المحتويات
فيتامينات الشعر مهمة لتحسين صحته وشكله، وكل نوع ليه أهمية مختلفة اللي بتقدر تستفيد بيها من الأطعمة أو المكملات الغذائية، وفي فيتامينات مهمة لصحة الشعر ولحمايته من التساقط والضعف.
أهم فيتامينات الشعر
فيتامين أ (A) للشعر
- مهم لنمو كل خلايا الجسم وبالتالي مهم لأنسجة الشعر وهي الأسرع نموا في جسم الإنسان
- بيساعد غدد الجلد على إنتاج مادة دهنية اسمها (Sebum) اللي بترطب الشعر وبتحسن مظهره
- مهم لترطيب شكل الشعر ولمعانه
- نقصه أو زيادته في النظام الغذائي أو الجسم بيسبب مشاكل زي تساقط الشعر
مصادره:
موجود في البطاطا/ السبانخ/ الجزر/ الكيل/ القرع العسلي/ البيض/ زيت كبد الحوت/ الزبادي
فيتامينات ب (Vitamins B)
- البيوتين (واحد من فيتامينات ب) هو من أهم الفيتامينات للشعر لأن الدراسات ربطت بين نقصه وتساقط الشعر
- فيتامينات ب التانية ليها دور في تكوين خلايا الدم الحمراء اللي بتساعد على نقل الأكسجين والمواد الغذائية لفروة الرأس وبصيلات الشعر
مصادرها:
موجود في الحبوب الكاملة/ اللوز/ اللحوم/ الأسماك/ الخضار الورقي الأخضر
فيتامين سي (C)
- هو ضروري لإنتاج الكولاجين في الجسم وهو من أكتر البروتينات النادرة في الجسم ومهم لإنتاج البرولين وهو حمض أميني بيستخدم في إنتاج الكيراتين
- الكولاجين بيساعد على نمو الشعر من خلال محاربة الشوارد الحرة اللي بتاثر على ملمسه
مصادر تحفيزه:
موجود في الجوافة/ الفراولة/ البرتقال/ الفلفل ألوان/ الجريب فروت/ الطماطم/ السبانخ
فيتامين د (D)
- نقصه في الجسم مرتبط بالإصابة بالصلع المبكر
- ليه دور في إنتاج خلايا بصيلات الشعر ونموه
مصادره:
الجسم بينتجه عن طريق التعرض للشمس/ الأسماك الدهنية/ زيت كبد الحوت/ بعض أنواع المشروم/ الكبدة
فيتامين هـ (E)
- مضاد للأكسدة بيحارب الإجهاد التأكسدي اللي بيحصل لخلايا الجسم ومنها خلايا الشعر
- دراسة أثبتت إن انتظام الأشخاص اللي بيعانوا من تساقط الشعر على مكملات فيتامين هـ قلله بحوالي 34%
مصادره:
موجود في بذور عباد الشمس/ السبانخ/ اللوز/ الأفوكادو
الحديد
- بيساعد خلايا الدم الحمراء على نقل الأكسجين والمواد الغذائية لخلايا الشعر وبالتالي هو مهم لنموها وتقليل تساقط أو تقصف الشعر
- نقصه في الجسم بيسبب الأنيميا وهو مرض منتشر بين السيدات ومن الأسباب الاساسية للإصابة بتساقط الشعر وضعفه
مصادره:
موجود في الكبدة/ السبانخ/ المحار/ البيض/ العدس/ الفاصوليا
الزنك من أهم فيتامينات الشعر
- ليه دور أساسي في نمو أنسجة الشعر وإصلاحها
- بيساعد على إبقاء الغدد الدهنية حوالين بصيلات الشعر نشطة
- نقصه من أهم أسباب تساقط الشعر والانتظام عليه بيحسن مشاكل كتير بتواجهه
- زيادته عن الحد الطبيعي في الجسم بتسبب تساقط الشعر وبالتالي لازم تاخده بالكميات المناسبة من الأطعمة
مصادره:
موجود في بذور القرع العسلي/ العدس/ المحار/ اللحوم/ السبانخ
البروتين
- الشعر أساسه البروتين لأنه المكون الأساسي لنموه
- بعض الدراسات أثبتت إن نقص البروتين في الجسم بيسبب تساقط الشعر وضعف نموه
مصادره:
موجود في اللحوم/ الفراخ/ الأسماك/ العدس/ الفاصوليا/ الزبادي اليوناني/ الجبنة القريش
