المحتويات
- 1 سلطة بالسبانخ
- 2 المكونات:
- 3 الطريقة:
- 4 سلطة بالجرجير والحمص والرمان
- 5 المكونات:
- 6 الطريقة:
- 7 سلطة بالفراخ والخس وصوص الباربكيو
- 8 المكونات:
- 9 الطريقة:
- 10 سلطة البنجر والكابوتشي
- 11 المكونات:
- 12 الطريقة:
- 13 سلطة الجرجير والأناناس
- 14 المكونات:
- 15 الطريقة:
- 16 سلطة الفاصوليا الحمراء والجرجير
- 17 المكونات:
- 18 الطريقة:
- 19 حيل طبق السلطة
طبق السلطة من أهم الأطباق على السفرة يوميا سواء كنت منتظم بدايت أو لأ، لأنه غني بالعناصر الغذائية المختلفة وبيساعد على الشبع السريع وإمداد الجسم بالألياف اللازمة، وتقدر تعمله بأكتر من طريقة مختلفة.
سلطة بالسبانخ
المكونات:
- فصين توم مهروسين
- معلقة كبيرة زيت زيتون
- ملح
- فلفل أسود
- بابريكا
- فاصوليا حمراء
- درة
- سبانخ مغسولة
- زبيب
- عين جمل
- عصير ليمونة
الطريقة:
- قلب التوم في زيت زيتون في طاسة على النار وأول ما يدبل.. ضيف السبانخ
- ضيف الفاصوليا الحمراء والدرة مع التقليب المستمر
- زود الملح والفلفل وأي بهارات تانية تحبها زي البابريكا
- زين السلطة بعين الجمل والزبيب وعصير الليمون
سلطة بالجرجير والحمص والرمان
المكونات:
- صدور فراخ متبلة
- ملح
- فلفل أسود
- بابريكا
- زعتر
- رشة بودرة بصل
- معلقة كبيرة زيت زيتون
- عصير ليمونة
- فلفل ألوان
- حمص مسلوق
- رمان
- معلقة كبيرة دبس رمان
- معلقة صغيرة عسل أبيض
الطريقة:
- اشوي الفراخ وسيبها ترتاح 10 دقايق قبل تقطيعها لتجنب خسارة سوايلها
- قطع الجرجير واخلطه مع الفلفل والرمان والحمص المسلوق
- قطع الفراخ شرايح رفيعة وضيفها للسلطة
- اعمل دريسنج السلطة بخلط معلقة كبيرة من دبس الرمان والعسل الأبيض وعصير الليمون
سلطة بالفراخ والخس وصوص الباربكيو
المكونات:
- صدور فراخ متبلة بملح وفلفل أسود وبابريكا وزعتر
- شرايخ خس
- كرنب متقطع
- فلفل ألوان
- جزر مبشور
- معلقة كبيرة صوص باربكيو
- معلقة صغيرة صوص شطة
- نفس الكمية من زيت الزيتون
الطريقة:
- اخلط كل مكونات الخضار مع بعض
- اشوي صدور الفراخ وسيبها 10 دقايق قبل التقطيع لتجنب خسارة الزيوت اللي فيها
- في طبق صغير.. اخلط صوص الباربكيو والشطة وزيت الزيتون ودوقه للتأكد من الملح
- ضيف شرايح الفراخ والدريسنج للخضار
سلطة البنجر والكابوتشي
المكونات:
- كابوتشي متقطع
- بنجر مسلوق
- شرايح تفاحة صغيرة
- رمان
- درة
- عصير ليمونة
- معلقتين صغيرين عسل أبيض
- فص توم مفروم
الطريقة:
- اخلط البنجر والكابوتشي والتفاح مع بعض
- ضيف عليهم الرمان والدرة
- في طبق منفصل.. اخلط العسل الأبيض والتوم المفروم وعصير الليمون ورشة ملح
سلطة الجرجير والأناناس
المكونات:
- جرجير متقطع
- شرايح أناناس
- حمص مسلوق
- فلفل رومي
- نعناع أخضر
- طماطم
