المحتويات
الكنبة السرير زادت شعبيتها في الفترة الأخيرة، خاصة في الشقق بمساحات صغيرة، فهي حل مثالي لو عدد الغرف قليل، فيمكن الاستفادة منها للاسترخاء في غرفة الليفينج أمام التلفزيون، وغرفة نوم إضافية لأي ضيف أو للأطفال، وهنقولك نصائح مهمة قبل شرائها.
نصائح لشراء الكنبة السرير
- مهم تشوف كل الاستايلات والأنواع عشان تقدر تحدد المناسب لمساحتك
- عادة بتكون متوفرة في معارض الأثاث بمقاسات محددة (Standard) وممكن متكونش مناسبة لمساحة الأوضة، ممكن تدور على المعارض وتقدر تنفذ لك بالحجم حسب احتياجك
- اختار سمكها ميقلش عن 5 بوصة عشان تقدر تفتحها بسهولة
- مهم تختار نوع الإسفنج عالي الجودة، وكثافته متقلش عن (35 أو 37)، عند الضغط على الإسفنج مايسبش علامة مكان الضغط
- جرب الكنبة قبل شرائها، اقعد عليها واتأكد إنها مريحة وحاول تجرب تفتح ميكانزم السرير عشان تتأكد من سهولة ومرونة استعماله
- وزنها بيكون أتقل من الكنبة العادية، ومهم تاخد في اعتبارك طرق لتحريكها زي العجلات
- هيكل الكنب ممكن يكون مصنع من الخشب أو المعدن، اتأكد إن الخشب يكون من نوع جيد زي الزان عشان تضمن طول عمرها الافتراضي
- في بعض أشكالها بتحتوي على مساحة للتخزين ومفيدة في الشقق بمساحات ضيقة
أنواع أقمشة الكنبة السرير
الجلد
- من أفخم خامات كسوة الكنب وبيتماشى مع الأثاث الكلاسيكي أكتر
- بيتحمل الاستخدام المكثف وسهل تنظيفه وألوانه متعددة
الشمواه
- في نوعين من الشمواه الأصلي المعروف بالجلد المقلوب و الشمواه العادي أو الصناعي وغالبا بيبتعد معظم الناس عن اختياره بسبب إنه سهل الاتساخ وصعب في التنظف
- أما الجلد المقلوب له مميزات كتير زي إنه سهل الاستخدام وأسعاره مناسبة ومتعدد الألوان وسهل التنظيف
الكتان
- يعتبر من أفضل أنواع الأقمشة المستخدمة للكنب، لأنه متين وبيتحمل ضغط الإستخدام وله ألوان متعددة وسهل تنظيفه
الجوخ
- بيتميز الجوخ بإنه بيجمع بين الفخامة والبساطة وأنيق في شكله وسعر مناسب وتنظيفه سهل
القطن
- سعره مناسب وبيتناسب مع أنواع الديكورات وسهل التنظيف
الكنبة السرير بأشكال مختلفة
