(احدث غرف نوم) هو دائمًا الوصف اللي بيجي في بالك وقت شراء غرفة نوم جديدة في بيتك، خصوصًا لو بتشتري أثاث غرفة جديدة بعد استمرار الغرفة القديمة معاك لسنوات طويلة لأن غرف النوم مش من القطع اللي سهل تغييرها واستبدالها إلا في أضيق الحدود، وبالتالي عنصر الحداثة والتجديد في شكل الغرفة مطلوب بجانب المتانة وقوة الخشب والسعر المناسب.
نصائح قبل شراء غرفة النوم
- افتكر إن غرفة النوم جزء من شخصيتك وبالتالي اختار ألوان مريحة ليك تساعدك على الهدوء والاسترخاء وفي نفس الوقت متماشية مع باقي الأثاث في المنزل
- الخبراء بينصحوا بالبعد عن الألوان السخنة زي الأحمر والبرتقالي والأصفر وغيرها من الألوان اللي ممكن تسبب إزعاج أثناء الراحة
- اتأكد إن حجم الأثاث مناسب لمساحة الغرفة وخلي عندك تخيّل عميق لشكل توزيع قطع الغرفة على المساحة
- وبالتالي ضروري ترفع مقاسات كل حوائط الغرفة وتقيس طول قطع أثاث الغرفة في المعرض عشان تتخيل التقسيمة المناسبة
- راعي وجود فرص للاستخدامات العملية للقطع عشان تحقق أقصى استفادة من كل قطعة
- اشتري من مكان موثوق فيه بيقدم خدمات ما بعد البيع والتوصيل والتركيب
- لف في أكتر من محل عشان تقارن بين الأسعار وتوصل لأحسن سعر للغرفة المناسبة ليك
- لو بتشتري غرفة نوم أطفال استشيرهم وخد رأيهم
أحدث غرف نوم 2022
تغييرات في شكل غرفة النوم
- لو مش قادر تغيّر غرفة النوم هنقولك على نصائح تساعدك تغيّر من شكلها
- اختار لونين تزين بيهم حائط واحد من الغرفة باستخدام المخدات/ المفروشات المعلقة
- غير ألوان أكياس المخدات واللحاف لألوان جديدة وفيها نقشات لو مساحة المكان تسمح
- لو الحائط اللي ورا السرير فاضي علق عليه براويز نفس الشكل ولكن بأحجام مختلفة أو ممكن تعلق سلك النور اللي فيه أماكن لصور مختلفة
- النباتات على جانبين السرير بتضيف طابع جديد وهادي وبالتالي اختار نبات شكله مريح للأعصاب وبسيط
- الصق ورق الحائط على السقف أو حائط واحد في الغرفة بس لونه يكون متناسق مع باقي الحوائط
- علق لوحة فيها نفس ألوان السرير أو المفارش المستخدمة على الحائط اللي وراه
- تزيين الحائط بأشكال هندسية متناسقة بتزود مساحة الغرفة
- الأباجورات المعلقة على جانبي السرير ليها أشكال وأحجام مختلفة وبتجدد شكل الإضاءة
- غير السجادة المستخدمة أو شيلها خالص لتجديد شكل الأرض
- استخدم مجموعة الباسكت المتشابهة/ أدراج التخزين للتخلص من تراكم الحاجات على الأرض
- اعمل زاوية باستخدام كرسي وترابيزة صغيرة لو المساحة تسمح
