتحة في الحجاب الحاجز وبتستقر في منطقة الصدر
- بيصيب الأطفال الرضع خاصة في حالة إن عضلة الحجاب الحاجز ماكتملش نموها أثناء وجوده في الرحم
الفتق الشرسوفي
- بيحصل نتيجة اندفاع الأنسجة الدهنية خلال منطقة البطن بين السرة والجزء السفلي من عظمة القص
الفتق العضلي
- بيحصل بروز جزء من الأنسجة العضلية في منطقة البطن للخارج
- بتحصل كمان في عضلات الرجل خاصة في الإصابات الرياضية
أسباب الإصابة بالفتق
- التقدم في العمر
- الإمساك
- الكحة المستمرة
- التليف الكيسي
- تضخم البروستاتا
- السمنة
- تراكم السوائل في البطن
- حمل الأشياء التقيلة
- الديلزة البريتونية (من أنواع غسيل الكلى)
- سوء التغذية
- التدخين
- الإصابة بالخصية المعلقة
العلاج
- الجراحة المفتوحة: من خلال شق جراحي بيسمح لدفع الأنسجة البارزة أو أجزاء من أعضاء داخلية لمكانها الطبيعي جوه الجسم مرة تانية
- جراحة تنظير البطن: تعتبر إجراء جراحي أصعب، وبيتم فيها إجراء شقوق أو جروح صغيرة تسمح بإصلاح الفتق من خلال جهاز المنظار
