المحتويات
حمامات سباحة شكلها مميزة وبعمق مناسب وسعرها مناسب هو الاختيار المثالي لأي شخص عنده مساحة أرض وعايز يخصصها كحمام سباحة سواء للسباحة أو حتى لتحقيق غرض جمالي في المكان المخصص له.
أنواع حمامات السباحة
السكيمر Skimmer
- بيعتبر من أغلى الأنواع تكلفة وتكلفته في حدود من 170 ألف جنيه لـ 200 ألف جنيه لأنه بيحتاج مساحة واسعة لتركيبه وآلات كتير عشان يشتغل بأعلى كفاءة
- بيعتمد على آلة معينة اسمها المحول (Skimmer) اللي بتنقي المياه بشكل دوري عن طريق سحبها وتنقيتها وإدخال المياه للمضخات مرة تانية بعد إضافة نسبة الكلور المحددة لتنقيتها وبالتالي بيضمن الشخص مياه نقية بالكامل داخل حمام السباحة
- منسوب المياه داخل حمام السباحة الـ Skimmer أقل من حرف حمام السباحة بـ 20 سم
- أنواع تانية تكلفتها بتبقى متوسطة نسبيًا سهل إنشائها على مساحة أرض صغيرة
- مخصص لها مضخة مياه واحدة خارجية بتضخ المياه للداخل وسهل تقوم ببعض التمويجات داخل المياه وبالتالي بتضفي شكل جذاب للمياه داخل حمام السباحة وبالتالي مش بتحتوي على نفس تقنية فلترة المياه
أوفر فلو OverFlow
- تكلفته عالية وهو نوع مخصص للمساحات الواسعة لو الشخص محتاج حمام سباحة مساحته كبيرة
- مزوّد بمجرى إضافي على أطراف مجرى الحمام عشان يجدد المياه مرة تانية ولكنه بيحتاج خزان واسع لاستيعاب كمية المياه كلها
- تقدر تختار شكله سواء مستطيل أو دائري أو أي شكل تاني بتفضّله بس تكلفته عالية بتبدأ من 350 ألف جنيه وبتزيد حسب المساحة واحتياجه للصيانة نادر جدًا
حمام سباحة مطاط
- هو عبارة عن بالونة كبيرة مصنوعة من بلاستيك PVC بتتنفخ وبتاخد شكل حمام السباحة لكن بمساحة محدودة وهو نوع مناسب للأطفال
- من أكتر الأنواع العملية ومناسب للمساحات الضيقة بس ضروري استخدامه بحرص فوق أسطح العمارات أو في الشقق السكنية
- سعرها بيتراوح بين 350 جنيه وبيزيد حسب الخامات المستخدمة والعمق اللي بتقدمه وبعض الأنواع المناسبة للكبار بيوصل سعرها لـ 2500 جنيه وأحيانًا 3000 جنيه
أنواع مختلفة لحمامات السباحة
- الـ Infinity Pools من الحمامات اللي بتزوّد الإحساس بغياب أي حدود للمياه وبيستخدم في المناطق المنحدرة فوق الجبل أو على ارتفاع عالي عن سطح البحر
- حمامات السباحة المخصصة للـ Spa وهي حمامات سباحة مزوّدة بفتحات مياه للتدفق من الجهات المختلفة وفي نفس الوقت بتقدر تصرّف المياه بسرعة لإعادة تعقيمها وضخها مرة تانية ولكنها من أكتر حمامات السباحة المكلفة
عوامل مؤثرة في السعر
- نوع التربة لأن الحفر في الأرض الطينية مختلف عن الرملية أو الصخرية وبالتالي بتختلف التكلفة من مكان للتاني
- الكماليات المحيطة بالحمام بتفرق في سعره بشكل كبير لأن بعض الكماليات زي الشلالات أو أنظمة الإضاءة المخصصة للحمامات وغيرها بتزوّد التكلفة خصوصًا لو المساحة كبيرة
- حمامات السباحة الخرسانية هي الأغلى بجانب قدرتها علي التشكيل حسب رغبة الشخص في الشكل مهما كان مختلف عن السائد
- أما الفايبرجلاس فسعره أقل وبيتصنع في مكان معين بالشكل المتفق عليها وبعدها بينتقل لمكان التركيب فورًا بدون أعمال العزل وتشطيبات السيراميك الضرورية أثناء تركيب حمامات السباحة الخرسانية
