أنواع الجيبات المناسبة لأشكال الجسم المختلفة

الجيبات قطعة أساسية في دولاب أي بنت واختيار النوع والقصة المناسبة لشكل جسمك هيساعدك تبرزي جماله وتخفي أي عيوب فيه، وهنقدملك أنواع الجيبات والفروق بينهم.

الجيبة الـ(A-Line)

• ضيقة عند منطقة الوسط وواسعة عند الأرداف وبعدين بتوسع في الجزء السفلي منها
• موجودة في أشكال كتير زي القطن الحرير والصوف والكتان
• ممكن تكون متوسطة الطول أو لحد الكعب
• مناسبة للبس الكاجوال والرسمي
• مناسبة لأشكال جسم الكمترى والساعة الرملية

الجيبة الفلير

• شبه الجيبة الـ(A-Line) بس أوسع شوية
• بترفع الجسم وبتحسن مظهره العام
• موجودة في أشكال الحرير والستان والدانتيل والقطن
• بيختلف طولها بين الطول لحد الركبة أو للكعب
• مناسبة أكتر للأجسام الكيرفي

 الجيبة (Box Pleated)

• فيها طيات على محيط الجيبة كلها
• ضيقة من عند منطقة الوسط وواسعة عند باقي الأجزاء
• معظم الوقت بتتصنع من أقمشة كثيفة عشان تعمل فوليوم للجسم
• مناسبة لشكل جسم الساعة الرملية والكمترى والمربع

الجيبة البابل

• طولها فوق الركبة وفي منها أشكال أطول بسيط
• بتعمل فوليوم للجسم
• ليها بطانة على قد الجسم والطبقة الخارجية بتكون واسعة ومنفوشة
• مناسبة لشكل الجسم المربع والمثلث المقلوب

الجيبة (Asymmetric)

• قصتها بتكون غير متساوية الأطوال
• الجزء الأمامي أو الجانبي أو الخلفي بيكون أقصر من باقي الأجزاء
• موجودة بدرجات طول مختلفة
• بتاخد شكل الجسم أو بتكون أوسع بسيط
• مناسبة للبنات الطويلة والأجسام الممشوقة أو الجسم المثلث

الجيبة الدائرية

• موجودة بكل درجات الطول والأشكال
• مناسبة للبس الكاجوال خاصة مع كوتشي
• المحيط بياخد شكل دائري وبعدين بتنزل على واسع بطيات بسيطة

الجيبة (Cowl)

• بتعمل فوليوم لمنطقة الأرداف من خلال الطيات والأقمشة الزيادة فيها
• موجودة في الأقمشة الناعمة الانسيابية بس
• مناسبة للأجسام الممشوقة وشكل الجسم المربع
• مهم تلبسيها مع ملابس محددة للجزء الأعلى من الجسم

الجيبة البليسيه

• فيها كسر طولية ومناسبة لكل المناسبات والخروجات العادية
• موجودة في أشكال الحرير والقطن والستان
• بتليق على كل أشكال الجسم المختلفة

الجيبة الميرميد

• أكتر القصات أنثوية
• موجودة في أشكال الحرير والستان والجورجيت والكتان
• طولها المناسب لحد الركبة أو الساق
• مناسبة للمناسبات والخروجات الرسمية
• مناسبة لأصحاب البطن الممشوقة وشكل جسم الساعة الرملية والكمترى

الجيبة الـ(Tutu)

• شبه الجيبات اللي بتلبسها راقصات الباليه
• تصنع من قماش التل وبتضيف حجم إضافي للجسم أسفل الوسط
• الطول المناسب ليها أعلى أو أسفل الركبة
• مناسبة للمناسبات والخروجات الكاجوال
• تناسب أشكال جسم الساعة الرملية والمثلث والكمترى

الجيبة البروم ستيك

• شبه الجيبة البليسيه ولكن الكسر أضيق شوية
• بترفع الجسم ومناسبة للخروجات المختلفة
• طولها المناسب لحد الكعب
• مناسبة لأشكال جسم الساعة الرملية والكمترى والنحيف

الجيبة بقصة القلم الرصاص

• ضيقة من الوسط لحد آخرها
• مناسبة للأجسام الممشوقة والنحيفة والساعة الرملية
• موجودة في أشكال الصوف والقطن والكتان والحرير
• ليها درجات طول لحد الركبة والساق وكعب القدم
• مناسبة للحفلات والمقابلات الرسمية

جيبة الـ(Handkerchief)

• بتضيف حجم زيادة للجسم
• تصنع من أنواع أقمشة مختلفة وأطرافها بتكون مختلف في درجات الطول
• مناسبة لشكل الجسم المربع والمثلث المقلوب

الجيبة الهاي ويست

• موجودة بأنواع أقمشة مختلف حسب المكان الي هتلبسيها فيه
• ممكن تكون جيبة بقصة قلم رصاص أو جيبة ضيقة من الوسط وواسعة من باقي الأجزاء
• مناسبة للأجسام اللي بطنهم مسطحة
• الأفضل تلبسيها مع تيشيرت أو بلوزة أو قميص وتدخليها جواها

الجيبة الميني

• موجودة بكل أنواع الأقمشة
• كاجوال ومناسبة تلبسيها مع كعب عالي أو كوتشي أو حذاء عادي
• النوع الجينز منها كاجوال أكتر

الجيبة الـ(Peplum)

• شبه الجيبة بقصة القلم الرصاص ولكن فيها جزء زيادة عند الوسط
• مناسبة لإخفاء منطقة الجناب أو لتوازن حجم الأكتاف مع الفخدين عند أصحاب جسم المثلث المقلوب

الجيبة اللي فيها طبقات

• الطبقات بتضيف حيوية للبس
• مناسبة لكل أشكال الجسم
• مناسبة للخروجات الكاجوال والإطلالة البوهيمية
• موجودة بأطوال مختلفة