المحتويات
اعراض البرد بتظهر أكتر خلال فصل الشتاء نتيجة التعرض لتيار هواء بارد بعد تدفئة الجسم أو استمرار التعرض لدرجات حرارة مختلفة خلال وقت قصير، وبتختلف حدة الأعراض من شخص للتاني حسب قوة مناعته.
الأعراض
- انسداد الأنف
- الكحة الشديدة
- التهاب الحلق
- احتقان الأذن
- إحساس بتكسير الجسم والضعف العام وصداع الرأس
- ارتفاع درجة حرارة الجسم (وبتوصل لـ 38.5 درجة على مدار 3 أيام)
- الإحساس بالضعف العام
- رغبة شديدة في النوم غير معتادة
- فقدان الشهية
- صعوبة التنفس
أسباب نزلات البرد
- الفيروسات الأنفية هي المسبب الأول لنزلات البرد والفيروس بيدخل جسمك سواء من الأنف أو العين أو الفم
- بينتقل الفيروس إليك عن طريق قطرات الهواء اللي بتنتشر وقت سعال المريض أو العطس أو الكلام
- لمس أي شيء تعامل معاه المريض سواء أدوات الطعام أو المناشف أو الموبايلات والألعاب كلها من وسائل نقل الفيروسات الأنفية المسببة لنزلات البرد.
مضاعفات نزلات البرد
- الإصابة بالتهاب الأذن الوسطى المزمن اللي بيحصل وقت وصول الالتهاب والفيروس لخلف طبلة الأذن
- تورمات وآلام الجيوب الأنفية سواء للأطفال أو للكبار وزيادة فرص الإصابة بالتهاب الجيوب الأنفية المزمن
- إهمال العلاج ممكن يسبب التهاب الحلق العقدي أو الالتهاب الرئوي الحاد وممكن يحتاج المريض لمضاد حيوي قوي لتقليل حدة الأعراض
الوقاية من نزلات البرد
- اغسل إيدك كويس لمدة 30 ثانية على الأقل بالمياه والصابون
- طهّر أي شيء بتلمسه بالكحول عشان تعقمه كويس
- تجنب التعاملات مع أي شخص مصاب بالبرد وخليك على مسافة متر منّه على الأقل والتزم بارتداء الكمامة
- العب تمارين رياضية قدر المستطاع لأنها بتجرّي الدورة الدموية في جسمك وبتقوي المناعة
- التزم بتناول كميات أكل من الألياف والخضروات والفواكه عشان تزوّد مناعتك بالخصائص المضادة للأكسدة والفيتامينات والمعادن الموجودة في الأطعمة دي
الفرق بين نزلات البرد ومتحور أوميكرون
- الخبراء بيأكدوا إن الفروق بين أوميكرون والبرد العادي ضئيلة لدرجة صعوبة التفرقة بين أعراضهم أحيانًا
- أغلب أعراض عدوى الجهاز التنفسي الفيروسية متشابهة سواء إنفلونزا أو كورونا بمتحوراتها زي دلتا أو أوميكرون
- أعراض أوميكرون المنتشرة:
- حكة الحلق
- ألم الأذن
- الصداع
- الإحساس بالضعف العام في الجسم
- سيلان الأنف
- سعال ينتج عنّه بلغم
- زيادة شدة الأعراض معناه فرص أكبر للإصابة بأوميكرون لكن مش دليل رئيسي على وجوده
- فقدان حاسة الشم والتذوق مش من أعراض الإصابة بمتحور أوميكرون لكنها ممكن تبقى دليل على الإصابة بكورونا غير المتحورة
- البرد العادي بيصاحبه في أغلب الأحيان:
- ارتفاع في درجة الحرارة
- إسهال
- رغبة في القيء
- ممكن أعراض البرد العادي تبقى مصاحبة لعدوى أوميكرون
- الحل هو إجراء مسحة PCR للتأكد لو العينة إيجابية ولا سلبية
- ولو نتيجته سلبية ضروري تعمل اختبار كورونا السريع (ممكن تعمله في البيت) عشان تتأكد لو مصاب بعدوى ولا لأ
- تقارير كتير بتقول إنه ممكن يبقى دقيق أكتر في بعض حالات الإصابة بأوميكرون
- اتأكد إن عندك شريط الاختبار وأداة سحب المسحة ومحلول منظم وأنبوبة بغطاء
- ضيف المحلول المنظم للأنبوب حتى العلامة الواضحة ليك
- دخّل المسحة للأنف قدر المستطاع ودوّرها 5 مرات قبل سحبها
- وبعدها دخّل المسحة في أنبوب الاختبار وخلي الطرف اللي داخل الأنف ملامس للمحلول المنظم وقلّبها 5 مرات
- افتح الأنبوب من الأسفل ونزّل منه 5 قطرات على شريط الاختبار
- انتظر 15 دقيقة قبل ظهور النتيجة وظهور خط واحد (عند الـ C) معناه سلبية النتيجة وظهور خطين (عند الـ C والـ T) معناه إيجابية النتيجة
