المحتويات
ألعاب الأطفال مهم تكون مناسبة لمستوى نمو طفلك، عشان تساعده في تنمية مهاراته وإدراكه، لكن ضروري تهتم بنظافتها، وإنها تكون مصنعة من مواد آمنة وتجنب المواد السامة والقابلة للاشتعال.
تأثير اللعب لتعلم مهارات جديدة
- بعد السنة التانية من عمر طفلك هيبدأ تغييرات فكرية وجسدية واجتماعية وعاطفية كبيرة هتساعده في اكتشاف العالم حواليه
- عالم نفس الأطفال الأمريكي روبرت مايرز قال إن المرحلة من سنتين لـ3 مرحلة كبيرة وبيبدأ يدرك أنهم كائنات مستقلة
- الوالدين ممكن يشجعوا ويدعموا أطفالهم في إتقان المهام التنموية الأساسية
- استغل وقت اللعب في تنمية اللغة والتفاعل والخيال
- ممكن تجرب تعمل مجموعة ألعاب تعليمية بسيطة للأطفال زي:
- كرات الألوان: حضر مجموعات مختلفة من الكرات بألوان مختلفة وصناديق بنفس ألوان الكرات وساعده يجمع كل كرة في صندوق بنفس لونها
- بازل الأشكال الهندسية والحيوانات والحروف: هيساعد طفلك في تطوير مهارات الإدراك والتعلم
- الكروت والأشياء: حضر كروت عليها أشكال من لعبه أو أشياء واقعية زي صورة عربية أو موزة أو كرة.. واطلب منه يجيب نفس الشيء الظاهر في الكارت
- أطباق الألوان: هات أطباق فوم ملونة وافردها على الأرض واطلب منه ينط على لون معين
فوايد اللعب بالصلصال
- بيساعد الطفل في مرحلة ما قبل المدرسة على تطوير التنسيق بين إيده وعينه
- بيعزز المهارات الحركية الدقيقة وبيقوي عضلات الإيدين والأصابع
- بيعزز خيال الطفل عن طريق تنسيق شكل معين لحيوان أو جماد من رؤيته
- بيساعد في تعلم الأشكال والأرقام والحروف بطريقة ممتعة
- تطوير مهارات زي حل المشكلات والعمل الجماعي عن طريق تكوين شكل جماعي
- طريقة إيجابية لتعلم الصبر وتقليل التوتر وتهدئة الطفل
- بيعزز الثقة في النفس والشعور بالإنجاز لأنهم بيصنعوا شيء من لا شيء
طريقة اختيار اللعبة المناسبة لعمر الطفل
السنة الأولى
- اختار ألعاب يستخدم فيها حواسه وتلفت نظره بالأصوات والألوان
- الألعاب اللي بتتعلق على السرير بتحفز قدراته البصرية
- مع الشهر الـ4.. هيحاول يمسك الحاجات حواليه فاختار الشخشيخة
- مع الشهر الـ9.. اختار برج الحلقات هينمي قدراته العقلية
- ألعاب الدفع والشد هتقوي بنيته العضلية
من سنة لـ4 سنين
- الكرة هتنمي مهارات الطفل العضلية والتنسيق بين إيديه وعينه
- ألعاب الأشكال زي المكعبات والكوبايات الملونة هتنمي قدراته لحل المشكلة
- أدوات الدكتور والمطبخ والتنضيف أو العرايس بتقوي إدراكه للحياه بتقليد الكبار
- الحيوانات وPuzzle الأشكال والأرقام هتساعده على التعلم وربط الأشكال بالكلمات
مرحلة ما قبل المدرسة
- الرسم والتلوين والصلصال هينمي عنده الإبداع والثقة في النفس
- الـPuzzle والفوازير هتحفز العلاقة بين العين والإيد
مرحلة المدرسة من 7 لـ11 سنة
- العجل وألواح التزحلق هتمني قدراته العضلية
- الشطرنج هيقوي التركيز
طرق تنظيف اللعب
لعب الأطفال بتنقل الجراثيم لأطفالك بسهولة، اهتم بتنظيفها عن طريق:
- اغسل اللعب القماش والمحشية قطن في الغسالة وسيبيها تنشف في الشمس
- اللعب المحشية فوم وبوليستر نضفها بقماشة مبلولة وصابون وسيبها تنشف
- اللعب المطاط والبلاستيك زي المكعبات وأشكال الحيوانات.. نضفها بفرشة أسنان مع صابون أو خل
- امسح اللعب اللي فيها بطاريات بقماشة وكحول
- اغسل شعر العرايس بالشامبو وصابون المواعين
- باقي جسم العرايس نضفه بمياه وبيكنج صودا