- عصير ليمونة
- معلقة كبيرة صويا صوص
- كمون
- معلقة كبيرة زيت زيتون
- ملح
- حبة البركة
الطريقة:
- قطع الجرجير شرايح في طبق وفي طبق تاني.. اخلط الحمص مع قطع أناناس وفلفل رومي وورقتين نعناع أخضر وقطع طماطم
- اعمل دريسنج السلطة بخلط عصير الليمون والصويا صوص ورشة كمون وزيت الزيتون وقلبهم كويس
- وزع الدريسنج مع ترك معلقة كبيرة منه للخليط وبعدين ضيف الجرجير
- ضيف معلقة الدريسنج على الوش قبل التقديم مع رشة حبة البركة
سلطة الفاصوليا الحمراء والجرجير
المكونات:
- جرجير متقطع
- صدور فراخ متبلة بملح وفلفل أسود وزعتر وبابريكا وبودرة بصل وعصير ليمون
- فلفل ألوان
- شرايح أناناس
- ورقتين نعناع
- معلقة كبيرة مسطردة
- معلقة صغيرة عسل أبيض
- فلفل أسود
- ملح
- عصير ليمونة
- معلقة صغيرة زيت زيتون
الطريقة:
- قطع الجرجير شرايح رفيعة
- اشوي صدور فراخ وسيبها 10 دقايق قبل التقطيع
- في طبق تاني.. اخلط الأناناس مع مع فلفل ألوان وورقتين نعناع وشرايح الفراخ المتقطعة
- اخلط المسطردة مع العسل الأبيض ورشة فلفل أسود وزيت الزيتون وعصير ليمونة
- ضيف المكونات للجرجير وضيف الدريسنج للخليط على الوش
حيل طبق السلطة
في خطوات معينة اتباعها هيساعدك تعمله بشكل مختلف ويحافظ على المكونات طازة أكبر وقت ممكن، زي:
- خرج كل المكونات اللي ممكن تستخدمها في السلطة أمامك على الرخامة لأن ده هيساعدك تبتكر وتجدد فيها
- استخدم بولة كبيرة حتى لو كمية السلطة صغيرة لأنها بتساعد الخضار الورقي زي الخس على عدم الانكماش
- ضيف أعشاب طازة زي النعناع/ الريحان/ الزعتر/ البقدونس/ الكزبرة/ الشبت لأنها بتمزج أطعمة الخضار مع بعض وبتبرزه
- اعمل دريسنج السلطة واحفظه في برطمان عشان يكون جاهز للاستخدام وقطع الخضار بنفس الحجم دايما
- تجنب إضافة الدريسنج للسلطة إلا قبل الأكل وممكن تضيف الخضار المستوي ليها زي البروكلي والمشروم
- الـSalad Spinner بتساعد على تجفيف الخضار بسرعة خاصة مع إضافة منديل ورقي ليها
- ضيف رشة جبنة زي البارميزان أو الشيدر وقطع التوست المحمصة ليها لإضافة الدهون والكربوهيدرات اللي محتاجها
- مصادر الدهون الصحية بتضيف طعم للسلطة زي الأفوكادو/ المكسرات المحمصة/ السلمون
- نوع في ألوان الخضار في السلطة وقدمها دايما في طبق زجاجي عشان ده هيفتح نفسك أكتر
- إضافة الحمص المتبل بملح وفلفل أسود وزيت زيتون بيخلي السلطة غنية أكتر وبيطول فترة الشبع
- لو هتستخدم بصل فيها.. انقعه في مياه وخل الأول للتخلص من طعمه القوي
- ضيف عنصر حبوب زي الكينوا/ الرز البني/ البرغل لأن مزجه مع الخضار طعمه مميز
- ممكن تقطع مكونات السلطة وتحفظها في برطمانات زجاج محكمة في التلاجة لأيام الأسبوع
- استخدم القشارة مع الخضار زي الجزر/ البنجر لتجنب طعمه المقرمش القوي
