المحتويات
الكلب الهاسكي زادت شعبيته في مصر بعد الكلب الجولدن، بسبب عينه الملونة الجذابة لكن بسبب صفاته وطباعه امتلاكه وتربيته صعبة، وبيحتاج لبعض المعلومات قبل قرار شرائه.
مواصفات الكلب الهاسكي
- طول الذكر بين 53 لـ60 سم، والأنثى بين 51 لـ56 سم
- وزن الذكر بين 20.5 لـ27 كيلو جرام ، والأنثي بين 16لـ23 كيلو جرام
- متوسط عمره من 12 لـ14 سنة
- بيمتلك وجه جميل وجذاب
- عينه بألوان مختلفة من بينها اللون الأزرق أو البني،
- جسمه بيغطيه شعر ناعم وسميك وممكن يكون بأكتر من لون بين الأبيض والأسود والرمادي
أنواعه الكلب الهاسكي
السيبيري
- من أشهر أنواع الهاسكي المنتشرة
- بيتميز بمظهر زي الذئاب وعيونها اللوزية باللون الأزرق أو البني أو باللونين أو الأحمر في بعض السلالات النادرة
- شعره أبيض أو رمادي
- له طباع عنيدة وصعب تدريبه خاصة مع المبتدئين في تربية الكلاب
الملموت الألاسكي
- بيشبه السيبيري لكنه أضخم وأطول
- الفرق الأهم بينهم هو مزاجه الكلاب السيبيرية معروفة بمزاجها الودود المحب للجري واللعب، عكس الملموت جيد ومناسب للحراسة بسبب طبيعته العدائية مع الغرباء
- عينه لونها بني
طباع كلب الهاسكي
- ذكي وسريع الاستجابة للتمارين والتدريبات المختلفة
- لطيف وودود وبيحب يلعب مع الأطفال
- بيتوافق مع الحيوانات الأليفة التانية
- نشيط ورشيق
- لطيف مع الغرباء (السيبيري) ولا يصلح للحراسة
- بيفضل يكون برفقه صاحبه معظم الوقت، ولو حس بالملل أو الوحده بيتصرف بشكل سلبي زي عض أثاث البيت
- بيقلد تصرفات صاحبه زي فتح الأبواب
نصائح لتربيته
- بيحتاج لمكان بارد جداً ومش بيستحمل الحرارة لمدة طويلة
- مهم تكون شخصيتك قوية وعندك خبرة عشان تقدر تسيطر عليه
- خصص على الأقل ساعة يوميًا للعب أو المشي والجري في مساحة واسعة وأمان للتنفيس عن طاقته الكبيرة
- لأنه بيحب الحلوى، استخدمها كأداة لجذب انتباهه عند التدريب
- مش بيحتاج يستحمى كتير في فصل الشتاء بسبب قدرته على التنظيف الذاتي، لكن في فصل الصيف الأفضل تحميه مرة كل أسبوع للحفاظ على صحة جلده وشعره
- مهم تقلم أظافره بشكلٍ دوري لمنع حصول أي مشاكلَ صحيةٍ في مخالبه وأقدامه
- اهتم بإجراء الفحوصات الطبية الدورية
- تجنب تسيبه فترة طويلة لوحده عشان ميتأثرش نفسيا
- بالنسبة للجراوي، قدم لها 3 وجبات متفرقة على مدار اليوم من الدراي فود (بمعدل 3 كوبايات)
- بعد ما يوصل 4 شهورـ قدم له كوب ونص لكوبايتين من الدراي فوود بجودة عالية وقسمه على مرتين في اليوم
- تجنب الأطعمة المعلبة أو الأكل المنزلي لأن ممكن يسبب له الإسهال
- استشير دكتور عن كمية وأنواع الدراي فود لكلبك على حسب حجمه واحتياجه عشان ينمو بصورة صحيحة
