(غرف نوم اطفال مميزة ومختلفة ومريحة للنفسية) بتعتبر الجملة دي المعادلة الصعبة لأي أب وأم بيبحثوا عن غرف لأطفالهم، تبقى مريحة نفسيًا وألونها هادية وتقسيمتها عملية خصوصًا لو الغرفة مساحتها محدودة وفي نفس الوقت عملية ومش بتتغير كل فترة خصوصًا في مراحل نمو الطفل الأولى.
طريقة اختيار غرف نوم اطفال مميزة
- راعي وجود قطع شكلها مميز ومحبب لطفلك لكن حجمها مش كبير وعددها مش كتير عشان تضمن وصول الإضاءة الطبيعية لكل أجزاء الغرفة
- حافظ على وجود مساحة واسعة كافية في الغرفة بين قطع الأثاث وبعضها
- لازم يكون فيه ترابيزة عليها رسومات جذابة متناسقة مع باقي القطع عشان تساعد طفلك على الرسم أو الكتابة أو أي مهارات بيحبها
- خلي سجادة الغرفة سميكة عشان تقلل الضرر وقت سقوطه خصوصًا لو الغرفة بتضم طفلين والسرير بدورين
- اعرف إن السرير بدورين اختيار مثالي لو مش هتقدر توفّر غرفة لكل طفل
- استخدم سراير بأدراج لو المساحة ضيقة عشان توفر مساحة أكبر للطفل يلعب فيها
- اشتري دولاب أو صندوق يحتفظ بيه الطفل بألعابه عشان يتعلم النظام وفي نفس الوقت تسهل مهمة تنظيف الغرفة وتحمي الألعاب من الكسر
- خلي قطع الأثاث صغيرة ومتحركة قدر المستطاع وبلاش تشتري سرير كبير صعب التحريك
- مع الوقت وفي مرحلة النمو هيحب طفلك يغيّر نظام غرفته بنفسه وبالتالي خلّي القطع مرنة للتحريك بسهولة
- خصص مكان للمذاكرة ولو سنه يسمح خليه يشترك في قرار اختيار المكتب ولونه ومكانه في الغرفة
- خلي التفاصيل الرئيسية في الغرفة زي السجاد والستاير بسيطة ومفيهاش تفاصيل كتير عشان تقلل تشتيت طفلك
- ممكن تسأل طفلك على شخصيته الكارتونية المفضلة واختار جزء من الحائط عشان تحط عليها رسومات الـ 3D
- حطها في جانب من الحائط مش بيشوفوه أثناء المذاكرة عشان تقلل تشتيته
ألوان غرف نوم الأطفال
- الدراسات بتقول إن اختيار لون غرفة الأطفال ضروري عشان تحافظ على نفسيتهم وتزوّد تركيزهم في المذاكرة
- كل لون وله تأثير مختلف على الطفل وبالتالي لازم تعرف تأثيرهم عليه عشان تاخد القرار الصح
- الأحمر بيزوّد عصبيته وبيشجع على العنف والسلوك العدواني لأنه بيزوّد ضربات القلب وسرعة التنفس وكمان بيقلل تركيزه
- الأصفر بيحسن نفسية الطفل ولكن مهم تختار لون أصفر مش فاقع لأن تأثيره أكبر ولأن الأصفر الصريح بيقلل التركيز
- الأزرق بيعتبر لون مثالي في غرفة نوم الطفل لأنه بيساعده على الهدوء خصوصًا لو الطفل عصبي وبيصاب بنوبات غضب متكررة وبيزوّد فرص تركيزه
- الأخضر بيحسّن التركيز والقدرة على القراءة والتنسيق بين حركات الأطراف والجسم بشكل سليم
- البرتقالي بيشجع على الانفتاح مع الآخرين وبيقلل إحساسه بالانطوائية وبيشجع الطفل على الحركة بحرية
إضاءة غرف الأطفال
- خلي النجفة مريحة ولونها لطيف لأن أغلب الأطفال بيتأملوا السقف لمدة طويلة قبل النوم
- اختار نجفة بسيطة وتفاصيلها مش معقدة وبتوزّع الإضاءة بالتساوي بين كل أجزاء الغرفة
- راعي وجود ديمر في الغرفة للتحكم في الإضاءة وتنويعها قبل النوم مباشرة أو في ساعات المذاكرة
- شجع طفلك على اختيار قطع مميزة للإضاءة الموجهة على مكتبه وقت المذاكرة لأنها بتزوّد تركيزه
- الأصفر الفاتح والأبيض من ألوان الإضاءة المميزة عشان بتساعده على التركيز والفهم والاستيعاب بسرعة
