المحتويات
الملح أنواعه مختلفة من حيث الفوائد وطرق الاستخدام، واختيار النوع الأنسب حسب الأكلة وطريقة طهيها هيعزز طعمه أثناء الأكل.
أنواع الملح
ملح الطعام
- حبيباته صغيرة جدا وسهلة الذوبان في الطعام
- فيه مادة بتمنع تكتله وبتسبب طعم غريب في حالة استخدامه بكميات كبيرة وبالتالي تجنب استخدامه في الوصفات المالحة
- ممكن تستخدمه في وصفات الخبز لأنها بتحتاج كميات بسيطة منه
- بيتعرض لعمليات تكرير كتيرة للتخلص من الشوائب واللي بتسبب خسارة المعادن المهمة فيه
- يضاف له كميات كبيرة من اليود لتجنب احتمالية الإصابة بنقص اليود اللي ليه تأثيرات صحية زي قصور الغدة الدرقية وزيادة الوزن والإسهال والقيء
- الجسم بيحتاج كمية معينة من اليود يوميا ولكن بدون الإفراط فيه
- فيه مركبات كيماوية زي سيليكات الكالسيوم وفيرو سيانيد الصوديوم
- الكميات الزايدة منه بتأثر سلبا على الصحة
الكوشير المصنع
- الاستخدام الأكتر ليه في الصناعات الدوائية والكيميائية
- ملمسه خشن وحجم الجزيئات أكبر ووزنه أخف وبيسخدم بشكل أكبر في تسوية اللحوم
- نكهته مشابهة لملح الطعام العادي
- لا يضاف ليه اليود أو المواد المضادة للتكتل وسريع الذوبان
- مقاديره بتختلف عن الملح العادي في الوصفات لأنه ممكن يملح الأكل زيادة أو أقل لأن درجة التمليح بتختلف من ماركة للتانية
الهيمالايا الوردي
- بيتم استخراجه من منجم (Khewra) في باكستان
- هو أنقى أنواع الملح لأنه غير مكرر ولا يحتوي على إضافات منع التكتل
- يباع بعد استخراجه مباشرة وألوانه تتراوح بين الأوف وايت لحد الوردي الغامق
- بيستخدم في الطبخ أو كبديل لملح الاستحمام
- فيه نسب من الحديد والكالسيوم والبوتاسيوم والمغنيسيوم ونسبة كبيرة من كلوريد الصوديوم
- بيحسن صحة الجهاز التنفسي وفيه خصائص مضادة للالتهاب والبكتيريا
- الصوديوم بيساعد على استرخاء العضلات وتقليل احتمالية الجفاف بتوازن سوايل الجسم
- بيوازن بين درجة حموضة وقلوية الجسم وده بيحسن المناعة وعملية الهضم
- بيساعد على تحسين جودة النوم وانتظامه
- فيه نسبة يود قليلة وهي مادة الجسم محتاجها للحفاظ على صحة الغدة الدرقية فمهم تاخد اليود من مصادر تانية خاصة لو بتعاني من نقص منه
- الصوديوم عنصر مهم ولكن بنسب معينة لأن زيادته ليها آثار سلبية على الصحة زي ارتفاع ضغط الدم وتليف الكبد وأمراض الكلى
- منظمة الصحة العالمية أوصت إن الجرعة اليومية المناسبة للصوديوم هي أقل من 2300 ملليجرام
الملح البحري
- في أنواع منه ملمسها خشن وأنواع تانية ملمسها ناعم زي ملح فلور دي سيل اللي بيستخدم في الطبخ بس و ملح (Flaky Sea Salt) اللي فقير بالمعادن المفيدة
- طعمه مالح عن النوع العادي وسعره أغلى
- بيستخرج عن طريق عملية تبخير مياه البحر وفيه حوالي 84 نوع من المعادن زي الزنك والبوتاسيوم والحديد وعشان كده نكهته أشد
- المواد الغذائية فيه سهلة الامتصاص في الجسم ودرجة التمليح أقوى من النوع العادي
- بيحافظ على ضغط الدم وبيساعد في الحفاظ على درجة ال (pH) المهمة على البكتيريا النافعة
- بيعزز صحة الفم والأسنان وبيحافظ على مستويات السكر في الدم وبينظم نبض القلب
- بيستخدم لعلاج تشنجات القدم والعضلات عن طريق الاستجمام في حمام مياه بالملح
- بيقلل تراكم السموم في الجسم
الملح الأسود
- بيستخرج من جزيرة بركانية في هاواي ولونه أسود بسبب إضافة الفحم النشط للملح البحري
- طعمه قوي ولاذع وليه نكهة مشابهة للأكل المدخن وبيستخدم عند تقديم الطبق لأن طعمه بيروح مع الطبخ لمدة طويلة
- بيستخدم في الأطباق النباتية لأنه بيعمل نكهة مشابهة لنكهة البيض
- هو ما زال غير معروف ولكن يقال إن ليه بعض الفوايد زي علاج انتفاخ المعدة وتقليل الحموضة
- الحماية من احتباس السوايل لأن فيه نسبة صوديوم أقل من الملح العادي
- بديل صحي للنوع العادي لأن بيخضع لعمليات تصنيع بسيطة
- بيعمل على تحسين الدورة الدموية وتقليل تشنجات الجسم
الملح الرمادي (Celtic Sea Salt)
- واحد من أنواع الأملاح البحرية وبيستخرج من فرنسا
- طعمه قوي وغني بالمعادن المفيدة
- بيستخدم مع السمك واللحوم سواء قبل الطبخ أو عند التقديم
ملح التخليل
- خالي من اليود المضاف ومكونات مضادة للتكتل
- بيستخدم للتخليل فقط
النوع المدخن
- ليه رائحة مميزة وبيتم تدخينه لمدة من ساعة لـ14 يوم
- طعمه مميز وبيستخدم أكتر في الأطباق النباتية لتعويض طعم اللحوم
- بيختلف عن أنواع الملح اللي مضاف ليها رائحة التدخين لأنها مواد غير طبيعية